ਬਿਨਾਂ ਮਹੀਨਾਵਾਰ ਚਾਰਜ 'ਤੇ ਚਲਣ ਵਾਲੀ ਡਾਇਰੈਕਟ ਟੂ ਹੋਮ ਡਿਸ਼ (DTH) ਦੇਖਣ ਵਾਲਿਆਂ ਨੂੰ ਝਟਕਾ ਲੱਗਣ ਵਾਲਾ ਹੈ। ਮੁਫ਼ਤ 'ਚ ਆਉਣ ਵਾਲੀ ਡੀਟੀਐਚ ਤੋਂ ਕੁੱਝ ਪ੍ਰਾਈਵੇਟ...
ਬਿਨਾਂ ਮਹੀਨਾਵਾਰ ਚਾਰਜ 'ਤੇ ਚਲਣ ਵਾਲੀ ਡਾਇਰੈਕਟ ਟੂ ਹੋਮ ਡਿਸ਼ (DTH) ਦੇਖਣ ਵਾਲਿਆਂ ਨੂੰ ਝਟਕਾ ਲੱਗਣ ਵਾਲਾ ਹੈ। ਮੁਫ਼ਤ 'ਚ ਆਉਣ ਵਾਲੀ ਡੀਟੀਐਚ ਤੋਂ ਕੁੱਝ ਪ੍ਰਾਈਵੇਟ ਚੈਨਲਾਂ ਦਾ ਪ੍ਰਸਾਰਣ ਬੰਦ ਕੀਤਾ ਜਾ ਸਕਦਾ ਹੈ।
dish
ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲਾ ਨੇ ਪ੍ਰਸਾਰ ਭਾਰਤੀ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ( ਸੀਈਓ) ਨੂੰ ਪੱਤਰ ਲਿਖ ਕੇ ਕਿਹਾ ਹੈ ਕਿ ਸਬਸਟਾਈਜ਼ਡ ਰੇਟ 'ਤੇ ਜੋ ਪ੍ਰਾਈਵੇਟ ਚੈਨਲ ਡਿਸ਼ ਟੀਵੀ 'ਤੇ ਪ੍ਰਸਾਰਿਤ ਕੀਤੇ ਜਾ ਰਹੇ ਹਨ ਉਨ੍ਹਾਂ ਨੂੰ ਤੁਰਤ ਰੋਕਿਆ ਜਾਵੇ। 17 ਅਪ੍ਰੈਲ ਨੂੰ ਲਿਖੇ ਇਸ ਪੱਤਰ 'ਚ ਪ੍ਰਸਾਰ ਭਾਰਤੀ ਨੂੰ ਯਾਦ ਕਰਵਾਇਆ ਗਿਆ ਕਿ ਇਸ ਤੋਂ ਪਹਿਲਾਂ ਇਸ ਸਬੰਧ 'ਚ ਸੱਤ ਪੱਤਰ ਲਿਖੇ ਜਾ ਚੁਕੇ ਹਨ ਪਰ ਇਸ 'ਤੇ ਹੁਣ ਤਕ ਕੋਈ ਕਾਰਵਾਈ ਨਹੀਂ ਹੋਈ।
DD dish and Prsar Bharti
ਮੰਨਿਆ ਜਾ ਰਿਹਾ ਹੈ ਕਿ ਡਿਸ਼ ਟੀਵੀ ਲਈ ਕੁੱਝ ਪ੍ਰਾਈਵੇਟ ਚੈਨਲਾਂ / ਸੀਰੀਅਲ ਪ੍ਰੋਡਿਊਸਰਾਂ ਦੀਆਂ ਸੇਵਾਵਾਂ ਉਸ ਸਮੇਂ (2003) ਤੋਂ ਲਈਆਂ ਜਾ ਰਹੀਆਂ ਹਨ ਜਦੋਂ ਡਿਸ਼ ਟੀਵੀ ਦਾ ਕੰਸੈਪਟ ਆਇਆ ਸੀ। ਉਸ ਸਮੇਂ ਇਹੀ ਕਿਹਾ ਸੀ ਕਿ ਇਹ ਸਕੀਮ ਲਗਾਤਾਰ ਚਲਦੀ ਰਹੇਗੀ।
DD dish
ਹਾਲਾਂਕਿ ਮੰਤਰਾਲਾ ਇਸ ਨੂੰ ਲੈ ਕੇ ਪ੍ਰਸਾਰ ਭਾਰਤੀ ਨੂੰ ਜ਼ਿੰਮੇਵਾਰ ਦਸ ਰਿਹਾ ਹੈ ਕਿ ਉਸ ਵਲੋਂ ਹੀ 6-8 ਸਰਕਾਰੀ ਚੈਨਲ ਦਿਤੇ ਗਏ ਹਨ। ਪ੍ਰਸਾਰ ਭਾਰਤੀ ਦੇ ਸੀਈਓ ਨੇ ਮੀਡੀਆ ਨੂੰ ਕਿਹਾ ਕਿ ਇਸ ਮਾਮਲੇ ਨੂੰ ਲੈ ਕੇ ਉਹ ਕੁੱਝ ਹੋਰ ਰੈਵਨਿਊ ਮਾਡਲਜ਼ 'ਤੇ ਵਿਚਾਰ ਕਰ ਰਹੇ ਹਨ।
