‘ਅਸੀਸ’, ‘ਸਿਕਸ਼ਾ ਸਬ ਕੇ ਲੀਏ’ ਅਤੇ ਮਹਾਰਿਸ਼ੀ ਦਿਆਨੰਦ ਬਾਲ ਆਸ਼ਰਮ ਐਨ.ਜੀ.ਓ. ਨੇ ਜ਼ਰੂਰਤਮੰਦਾਂ ਦੀ ਮਦਦ ਲਈ ਮਿਲਾਇਆ ਹੱਥ
ਝੁੱਗੀ-ਝੋਪੜੀਆਂ ’ਚ ਰਹਿਣ ਵਾਲੇ 200 ਬੱਚਿਆਂ ਦੀ ਕੀਤੀ ਮਦਦ
ਚੰਡੀਗੜ੍ਹ : ਜ਼ਰੂਰਤਮੰਦਾਂ ਦੀ ਮਦਦ ਲਈ ਬਣੇ ‘ਅਸੀਸ’ ਅਤੇ ‘ਸ਼ਿਕਸ਼ਾ ਸਬ ਕੇ ਲੀਏ’ ਗ਼ੈਰ-ਸਰਕਾਰੀ ਸੰਗਠਨ (ਐਨ.ਜੀ.ਓ.) ਨੇ ਝੁੱਗੀ-ਝੌਪੜੀ ’ਚ ਪਲਣ ਵਾਲੇ ਬੱਚਿਆਂ ਦੀ ਮਦਦ ਲਈ ਮਹਾਰਿਸ਼ੀ ਦਿਆਨੰਦ ਬਾਲ ਆਸ਼ਰਮ ਨਾਲ ਹੱਥ ਮਿਲਾਇਆ ਹੈ। ਇਸ ਭਾਈਵਾਲੀ ਦਾ ਉਦੇਸ਼ ਸਾਧਨਹੀਣ ਬੱਚਿਆਂ ਨੂੰ ਅੱਗੇ ਵਧਣ ’ਚ ਮਦਦ ਕਰਨਾ ਹੈ।
ਪਿੱਛੇ ਜਿਹੇ ਤਿੰਨੇ ਐਨ.ਜੀ.ਓ. ਨੇ ਮਿਲ ਕੇ ਝੁੱਗੀ-ਝੌਪੜੀ ’ਚ ਰਹਿਣ ਵਾਲੇ 200 ਬੱਚਿਆਂ ਲਈ ਵੱਡੀ ਮਾਤਰਾ ’ਚ ਲਿਖਣ-ਪੜ੍ਹਨ ਦੀ ਸਮੱਗਰੀ ਅਤੇ ਜ਼ਰੂਰੀ ਖਾਣ-ਪੀਣ ਦੀਆਂ ਚੀਜ਼ਾਂ ਵੰਡੀਆਂ।
ਇਹ ਪਹਿਲ ਤਿੰਨਾਂ ਐਨ.ਜੀ.ਓ. ਦੀ ਸਾਂਝੀ ਕੋਸ਼ਿਸ਼ ਦਾ ਹਿੱਸਾ ਸੀ, ਜਿਨ੍ਹਾਂ ਦਾ ਮੰਨਣਾ ਹੈ ਕਿ ਹਰ ਬੱਚੇ ਨੂੰ ਸਿੱਖਿਆ ਅਤੇ ਮੁਢਲੀਆਂ ਜ਼ਰੂਰਤਾਂ ਮਿਲਣੀਆਂ ਚਾਹੀਦੀਆਂ ਹਨ।
