ਐਸੀਡਿਟੀ ਜਾਂ ਗੈਸ ਦੇ ਇਲਾਵਾ ਢਿੱਡ 'ਚ ਅਲਸਰ ਹੋਣ 'ਤੇ ਵੀ ਹਲਦੀ ਵਾਲਾ ਦੁੱਧ ਨੁਕਸਾਨ ਕਰਦਾ ਹੈ।
ਆਮ ਤੌਰ 'ਤੇ ਹਲਦੀ ਵਾਲਾ ਦੁੱਧ ਸਿਹਤਮੰਦ ਮੰਨਿਆ ਜਾਂਦਾ ਹੈ। ਦਰਦ ਹੋਣ 'ਤੇ ਸਰਦੀ - ਖੰਘ ਹੋਣ 'ਤੇ ਘਰਾਂ 'ਚ ਲੋਕ ਸਭ ਤੋਂ ਪਹਿਲਾਂ ਹਲਦੀ ਵਾਲਾ ਦੁੱਧ ਪੀਣ ਦੀ ਸਲਾਹ ਦਿੰਦੇ ਹਨ। ਜਿਸਨੂੰ ਲੋਕ ਖੁਸ਼ੀ - ਖੁਸ਼ੀ ਪੀ ਵੀ ਲੈਂਦੇ ਹਨ ਪਰ ਇਹ ਹਲਦੀ ਵਾਲਾ ਦੁੱਧ ਫਾਇਦੇ ਦੀ ਥਾਂ ਨੁਕਸਾਨ ਵੀ ਪਹੁੰਚਾ ਸਕਦਾ ਹੈ। ਹਲਦੀ ਦੀ ਤਾਸੀਰ ਗਰਮ ਹੁੰਦੀ ਹੈ ਅਤੇ ਇਸ 'ਚ ਖੂਨ ਨੂੰ ਪਤਲਾ ਕਰਨ ਦਾ ਗੁਣ ਹੁੰਦਾ ਹੈ। ਇਸ ਲਈ ਹਰ ਕਿਸੇ ਨੂੰ ਇਸਨੂੰ ਨਹੀਂ ਪੀਣਾ ਚਾਹੀਦਾ ਹੈ। ਖਾਸਕਰ ਉਨ੍ਹਾਂ ਲੋਕਾਂ ਨੂੰ ਜਿਨ੍ਹਾਂ ਦਾ ਸਰੀਰ ਗਰਮ ਰਹਿੰਦਾ ਹੈ ਜਾਂ ਜਿਨ੍ਹਾਂ ਨੂੰ ਨੱਕ ਤੋਂ ਖੂਨ ਆਉਣਾ ਜਾਂ ਪਾਇਲਸ ਵਰਗੀ ਸਮੱਸਿਆ ਰਹਿੰਦੀ ਹੈ। ਇਹ ਬਲੀਡਿੰਗ ਨੂੰ ਵਧਾ ਦਿੰਦਾ ਹੈੇ।
ਕਈ ਸਾਰੇ ਮਰੀਜਾਂ ਨੂੰ ਵੀ ਹਲਦੀ ਵਾਲਾ ਦੁੱਧ ਨੁਕਸਾਨ ਪਹੁੰਚਾ ਸਕਦਾ ਹੈ। ਇੱਥੇ ਅਸੀਂ ਤੁਹਾਨੂੰ ਦਸ ਰਹੇ ਹਾਂ ਕਿਹਨਾਂ ਲੋਕਾਂ ਨੂੰ ਹਲਦੀ ਵਾਲਾ ਦੁੱਧ ਨਹੀਂ ਪੀਣਾ ਚਾਹੀਦਾ। ਜੇਕਰ ਉਹ ਇਸਨੂੰ ਪੀਣਾ ਵੀ ਚਾਹੁੰਦੇ ਹਾਂ ਤਾਂ ਉਨ੍ਹਾਂ ਨੂੰ ਡਾਕਟਰ ਤੋਂ ਸਲਾਹ ਕਰਨ ਦੇ ਬਾਅਦ ਹੀ ਇਸਨੂੰ ਲੈਣਾ ਚਾਹੀਦਾ ਹੈ।
ਇਸ ਬਾਰੇ 'ਚ ਜਦੋਂ ਆਯੁਰਵੈਦਿਕ ਮਾਹਿਰਾਂ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਹਲਦੀ ਨੂੰ ਸਿਹਤਮੰਦ ਔਸ਼ਧ ਦੇ ਰੂਪ 'ਚ ਦੇਖਿਆ ਜਾ ਸਕਦਾ ਹੈ ਪਰ ਇਹ ਸਭ ਦੇ ਲਈ ਸਿਹਤਮੰਦ ਨਹੀਂ ਹੁੰਦਾ। ਉਝ ਤਾਂ ਮਸਾਲਿਆਂ ਨੂੰ ਛੱਡ ਕੇ ਕੋਈ ਹਲਦੀ ਖਾਂਦਾ ਨਹੀਂ ਹੈ ਪਰ ਹਲਦੀ ਵਾਲਾ ਦੁੱਧ ਸਾਰੇ ਆਮ ਤੌਰ ਤੇ ਵਰਤਦੇ ਹਨ। ਗਾਲਬਲੈਡਰ ਸਟੋਨ, ਪ੍ਰੈਗਨੈਂਸੀ ਅਤੇ ਬਲੀਡਿੰਗ ਦੀ ਸਮੱਸਿਆ ਵਾਲੇ ਲੋਕਾਂ ਨੂੰ ਹਲਦੀ ਖਾਣਾ ਅਵਾਇਡ ਕਰਨਾ ਚਾਹੀਦਾ ਹੈ।
ਕਈ ਲੋਕ ਬਲੱਡ ਕਲੋਟਿੰਗ ਆਦਿ ਨੂੰ ਰੋਕਣ ਲਈ ਖੂਨ ਨੂੰ ਪਤਲਾ ਕਰਨ ਵਾਲੀ ਦਵਾਈਆਂ ਲੈ ਰਹੇ ਹੁੰਦੇ ਹਨ। ਉਨ੍ਹਾਂ ਦੇ ਲਈ ਹਲਦੀ ਹਾਨੀਕਾਰਕ ਹੈ। ਹਲਦੀ ਵਾਲਾ ਦੁੱਧ ਤਾਂ ਬਿਲਕੁਲ ਨਹੀਂ ਲੈਣਾ ਚਾਹੀਦਾ ਹੈ। ਹਲਦੀ ਦੀ ਤਾਸੀਰ ਗਰਮ ਹੁੰਦੀ ਹੈ। ਇਸਲਈ ਇਸਨੂੰ ਪ੍ਰੈਗਨੈਂਸੀ ਦੇ ਦੌਰਾਨ ਲੈਣ ਤੋਂ ਮਨਾ ਕੀਤਾ ਜਾਂਦਾ ਹੈ। ਵੱਧ ਮਾਤਰਾ 'ਚ ਇਸਨੂੰ ਲੈਣ ਨਾਲ ਯੂਟਰਸ ਸਟਿੰਮਿਊਲੇਟ ਹੋ ਜਾਂਦਾ ਹੈ ਜੋ ਪ੍ਰੈਗਨੈਂਸੀ 'ਚ ਕਾਪਲੀਕੇਸ਼ਨ ਲਿਆ ਸਕਦਾ ਹੈ।
ਐਸੀਡਿਟੀ ਜਾਂ ਗੈਸ ਦੀ ਸਮੱਸਿਆ ਦੇ ਇਲਾਵਾ ਢਿੱਡ 'ਚ ਅਲਸਰ ਹੋਣ 'ਤੇ ਵੀ ਹਲਦੀ ਵਾਲਾ ਦੁੱਧ ਨੁਕਸਾਨ ਕਰਦਾ ਹੈ। ਅਜਿਹੇ ਲੋਕਾਂ ਨੂੰ ਹਲਦੀ ਵਾਲਾ ਦੁੱਧ ਨਹੀਂ ਲੈਣਾ ਚਾਹੀਦਾ ਹੈ।
