ਮਲੇਸ਼ੀਆ ਦੇ ਤੇਵਰ ਪਏ ਢਿੱਲੇ : ਭਾਰਤ ਤੋਂ ਚੀਨੀ ਦੀ ਖ਼ਰੀਦ 'ਚ ਕੀਤਾ ਵਾਧਾ!

ਏਜੰਸੀ
Published Jan 24, 2020, 8:36 pm IST
Updated Jan 24, 2020, 8:36 pm IST
ਭਾਰਤ ਵਲੋਂ ਪਾਮ ਤੇਲ ਆਯਾਤ ਰੋਕਣ ਤੋਂ ਡਰਿਆ ਮਲੇਸ਼ੀਆ
file photo
 file photo

ਨਵੀਂ ਦਿੱਲੀ : ਕਸ਼ਮੀਰ ਮਸਲੇ 'ਤੇ ਭਾਰਤ ਦੀ ਨਰਾਜ਼ਗੀ ਸਹੇੜ ਚੁੱਕੇ ਮਲੇਸ਼ੀਆ ਦੇ ਹੋਸ਼ ਹੁਣ ਟਿਕਾਣੇ ਆਉਣੇ ਸ਼ੁਰੂ ਹੋ ਗਏ ਹਨ। ਭਾਰਤ ਵਲੋਂ ਮਲੇਸ਼ੀਆ ਤੋਂ ਪਾਮ ਤੇਲ ਦਾ ਆਯਾਤ ਰੋਕਣ ਤੋਂ ਬਾਅਦ ਮਲੇਸ਼ੀਆਂ ਹੁਣ ਭਾਰਤ ਨਾਲ ਤਣਾਅ ਘੱਟ ਕਰਨ ਦੀ ਕੋਸ਼ਿਸ਼ ਵਿਚ ਹੈ ਇਸੇ ਤਹਿਤ ਮਲੇਸ਼ੀਆ ਦੇ ਸਾਬਕਾ ਚੀਨੀ ਰਿਫਾਈਨਰ ਨੇ ਕਿਹਾ ਕਿ ਉਹ ਭਾਰਤ 'ਚੋਂ ਚੀਨੀ ਦੀ ਖਰੀਦ 'ਚ ਵਾਧਾ ਕਰੇਗੀ।

PhotoPhoto

Advertisement

ਕੰਪਨੀ ਦੇ ਇਸ ਫ਼ੈਸਲੇ ਨੂੰ ਇਸ ਮਾਮਲੇ ਨਾਲ ਜੁੜੇ ਦੋ ਸੂਤਰਾਂ ਨੇ ਪਾਮ ਤੇਲ ਆਯਾਤ 'ਤੇ ਭਾਰਤ ਦੇ ਨਾਲ ਚੱਲ ਰਹੇ ਤਣਾਅ ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਦਾ ਹਿੱਸਾ ਦਸਿਆ ਹੈ। ਐਮ.ਐਸ.ਐਮ. ਮਲੇਸ਼ੀਆ ਹੋਲਡਿੰਗਸ ਬਰਹਾਦ ਭਾਰਤ ਤੋਂ ਪਹਿਲੀ ਤਿਮਾਹੀ 'ਚ 1,30,000 ਟਨ ਕੱਚੀ ਚੀਨੀ ਦੀ ਖਰੀਦ ਕਰੇਗਾ ਜਿਸ ਦੀ ਲਾਗਤ 20 ਕਰੋੜ ਰਿੰਗਿਟ (4.920 ਕਰੋੜ ਡਾਲਰ) ਆਵੇਗੀ।

PhotoPhoto

ਕੰਪਨੀ ਨੇ ਰਾਇਟਰਸ ਨੂੰ ਇਸ ਦੀ ਜਾਣਕਾਰੀ ਦਿਤੀ ਹੈ। 2019 'ਚ ਕੰਪਨੀ ਨੇ ਭਾਰਤ ਤੋਂ 88,000 ਟਨ ਕੱਚੀ ਚੀਨੀ ਦੀ ਖਰੀਦ ਕੀਤੀ ਸੀ। ਐਮ.ਐਸ.ਐਮ. ਦੁਨੀਆ ਦੀ ਸਭ ਤੋਂ ਵੱਡੀ ਪਾਮ ਤੇਲ ਉਤਪਾਦਨ ਐਫ.ਜੀ.ਵੀ. ਹੋਲਡਿੰਗਸ ਦੀ ਚੀਨੀ ਰਿਫਾਈਨਿੰਗ ਬ੍ਰਾਂਚ ਹੈ।

PhotoPhoto

ਐਫ.ਜੀ.ਵੀ. ਮਲੇਸ਼ੀਆ ਦੀ ਸਰਕਾਰੀ ਸੰਸਥਾ ਫੈਂਡਰਲ ਲੈਂਡ ਡਿਵੈਲਪਮੈਂਟ ਅਥਾਰਿਟੀ ਜਾਂ ਫੇਲਦਾ ਦੀ ਇਕ ਇਕਾਈ ਹੈ। ਕੰਪਨੀ ਨੇ ਚੀਨੀ ਖਰੀਦ 'ਚ ਵਾਧੇ ਦੇ ਫ਼ੈਸਲੇ ਨੂੰ ਪਾਮ ਤੇਲ ਵਿਵਾਦ ਨਾਲ ਸਬੰਧਤ ਹੋਣ ਦੀ ਗੱਲ ਨਹੀਂ ਕਹੀ ਹੈ।

PhotoPhoto

ਭਾਰਤ ਦੁਨੀਆ ਦਾ ਸਭ ਤੋਂ ਵੱਡਾ ਚੀਨੀ ਉਤਪਾਦਕ ਦੇਸ਼ ਹੈ ਅਤੇ ਦੇਸ਼ 'ਚ ਇਸ ਦਾ ਜ਼ਿਆਦਾ ਭੰਡਾਰ ਹੋਣ ਕਾਰਨ ਚੀਨੀ ਦੇ ਨਿਰਯਾਤ 'ਚ ਉਛਾਲ ਆਇਆ ਹੈ। 2019-20 'ਚ ਸੀਜ਼ਨ 'ਚ ਨਿਰਯਾਤ 50 ਲੱਖ ਟਨ ਦੇ ਰਿਕਾਰਡ ਪੱਧਰ 'ਤੇ ਪਹੁੰਚਣ ਦੀ ਉਮੀਦ ਹੈ।

Location: India, Delhi
Advertisement

 

Advertisement
Advertisement