15 ਸਾਲਾਂ ’ਚ ਪਹਿਲੀ ਵਾਰੀ : ਸਰਕਾਰ ਨੇ ਅਗਲੇ ਸਾਲ ਮਾਰਚ ਤਕ ਕਣਕ ਦੇ ਭੰਡਾਰਨ ਦੀ ਹੱਦ ਲਾਗੂ ਕੀਤੀ 

By : BIKRAM

Published : Jun 12, 2023, 9:22 pm IST
Updated : Jun 12, 2023, 9:22 pm IST
SHARE ARTICLE
Wheat
Wheat

ਕਣਕ ਦੇ ਨਿਰਯਾਤ ’ਤੇ ਪਾਬੰਦੀ ਜਾਰੀ ਰਹੇਗੀ

ਨਵੀਂ ਦਿੱਲੀ: ਕਣਕ ਦੀਆਂ ਵਧਦੀਆਂ ਕੀਮਤਾਂ ’ਤੇ ਲਗਾਮ ਕੱਸਣ ਲਈ ਸਰਕਾਰ ਨੇ 15 ਸਾਲਾਂ ’ਚ ਪਹਿਲੀ ਵਾਰੀ ਸੋਮਵਾਰ ਨੂੰ ਮਾਰਚ, 2024 ਤਕ ਤੁਰਤ ਅਸਰ ਤੋਂ ਕਣਕ ’ਤੇ ਭੰਡਾਰਨ ਹੱਦ (ਸਟਾਕ ਲਿਮਟ) ਲਾਗੂ ਕਰ ਦਿਤੀ ਹੈ। 

ਸਰਕਾਰ ਨੇ ਖੁੱਲ੍ਹਾ ਬਾਜ਼ਾਰ ਵਿਕਰੀ ਯੋਜਨਾ (ਓ.ਐਮ.ਐਸ.ਐਸ.) ਤਹਿਤ ਪਹਿਲੇ ਪੜਾਅ ’ਚ ਕੇਂਦਰੀ ਪੂਲ ਤੋਂ ਥੋਕ ਖਪਤਕਾਰਾਂ ਅਤੇ ਵਪਾਰੀਆਂ ਨੂੰ 15 ਲੱਖ ਟਨ ਕਣਕ ਵੇਚਣ ਦਾ ਵੀ ਫ਼ੈਸਲਾ ਕੀਤਾ ਹੈ। 

ਖੁਰਾਕ ਸਕੱਤਰ ਸੰਜੀਵ ਚੋਪੜਾ ਨੇ ਕਿਹਾ, ‘‘ਪਿਛਲੇ ਮਹੀਨੇ ’ਚ ਕਣਕ ਦੀਆਂ ਕੀਮਤਾਂ ’ਚ ਤੇਜ਼ੀ ਆਈ ਹੈ। ਮੰਡੀ ਪੱਧਰ ’ਤੇ ਕੀਮਤਾਂ ’ਚ ਲਗਭਗ 8 ਫ਼ੀ ਸਦੀ ਦਾ ਵਾਧਾ ਹੋਇਆ ਹੈ। ਹਾਲਾਂਕਿ ਥੋਕ ਅਤੇ ਪ੍ਰਚੂਨ ਕੀਮਤਾਂ ’ਚ ਏਨਾ ਵਾਧਾ ਨਹੀਂ ਹੋਇਆ, ਪਰ ਸਰਕਾਰ ਨੇ ਕਣਕ ’ਤੇ ਸਟਾਕ ਹੱਦ ਲਾਗੂ ਕਰ ਦਿਤੀ ਹੈ।’’

ਇਹ ‘ਸਟਾਕ ਲਿਮਟ’ ਵਪਾਰੀਆਂ, ਥੋਕ ਵਿਕਰੀਕਰਤਾਵਾਂ, ਪ੍ਰਚੂਨ ਵਿਕਰੀਕਰਤਾਵਾਂ, ਵੱਡੀਆਂ ਰਿਟੇਲ ਲੜੀ ਵਿਕਰੀਕਰਤਾਵਾਂ ਅਤੇ ਫ਼ੂਡ ਪ੍ਰੋਸੈਸਿੰਗ ਕਰਨ ਵਾਲਿਆਂ ’ਤੇ 31 ਮਾਰਚ, 2024 ਤਕ ਲਈ ਲਾਈ ਗਈ ਹੈ। 

ਕਣਕ ’ਤੇ ਆਯਾਤ ਡਿਊਟੀ ਘੱਟ ਕਰਨ ਬਾਰੇ ਸਕੱਤਰ ਨੇ ਕਿਹਾ ਕਿ ਇਸ ਨੀਤੀ ’ਚ ਤਬਦੀਲੀ ਦੀ ਕੋਈ ਜ਼ਰੂਰਤ ਨਹੀਂ ਕਿਉਂਕਿ ਦੇਸ਼ ਅੰਦਰ ਕਾਫ਼ੀ ਸਪਲਾਈ ਮੌਜੂਦ ਹੈ। ਉਨ੍ਹਾਂ ਕਿਹਾ ਕਿ ਕਣਕ ਦੇ ਨਿਰਯਾਤ ’ਤੇ ਪਾਬੰਦੀ ਜਾਰੀ ਰਹੇਗੀ।

ਉਨ੍ਹਾਂ ਕਿਹਾ ਕਿ ਕਣਕ ਤੋਂ ਇਲਾਵਾ ਸਰਕਾਰ ਨੇ ਓ.ਐਮ.ਐਸ.ਐਸ. ਤਹਿਤ ਚੌਲਾਂ ਨੂੰ ਉਤਾਰਨ ਦਾ ਫ਼ੈਸਲਾ ਕੀਤਾ ਹੈ ਅਤੇ ਇਨ੍ਹਾਂ ਦੀ ਮਾਤਰਾ ਬਾਰੇ ਬਾਅਦ ’ਚ ਅੰਤਮ ਰੂਪ ਨਾਲ ਤੈਅ ਕੀਤਾ ਜਾਵੇਗਾ। ਉਨ੍ਹਾਂ ਇਹ ਵੀ ਕਿਹਾ ਕਿ ਸਰਕਾਰ ਦਾ ਚੀਨੀ ਦੇ ਨਿਰਯਾਤ ਦੀ ਇਜਾਜ਼ਤ ਦੇਣ ਦਾ ਕੋਈ ਇਰਾਦਾ ਨਹੀਂ ਹੈ।
 

SHARE ARTICLE

ਏਜੰਸੀ

Advertisement

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 01/08/2025

01 Aug 2025 6:35 PM

ਸਾਰੇ ਪਿੰਡ ਨੂੰ ਡਰਾਉਣ ਪ੍ਰਵਾਸੀ ਨੇ ਵੀਡੀਓ 'ਚ ਆਖੀ ਵੱਡੀ ਗੱਲ, ਕਿਹਾ "ਇਕੱਠੇ ਹੋ ਕੇ ਆਵਾਂਗੇ, ਸਿਖਾਵਾਂਗੇ ਸਬਕ"

31 Jul 2025 6:41 PM
Advertisement