ਮੰਦੀ ਦਾ ਅਸਰ : ਅਗਸਤ 'ਚ 1.1% ਉਦਯੋਗਿਕ ਉਤਪਾਦਨ ਘਟਿਆ
Published : Oct 11, 2019, 8:47 pm IST
Updated : Oct 11, 2019, 8:47 pm IST
SHARE ARTICLE
Economic slowdown : Industrial Production Shrinks To Minus 1.1% In August
Economic slowdown : Industrial Production Shrinks To Minus 1.1% In August

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭਾਰਤ ਨੂੰ ਵਿੱਤੀ ਸਾਲ 2024-25 ਤਕ 5000 ਅਰਬ ਡਾਲਰ ਦੀ ਅਰਥਵਿਵਸਥਾ ਬਣਾਉਣ ਦਾ ਟੀਚਾ ਮਿੱਥਿਆ ਹੈ।

ਨਵੀਂ ਦਿੱਲੀ : ਨਿਰਮਾਣ, ਬਿਜਲੀ ਉਤਪਾਦਨ ਅਤੇ ਖਾਨ ਖੇਤਰ ਦੇ ਖ਼ਰਾਬ ਪ੍ਰਦਰਸ਼ਰ ਕਾਰਨ ਅਗਸਤ 'ਚ ਉਦਯੋਗਿਕ ਉਤਪਾਦਨ ਦੀ ਵਾਧਾ ਦਰ 1.1 ਫ਼ੀਸਦੀ ਰਹੀ। ਸ਼ੁਕਰਵਾਰ ਨੂੰ ਉਦਯੋਗਿਕ ਉਤਪਾਦਨ ਦੇ ਸਰਕਾਰੀ ਅੰਕੜੇ ਜਾਰੀ ਕੀਤੇ ਗਏ। ਉਦਯੋਗਿਕ ਉਤਪਾਦਨ ਦੇ ਸੂਚਕਾਂਕ (ਆਈ.ਆਈ.ਪੀ.) ਦੀ ਵਾਧਾ ਦਰ ਅਗਸਤ 2018 'ਚ 4.8 ਫ਼ੀਸਦੀ ਰਹੀ ਸੀ।

Industrial ProductionIndustrial Production

ਆਈ.ਆਈ.ਪੀ. 'ਚ 77 ਫ਼ੀਸਦੀ ਯੋਗਦਾਨ ਵਾਲੇ ਨਿਰਮਾਣ ਖੇਤਰ ਦਾ ਉਤਪਾਦਨ ਅਗਸਤ 2019 ਦੌਰਾਨ 1.2 ਫ਼ੀਸਦੀ ਘੱਟ ਗਿਆ। ਪਿਛਲੇ ਸਾਲ ਇਸ ਸਮੇਂ ਇਸ ਸੈਕਟਰ 'ਚ 5.2 ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਸੀ। ਪਿਛਲੇ ਸਾਲ ਦੇ ਮੁਕਾਬਲੇ ਮੌਜੂਦਾ ਸਮੇਂ ਇਸ ਮਹੀਨੇ ਬਿਜਲੀ ਖੇਤਰ ਦਾ ਉਤਪਾਦਨ 0.9 ਫ਼ੀਸਦੀ ਘੱਟ ਗਿਆ ਹੈ। ਅਗਸਤ 2018 'ਚ ਬਿਜਲੀ ਖੇਤਰ ਦਾ ਉਤਪਾਦਨ 7.6 ਫ਼ੀਸਦੀ ਵਧਿਆ ਸੀ। ਉਥੇ ਹੀ ਖਾਨ ਖੇਤਰ ਦੇ ਉਤਪਾਦਨ 'ਚ ਵਾਧਾ ਦਰ 0.1 ਫ਼ੀਸਦੀ 'ਤੇ ਸਥਿਰ ਰਹੀ। ਚਾਲੂ ਵਿੱਤੀ ਸਾਲ 'ਚ ਅਪ੍ਰੈਲ ਤੋਂ ਅਗਸਤ ਦੀ ਮਿਆਦ ਦੌਰਾਨ ਉਦਯੋਗਿਕ ਉਤਪਾਦਨ ਦੀ ਵਾਧਾ ਦਰ ਘੱਟ ਕੇ 2.4 ਫ਼ੀਸਦੀ ਰਹਿ ਗਈ ਹੈ। ਇਸ ਤੋਂ ਪਿਛਲੇ ਵਿੱਤੀ ਸਾਲ ਦੀ ਬਰਾਬਰ ਮਿਆਦ 'ਚ ਉਦਯੋਗਿਕ ਉਤਪਾਦਨ ਦੀ ਵਾਧਾ ਦਰ 5.3 ਫ਼ੀਸਦੀ ਰਹੀ ਸੀ।

Raw Steel ProductionIndustrial Production

ਜ਼ਿਕਰਯੋਗ ਹੈ ਕਿ ਅਰਥਚਾਰੇ ਦੀ ਸੁਸਤੀ ਤੋਂ ਬਾਹਰ ਆਉਣ ਲਈ ਸਰਕਾਰ ਵਲੋਂ ਹਾਲ ਹੀ 'ਚ ਤਾਬੜਤੋੜ ਫ਼ੈਸਲੇ ਕੀਤੇ ਗਏ ਹਨ। ਇਸ ਦੇ ਬਾਵਜੂਦ ਇੰਡਸਟਰੀ ਦੀ ਰਫ਼ਤਾਰ 'ਚ ਹੁਣ ਤਕ ਸੁਧਾਰ ਦੇ ਸੰਕੇਤ ਨਹੀਂ ਹਨ। ਤਿਉਹਾਰਾਂ ਦਾ ਸੀਜ਼ਨ ਹੋਣ ਦੇ ਬਾਵਜੂਦ ਉਦਯੋਗ ਖਾਸ ਤੌਰ 'ਤ ਗੱਡੀਆਂ ਅਤੇ ਕੰਜਿਊਮਰ ਡਿਊਰੇਬਲਜ਼ ਸੈਕਟਰ 'ਚ ਹੁਣ ਤਕ ਮੰਗ ਵਿਚ ਖ਼ਾਸ ਵਾਧਾ ਨਹੀਂ ਵੇਖਿਆ ਗਿਆ ਹੈ। ਰਿਜ਼ਰਵ ਬੈਂਕ ਨੇ ਵੀ ਹਾਲ ਦੀ ਮੁਦਰਾ ਨੀਤੀ ਦੀ ਸਮੀਖਿਆ ਬੈਠਕ ਤੋਂ ਬਾਅਦ ਜੀਡੀਪੀ ਵਾਧਾ ਦਰ ਦਾ ਅਨੁਮਾਨ 6.10% ਕਰ ਦਿੱਤਾ ਹੈ। ਮੰਗ ਵਧਾਉਣ ਲਈ ਰਿਜ਼ਰਵ ਬੈਂਕ ਮੁੱਖ ਨੀਤੀਗਤ ਦਰ ਰੈਪੋ ਰੇਟ 'ਚ ਲਗਾਤਾਰ ਕਟੌਤੀ ਕਰ ਰਿਹਾ ਹੈ।

Narendra ModiNarendra Modi

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭਾਰਤ ਨੂੰ ਵਿੱਤੀ ਸਾਲ 2024-25 ਤਕ 5000 ਅਰਬ ਡਾਲਰ ਦੀ ਅਰਥਵਿਵਸਥਾ ਬਣਾਉਣ ਦਾ ਟੀਚਾ ਮਿੱਥਿਆ ਹੈ। ਮੋਦੀ 2.0 ਸਰਕਾਰ ਦੇ 50 ਦਿਨ ਪੂਰੇ ਹੋਣ ਮੌਕੇ ਜਾਰੀ ਰਿਪੋਰਟ ਕਾਰਡ 'ਚ ਦਾਅਵਾ ਕੀਤਾ ਗਿਆ ਸੀ ਕਿ ਇਹ ਟੀਚਾ ਪ੍ਰਾਪਤ ਕਰਨ ਲਈ ਲਗਾਤਾਰ ਕਦਮ ਚੁੱਕੇ ਜਾ ਰਹੇ ਹਨ। ਬੀਤੇ ਸਾਲ 2018-19 ਦੀ ਅੰਤਮ ਤਿਮਾਹੀ (ਜਨਵਰੀ-ਮਾਰਚ) 'ਚ ਦੇਸ਼ ਦੀ ਆਰਥਕ ਵਿਕਾਸ ਦਰ ਘਟ ਕੇ 5.8 ਫ਼ੀਸਦੀ ਰਹਿ ਗਈ ਸੀ। ਇਹ ਇਸ ਦਾ ਲਗਭਗ 5 ਸਾਲ ਦਾ ਸੱਭ ਤੋਂ ਹੇਠਲਾ ਪੱਧਰ ਹੈ।

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 13/07/2025

13 Jul 2025 9:00 PM

ਖੇਡਾਂ ਬਦਲਣਗੀਆਂ ਪੰਜਾਬ ਦਾ ਭਵਿੱਖ, ਕਿਵੇਂ ਖ਼ਤਮ ਹੋਵੇਗਾ ਨਸ਼ਾ ?

13 Jul 2025 8:56 PM

Chandigarh police slapped a Sikh youth | Police remove Sikh turban | Chandigarh police Latest News

12 Jul 2025 5:52 PM

Batala Conductor Woman Clash : Batala 'ਚ Conductor ਨਾਲ਼ ਤੂੰ ਤੂੰ ਮੈਂ ਮੈਂ ਮਗਰੋਂ ਔਰਤ ਹੋਈ ਬੇਹੋਸ਼

12 Jul 2025 5:52 PM

Harpal Cheema VS Partap Bajwa : ਪ੍ਰਤਾਪ ਬਾਜਵਾ ਤੇ ਹਰਪਾਲ ਚੀਮਾ ਦੀ ਹੋ ਗਈ ਬਹਿਸ ਤੁਸੀ ਗੈਂਗਸਟਰ ਪਾਲੇ ਆ

11 Jul 2025 12:17 PM
Advertisement