ਨਵੀਂ ਦਿੱਲੀ, 30 ਦਸੰਬਰ: ਮਾਰੂਤੀ ਸੁਜ਼ੂਕੀ ਸਵਿਫ਼ਟ ਦਾ ਮੌਜੂਦਾ ਮਾਡਲ ਹੁਣ ਅੱਗੇ ਨਹੀਂ ਦਿਖੇਗਾ। ਇਸ ਦਾ ਨਿਰਮਾਣ ਬੰਦ ਕਰ ਦਿਤਾ ਗਿਆ ਹੈ। ਇਸ ਮਾਡਲ ਦੀ ਆਖ਼ਰੀ ਤਸਵੀਰ ਸਾਹਮਣੇ ਆਈ ਹੈ, ਜਿਸ 'ਚ ਆਖ਼ਰੀ ਯੂਨਿਟ ਨੂੰ ਅਸੈਂਬਲ ਕਰਦੇ ਹੋਏ ਕਰਮਚਾਰੀ ਫ਼ੋਟੋ ਖਿਚਵਾਉਣ ਲਈ ਪੋਜ਼ ਦੇ ਰਹੇ ਹਨ। ਇਸ ਕਾਰ ਦੇ ਹੁਡ 'ਤੇ 'ਆਖ਼ਰੀ
ਸਵਿਫ਼ਟ-ਈ07460 ਲਿਖਿਆ ਹੈ। ਇਕ ਸ਼ਾਨਦਾਰ ਸਫ਼ਰ ਇੱਥੇ ਖ਼ਤਮ ਹੁੰਦਾ ਹੈ। ਇਸ ਤੋਂ ਸਾਫ਼ ਸੰਕੇਤ ਮਿਲ ਰਿਹਾ ਹੈ ਕਿ ਹੁਣ ਥਰਡ ਜਨਰੇਸ਼ਨ ਸਵਿਫ਼ਟ ਦਾ ਰਾਸਤਾ ਖੁੱਲ੍ਹ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਸਵਿਫ਼ਟ ਦਾ ਨਵਾਂ ਮਾਡਲ 2018 'ਚ ਲਾਂਚ ਕੀਤਾ ਜਾਵੇਗਾ। ਇਸ ਮਾਡਲ ਨੂੰ ਲਾਂਚ ਕਰਨ ਤੋਂ ਪਹਿਲਾਂ ਭਾਰਤ 'ਚ ਸਪਾਟ ਕੀਤਾ ਜਾ ਚੁਕਾ ਹੈ। ਇਸ ਨੂੰ ਆਟੋ ਐਕਸਪੋ 'ਚ ਸ਼ੋਅਕੇਸ ਕੀਤਾ ਜਾ ਸਕਦਾ ਹੈ। (ਏਜੰਸੀ)
