ਮਿਰਗੀ ਦੇ ਰੂਪ ਵਿਚ, ਦਿਮਾਗ਼ ਦਾ ਇਕ ਹਿੱਸਾ ਸੱਭ ਤੋਂ ਵੱਧ ਪ੍ਰਭਾਵਤ ਹੁੰਦਾ ਹੈ।
ਮੁਹਾਲੀ: ਮਿਰਗੀ ਇਕ ਅਜਿਹੀ ਬੀਮਾਰੀ ਹੈ ਜੋ ਆਮ ਤੌਰ ’ਤੇ ਬੱਚਿਆਂ ਅਤੇ ਨੌਜਵਾਨਾਂ ਵਿਚ ਦੇਖਣ ਨੂੰ ਮਿਲਦੀ ਹੈ। ਮਿਰਗੀ ਇਕ ਬੀਮਾਰੀ ਹੈ ਜੋ ਦਿਮਾਗ਼ੀ ਪ੍ਰਣਾਲੀ ਨੂੰ ਪ੍ਰਭਾਵਤ ਕਰਦੀ ਹੈ ਜਿਸ ਨਾਲ ਲੋਕਾਂ ਨੂੰ ਦੌਰੇ ਪੈ ਜਾਂਦੇ ਹਨ। ਇਸ ਬੀਮਾਰੀ ਨੂੰ ਕਾਬੂ ਕਰਨ ਲਈ ਲੋਕ ਦਵਾਈਆਂ ਦਾ ਸਹਾਰਾ ਲੈਂਦੇ ਹਨ। ਹਾਲਾਂਕਿ, ਸਮੇਂ ਸਿਰ ਦਵਾਈਆਂ ਨਾ ਮਿਲਣ ’ਤੇ ਕਈ ਵਾਰ ਗੰਭੀਰ ਸਥਿਤੀਆਂ ਪੈਦਾ ਹੋ ਜਾਂਦੀਆਂ ਹਨ।
ਮਿਰਗੀ ਆਮ ਤੌਰ ’ਤੇ ਦੋ ਕਿਸਮਾਂ ਦੀ ਹੁੰਦੀ ਹੈ-ਆਰਜ਼ੀ ਅਤੇ ਸੰਪੂਰਨ। ਮਿਰਗੀ ਦੇ ਰੂਪ ਵਿਚ, ਦਿਮਾਗ਼ ਦਾ ਇਕ ਹਿੱਸਾ ਸੱਭ ਤੋਂ ਵੱਧ ਪ੍ਰਭਾਵਤ ਹੁੰਦਾ ਹੈ। ਦੂਜੇ ਪਾਸੇ ਮਿਰਗੀ ਦੀ ਦੂਜੀ ਕਿਸਮ ਯਾਨੀ ਪੂਰੀ ਮਿਰਗੀ ਵਿਚ ਦਿਮਾਗ਼ ਦੇ ਦੋਵੇਂ ਹਿੱਸੇ ਪ੍ਰਭਾਵਤ ਹੋ ਜਾਂਦੇ ਹਨ। ਮਿਰਗੀ ਦੇ ਦੌਰੇ ਤੋਂ ਬਚਣ ਲਈ ਕਈ ਤਰ੍ਹਾਂ ਦੇ ਇਲਾਜ ਹਨ ਪਰ ਮਿਰਗੀ ਦੀ ਇਸ ਗੰਭੀਰ ਬੀਮਾਰੀ ਨੂੰ ਤੁਸੀਂ ਘਰ ਵਿਚ ਹੀ ਕੁੱਝ ਘਰੇਲੂ ਚੀਜ਼ਾਂ ਦੀ ਮਦਦ ਨਾਲ ਕਾਫ਼ੀ ਹਦ ਤਕ ਕੰਟਰੋਲ ਕਰ ਸਕਦੇ ਹੋ। ਆਉ ਜਾਣਦੇ ਹਾਂ ਕੁੱਝ ਅਜਿਹੇ ਘਰੇਲੂ ਨੁਸਖ਼ਿਆਂ ਬਾਰੇ:
ਮਿਰਗੀ ਤੋਂ ਪੀੜਤ ਵਿਅਕਤੀ ਲਈ ਅੰਗੂਰ ਇਕ ਪ੍ਰਭਾਵਸ਼ਾਲੀ ਫਲ ਹੈ। ਇਸ ਬੀਮਾਰੀ ਤੋਂ ਪੀੜਤ ਵਿਅਕਤੀ ਨੂੰ ਵੱਧ ਤੋਂ ਵੱਧ ਅੰਗੂਰ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਰੋਜ਼ਾਨਾ ਨਾਸ਼ਤੇ ਵਿਚ ਅੰਗੂਰ ਦਾ ਸੇਵਨ ਅਜਿਹੇ ਲੋਕਾਂ ਲਈ ਫ਼ਾਇਦੇਮੰਦ ਸਾਬਤ ਹੋਵੇਗਾ। ਅੰਗੂਰ ਵਿਚ ਅਜਿਹੇ ਤੱਤ ਮਿਲ ਜਾਂਦੇ ਹਨ, ਜੋ ਮਨ ਨੂੰ ਸ਼ਾਂਤ ਰੱਖਣ ਵਿਚ ਕਾਫ਼ੀ ਮਦਦਗਾਰ ਸਾਬਤ ਹੁੰਦੇ ਹਨ। ਮਿਰਗੀ ਦੇ ਰੋਗੀਆਂ ਲਈ ਕੱਦੂ ਦਾ ਸੇਵਨ ਵੀ ਬਹੁਤ ਫ਼ਾਇਦੇਮੰਦ ਦਸਿਆ ਗਿਆ ਹੈ। ਕੱਦੂ ਦੇ ਰਸ ਦਾ ਸੇਵਨ ਮਿਰਗੀ ਦੇ ਦੌਰੇ ਨੂੰ ਘੱਟ ਕਰਨ ਵਿਚ ਬਹੁਤ ਮਦਦਗਾਰ ਹੁੰਦਾ ਹੈ। ਇਸ ਤੋਂ ਇਲਾਵਾ ਇਸ ਬੀਮਾਰੀ ਤੋਂ ਪੀੜਤ ਲੋਕਾਂ ਲਈ ਕੱਦੂ ਦੀ ਸਬਜ਼ੀ ਵੀ ਬਹੁਤ ਕਾਰਗਰ ਮੰਨੀ ਗਈ ਹੈ।
ਤੁਲਸੀ ਨੂੰ ਨਾ ਸਿਰਫ਼ ਧਾਰਮਕ ਤੌਰ ’ਤੇ ਸਗੋਂ ਵਿਗਿਆਨਕ ਤੌਰ ’ਤੇ ਵੀ ਬਹੁਤ ਲਾਭਦਾਇਕ ਮੰਨਿਆ ਜਾਂਦਾ ਹੈ। ਤੁਲਸੀ ਦੀ ਵਰਤੋਂ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਵਿਚ ਕੀਤੀ ਜਾਂਦੀ ਹੈ। ਮਿਰਗੀ ਵੀ ਇਨ੍ਹਾਂ ਬੀਮਾਰੀਆਂ ਵਿੱਚੋਂ ਇਕ ਹੈ। ਤੁਲਸੀ ਨੂੰ ਮਿਰਗੀ ਦੇ ਰੋਗੀਆਂ ਲਈ ਰਾਮਬਾਣ ਮੰਨਿਆ ਜਾਂਦਾ ਹੈ। ਤੁਲਸੀ ਦੀਆਂ 10 ਪੱਤੀਆਂ ਨੂੰ ਰੋਜ਼ ਚੰਗੀ ਤਰ੍ਹਾਂ ਧੋ ਕੇ ਚਬਾ ਕੇ ਖਾਣ ਨਾਲ ਮਿਰਗੀ ਦੇ ਦੌਰੇ ਦੂਰ ਹੋ ਜਾਂਦੇ ਹਨ। ਪਿਆਜ਼ ਨੂੰ ਮਿਰਗੀ ਦੇ ਮਰੀਜ਼ਾਂ ਲਈ ਵੀ ਕਾਰਗਰ ਦਸਿਆ ਗਿਆ ਹੈ। ਇਸ ਬੀਮਾਰੀ ਲਈ ਪਿਆਜ਼ ਦੀ ਵਰਤੋਂ ਆਦਿ ਕਾਲ ਤੋਂ ਹੀ ਕੀਤੀ ਜਾਂਦੀ ਰਹੀ ਹੈ। ਮਿਰਗੀ ਦੇ ਦੌਰੇ ਤੋਂ ਪ੍ਰੇਸ਼ਾਨ ਵਿਅਕਤੀ ਨੂੰ ਦੋ ਚਮਚ ਪਿਆਜ਼ ਦਾ ਰਸ ਅਤੇ ਫਿਰ ਦੋ ਚਮਚ ਜੀਰਾ ਪਾਊਡਰ ਦੇਣ ਨਾਲ ਮਿਰਗੀ ਦੇ ਦੌਰੇ ਵਿਚ ਬਹੁਤ ਆਰਾਮ ਮਿਲਦਾ ਹੈ।
