ਸਰਕਾਰ ਦੀ ਕਮਾਈ 'ਚ ਵਾਧਾ,
ਨਵੀਂ ਦਿੱਲੀ : ਗੁਡਸ ਐਂਡ ਸਰਵਿਸਿਜ਼ ਟੈਕਸ (ਜੀ.ਐੱਸ.ਟੀ.) ਦਾ ਲਗਾਤਾਰ ਦਸਵੇਂ ਮਹੀਨੇ ਰਿਕਾਰਡ ਸੰਗ੍ਰਹਿ ਹੋਇਆ ਹੈ। ਵਿੱਤ ਮੰਤਰਾਲੇ ਨੇ ਐਤਵਾਰ ਨੂੰ ਕਿਹਾ ਕਿ ਦਸੰਬਰ ਮਹੀਨੇ 'ਚ ਜੀਐੱਸਟੀ ਕੁਲੈਕਸ਼ਨ 1.49 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ ਸੀ। ਇਹ ਇਕ ਸਾਲ ਪਹਿਲਾਂ ਦੀ ਇਸੇ ਮਿਆਦ ਦੇ ਮੁਕਾਬਲੇ 15 ਫੀਸਦੀ ਜ਼ਿਆਦਾ ਹੈ। ਨਵੰਬਰ ਮਹੀਨੇ 'ਚ ਜੀਐੱਸਟੀ ਕੁਲੈਕਸ਼ਨ ਲਗਭਗ 1.46 ਲੱਖ ਕਰੋੜ ਰੁਪਏ ਰਿਹਾ, ਜੋ ਇਕ ਸਾਲ ਪਹਿਲਾਂ ਦੀ ਮਿਆਦ ਦੇ ਮੁਕਾਬਲੇ 11 ਫੀਸਦੀ ਜ਼ਿਆਦਾ ਸੀ। ਸਰਕਾਰ ਜੀਐਸਟੀ ਤੋਂ ਬਹੁਤ ਕਮਾਈ ਕਰ ਰਹੀ ਹੈ।
ਮੰਤਰਾਲੇ ਨੇ ਕਿਹਾ ਕਿ ਦਸੰਬਰ 2022 ਦੌਰਾਨ ਕੁੱਲ ਜੀਐਸਟੀ ਮਾਲੀਆ 1,49,507 ਕਰੋੜ ਰੁਪਏ ਰਿਹਾ ਹੈ। ਇਸ ਵਿੱਚ ਕੇਂਦਰੀ ਜੀਐਸਟੀ 26,711 ਕਰੋੜ ਰੁਪਏ, ਰਾਜ ਜੀਐਸਟੀ 33,357 ਕਰੋੜ ਰੁਪਏ, ਆਈਜੀਐਸਟੀ 78,434 ਕਰੋੜ ਰੁਪਏ ਹੈ। ਦਸੰਬਰ 2022 ਵਿੱਚ ਨਿਯਮਤ ਨਿਪਟਾਰੇ ਤੋਂ ਬਾਅਦ ਕੇਂਦਰ ਅਤੇ ਰਾਜਾਂ ਦਾ ਕੁੱਲ ਮਾਲੀਆ CGST 63,380 ਕਰੋੜ ਰੁਪਏ ਅਤੇ SGST 64,451 ਕਰੋੜ ਰੁਪਏ ਸੀ। 36,669 ਕਰੋੜ ਰੁਪਏ ਦੇ CGST ਹਿੱਸੇ ਦਾ ਨਿਯਮਤ ਬੰਦੋਬਸਤ ਵਜੋਂ ਅਤੇ 31,094 ਕਰੋੜ ਰੁਪਏ ਦੇ SGST ਸ਼ੇਅਰ ਦਾ ਨਿਪਟਾਰਾ ਕੀਤਾ ਗਿਆ ਹੈ।
IGST ਵਿੱਚ ਮਾਲ ਦੀ ਦਰਾਮਦ ਤੋਂ ਰਕਮ (40,263) ਵੀ ਸ਼ਾਮਲ ਹੁੰਦੀ ਹੈ। ਇਸ ਤੋਂ ਇਲਾਵਾ ਸੈੱਸ ਦਾ ਹਿੱਸਾ 11,005 ਕਰੋੜ ਰੁਪਏ ਰਿਹਾ ਹੈ। ਇਸ ਵਿੱਚ ਮਾਲ ਦੀ ਦਰਾਮਦ ਤੋਂ 850 ਕਰੋੜ ਰੁਪਏ ਦੀ ਰਕਮ ਪ੍ਰਾਪਤ ਹੋਈ ਹੈ। ਨਵੰਬਰ 'ਚ 7.9 ਕਰੋੜ ਈ-ਵੇਅ ਬਿੱਲ ਜਨਰੇਟ ਹੋਏ, ਜੋ ਅਕਤੂਬਰ 'ਚ ਜਨਰੇਟ ਕੀਤੇ ਗਏ 7.6 ਕਰੋੜ ਈ-ਵੇਅ ਬਿੱਲਾਂ ਤੋਂ ਕਿਤੇ ਜ਼ਿਆਦਾ ਸਨ।
