ਵਾਸ਼ਿੰਗਟਨ: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਨਿੱਕੀ ਹੈਲੀ, ਸੀਮਾ ਵਰਮਾ ਸਮੇਤ ਪ੍ਰਸ਼ਾਸਨ ਦੇ ਸੀਨੀਅਰ ਭਾਰਤੀ-ਅਮਰੀਕੀ ਮੈਂਬਰਾਂ ਅਤੇ ਭਾਈਚਾਰੇ ਦੇ ਨੇਤਾਵਾਂ ਨਾਲ ਵ੍ਹਾਈਟ ਹਾਊਸ ਵਿਚ ਦੀਵਾਲੀ ਮਨਾਈ। ਹੈਲੀ ਸੰਯੁਕਤ ਰਾਸ਼ਟਰ ਵਿਚ ਅਮਰੀਕਾ ਦੀ ਰਾਜਦੂਤ ਹੈ। ਸੀਮਾ ਵਰਮਾ 'ਸੈਂਟਰਸ ਫੌਰ ਮੈਡੀਕੇਅਰ ਐਂਡ ਮੈਡੀਕੈਡ ਸਰਵੀਸਿਜ' ਦੀ ਪ੍ਰਸ਼ਾਸਕ ਹੈ।
ਅਜੀਤ ਪਈ 'ਯੂ. ਐੱਸ. ਫੈਡਰਲ ਸੰਚਾਰ ਕਮੀਸ਼ਨ' ਦੇ ਪ੍ਰਧਾਨ ਹਨ। ਰਾਜ ਸ਼ਾਹ ਮੁੱਖ ਉਪ ਪ੍ਰੈੱਸ ਸਕੱਤਰ ਹਨ। ਦੀਵਾਲੀ ਸਮਾਰੋਹ ਵਿਚ ਟਰੰਪ ਪ੍ਰਸ਼ਾਸਨ ਵੱਲੋਂ ਸ਼ਾਮਲ ਲੋਕਾਂ ਵਿਚ ਹੈਲੀ, ਸੀਮਾ, ਪਈ, ਸ਼ਾਹ ਆਦਿ ਹਸਤੀਆਂ ਸ਼ਾਮਿਲ ਸਨ।
ਇਸ ਆਯੋਜਨ ਵਿਚ ਟਰੰਪ ਦੀ ਬੇਟੀ ਇਵਾਂਕਾ ਟਰੰਪ ਨੇ ਵੀ ਹਿੱਸਾ ਲਿਆ। ਬੀਤੇ ਸਾਲ ਇਵਾਂਕਾ ਦੀਵਾਲੀ 'ਤੇ ਵਰਜ਼ੀਨੀਆ ਅਤੇ ਫਲੋਰੀਡਾ ਸਥਿਤ ਮੰਦਰਾਂ ਵਿਚ ਗਈ ਸੀ।
ਬੀਤੇ ਸਾਲ ਟਰੰਪ ਰਾਸ਼ਟਰਪਤੀ ਅਹੁਦੇ ਲਈ ਰੀਪਬਲਿਕਨ ਪਾਰਟੀ ਦੇ ਉਮੀਦਵਾਰ ਸਨ ਅਤੇ ਉਨ੍ਹਾਂ ਨੇ ਨਿਊਜਰਸੀ ਵਿਚ ਰਵਾਇਤੀ ਤਰੀਕੇ ਨਾਲ ਦੀਵੇ ਜਗਾਏ ਸਨ ਅਤੇ ਭਾਰਤੀ-ਅਮਰੀਕੀ ਭਾਈਚਾਰੇ ਨੂੰ ਸੰਬੋਧਿਤ ਕੀਤਾ ਸੀ।
ਦੀਵਾਲੀ ਸਮਾਰੋਹ ਦੇ ਆਯੋਜਨ ਦੀ ਪਰੰਪਰਾ ਵਾਈਟ ਹਾਊਸ ਵਿਚ ਸਾਬਕਾ ਰਾਸ਼ਟਰਪਤੀ ਜੌਰਜ ਬੁਸ਼ ਨੇ ਸ਼ੁਰੂ ਕੀਤੀ ਸੀ।
ਬੁਸ਼ ਦੇ ਕਾਰਜਕਾਲ ਦੌਰਾਨ ਉਨ੍ਹਾਂ ਦੀ ਟੀਮ ਦੀਵਾਲੀ ਸਮਾਰੋਹਾਂ ਦਾ ਆਯੋਜਨ ਅਕਸਰ ਵਾਈਟ ਹਾਊਸ ਕੰਪਲੈਕਸ ਵਿਚ 'ਇੰਡੀਆ ਟ੍ਰੀਟੀ ਰੂਮ' ਵਿਚ ਕਰਦੀ ਸੀ। ਫਿਲਹਾਲ ਬੁਸ਼ ਨੇ ਕਦੇ ਵੀ ਵਾਈਟ ਹਾਊਸ ਵਿਚ ਦੀਵਾਲੀ ਸਮਾਰੋਹ ਵਿਚ ਹਿੱਸਾ ਨਹੀਂ ਲਿਆ।
ਉਨ੍ਹਾਂ ਦੇ ਉਤਰਾਧਿਕਾਰੀ ਬਰਾਕ ਓਬਾਮਾ ਨੇ ਆਪਣੇ ਕਾਰਜਕਾਲ ਦੇ ਪਹਿਲੇ ਸਾਲ ਵਿਚ ਦੀਵਾਲੀ ਦੇ ਮੌਕੇ 'ਤੇ ਵਾਈਟ ਹਾਊਸ ਦੇ 'ਈਸਟ ਰੂਮ' ਵਿਚ ਰਵਾਇਤੀ ਦੀਵੇ ਜਗਾਏ ਸਨ। ਇਸ ਮਗਰੋਂ ਉਨ੍ਹਾਂ ਨੇ ਆਉਣ ਵਾਲੇ ਸਾਲਾਂ ਵਿਚ ਇਹ ਸਿਲਸਿਲਾ ਬਰਕਰਾਰ ਰੱਖਿਆ।
end-of