ਟਮਾਟਰ ਖਾਣਾ ਸਿਹਤ ਲਈ ਤਾਂ ਚੰਗਾ ਹੁੰਦਾ ਹੀ ਹੈ ਪਰ ਇਹ ਸਾਡੀ ਚਮੜੀ ਲਈ ਵੀ ਬਹੁਤ ਗੁਣਕਾਰੀ ਹੁੰਦਾ ਹੈ। ਇਸ 'ਚ ਲਾਇਕੋਪੀਨ ਤੱਤ ਹੁੰਦਾ ਹੈ ਜਿਸ ਨਾਲ ਤੁਹਾਡੀ ਚਮੜੀ 'ਚ ਚਮਕ ਆਉਂਦੀ ਹੈ। ਟਮਾਟਰ ਸਾਡੀ ਚਮੜੀ ਦਾ ਸੂਰਜ ਦੀਆਂ ਪਰਾਵੈਂਗਣੀ ਕਿਰਨਾਂ ਤੋਂ ਵੀ ਬਚਾਅ ਕਰਦਾ ਹੈ। ਜਦਕਿ ਸ਼ਹਿਦ ਚਮੜੀ ਦੇ ਸੈੱਲਾਂ 'ਚ ਨਮੀ ਬਰਕਰਾਰ ਰਖਦਾ ਹੈ ਅਤੇ ਇਹ ਚਿਹਰੇ ਦੀਆਂ ਝੁਰੜੀਆਂ ਨੂੰ ਵੀ ਰੋਕਦਾ ਹੈ। ਟਮਾਟਰ ਅਤੇ ਸ਼ਹਿਦ ਦਾ ਬਣਿਆ ਫ਼ੇਸਮਾਸਕ ਚਮੜੀ ਨੂੰ ਚਮਕਦਾਰ ਬਣਾਉਂਦਾ ਹੈ। ਆਉ ਵੇਖੀਏ ਇਸ ਨੂੰ ਬਣਾਉਣ ਅਤੇ ਲਗਾਉਣ ਦਾ ਆਸਾਨ ਤਰੀਕਾ।
ਸਮੱਗਰੀ: ਅੱਧਾ ਪੱਕਿਆ ਟਮਾਟਰ, ਇਕ ਚਮਚ ਸ਼ਹਿਦ
ਹਦਾਇਤਾਂ: ਟਮਾਟਰ ਨੂੰ ਮਿਕਸੀ ਵਿਚ ਚੰਗੀ ਤਰ੍ਹਾਂ ਪੀਹ ਲਵੋ। ਇਸ 'ਚ ਸ਼ਹਿਦ ਪਾ ਕੇ ਚੰਗੀ ਤਰ੍ਹਾਂ ਮਿਲਾ ਲਵੋ। ਇਸ ਮਿਸ਼ਰਣ ਨੂੰ ਅਪਣੇ ਚਿਹਰੇ ਉਤੇ ਲਾਉ। 15 ਮਿੰਟਾਂ ਤਕ ਇਸੇ ਤਰ੍ਹਾਂ ਰਹਿਣ ਦਿਉ ਤਾਕਿ ਮਿਸ਼ਰਣ ਚਮੜੀ 'ਚ ਚੰਗੀ ਤਰ੍ਹਾਂ ਸਮਾ ਜਾਵੇ। 15 ਮਿੰਟਾਂ ਬਾਅਦ ਠੰਢੇ ਪਾਣੀ ਨਾਲ ਧੋ ਲਵੋ। ਚਿਹਰੇ ਨੂੰ ਤੇਲੀਏ ਨਾਲ ਥਪਥਪਾ ਕੇ ਸੁਕਾਉ।