ਦੇਸ਼ ਵਿਚ ਕਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਲੌਕਡਾਊਨ ਲਗਾਇਆ ਹੋਇਆ ਪਰ ਫਿਰ ਵੀ ਆਏ ਦਿਨ ਨਵੇ-ਨਵੇ ਮਾਮਲੇ ਸਾਹਮਣੇ ਆ ਰਹੇ ਹਨ।
ਨਵੀਂ ਦਿੱਲੀ : ਦੇਸ਼ ਵਿਚ ਕਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਲੌਕਡਾਊਨ ਲਗਾਇਆ ਹੋਇਆ ਪਰ ਫਿਰ ਵੀ ਆਏ ਦਿਨ ਨਵੇ-ਨਵੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਇਸੇ ਤਹਿਤ ਦੇਸ਼ ਵਿਚ ਪਿਛਲੇ 24 ਘੰਟੇ ਦੇ ਵਿਚ ਕਰੋਨਾ ਵਾਇਰਸ ਦੇ 1823 ਕੇਸ ਸਾਹਮਣੇ ਆਏ ਹਨ ਅਤੇ 67 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਸ ਦੇ ਨਾਲ ਹੀ ਪੌਜਟਿਵ ਕੇਸਾਂ ਦਾ ਅੰਕੜਾਂ ਵੱਧ ਕੇ 33,610 ਤੱਕ ਪਹੁੰਚ ਗਿਆ ਹੈ ਅਤੇ 1075 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
COVID-19 in india
ਇਸ ਤੋਂ ਇਲਾਵਾ 8373 ਲੋਕ ਅਜਿਹੇ ਵੀ ਹਨ ਜਿਹੜੇ ਕਿ ਇਸ ਵਾਇਰਸ ਨੂੰ ਮਾਤ ਦੇ ਕੇ ਠੀਕ ਹੋ ਚੁੱਕੇ ਹਨ। ਉਧਰ ਸਿਹਤ ਮੰਤਰਾਲੇ ਨੇ ਦੱਸਿਆ ਹੈ ਕਿ 7 ਰਾਜਾਂ ਵਿਚ ਮਾਮਲੇ ਦੁਗਣੇ ਹੋਣ ਦੀ ਦਰ ਵਿਚ ਕਮੀਂ ਆਈ ਹੈ। ਉਨ੍ਹਾਂ ਕਿਹਾ ਕਿ ਦਿੱਲੀ (11.3), ਉੱਤਰ ਪ੍ਰਦੇਸ਼ (12), ਜੰਮੂ ਕਸ਼ਮੀਰ (12.2), ਓਡੀਸ਼ਾ (13), ਰਾਜਸਥਾਨ (17., ਤਾਮਿਲਨਾਡੂ (19.1) ਅਤੇ ਪੰਜਾਬ (19.5) ਵਿੱਚ ਕੇਸਾਂ ਗਿਣਤੀ ਦੁੱਗਣੀ ਹੋਣ ਦੀ ਦਰ 11-20 ਦਿਨ ਹੈ।
Covid 19 india
ਇਸ ਦੇ ਤੋਂ ਇਲਾਵਾ ਉਨ੍ਹਾਂ ਕਿਹਾ ਕਿ ਕਰਨਾਟਕ (21.6), ਲੱਦਾਖ (24.2), ਹਰਿਆਣਾ (24.4), ਉਤਰਾਖੰਡ (30.3) ਅਤੇ ਕੇਰਲ (37.5) ਵਿਚ ਕੇਸਾਂ ਦੀ ਗਿਣਤੀ 20 ਤੋਂ 40 ਦਿਨਾਂ ਵਿਚ ਦੁਗਣੀ ਹੋ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਅਸਾਮ, ਤੇਲੰਗਾਨਾ, ਛੱਤੀਸਗੜ ਅਤੇ ਹਿਮਾਚਲ ਪ੍ਰਦੇਸ਼ ਵਿੱਚ ਇਹ ਦਰ 40 ਦਿਨਾਂ ਤੋਂ ਵੱਧ ਹੈ।
covid 19
ਇਸ ਦੇ ਨਾਲ ਹੀ ਅਧਿਕਾਰੀ ਨੇ ਦੱਸਿਆ ਕਿ ਜੇਕਰ ਅਸੀਂ ਉਮਰ ਦੇ ਅਧਾਰ ਤੇ ਸੰਖਿਆ ਦੇ ਬਾਰੇ ਦੇਖਿਏ ਤਾਂ ਇਸ ਵਿਚ 14 ਪ੍ਰਤੀਸ਼ਤ ਮਾਮਲੇ 45 ਸਾਲ ਦੀ ਉਮਰ ਤੋਂ ਘੱਟ ਵਾਲੇ ਹਨ। ਇਸ ਤੋਂ ਇਲਾਵਾ 34.8 ਪ੍ਰਤੀਸ਼ਤ ਮਾਮਲੇ 45-60 ਦੇ ਹਨ। ਇਸ ਦੇ ਨਾਲ ਹੀ 51.2 ਫ਼ੀਸਦੀ ਮੌਤ ਦੇ ਮਾਮਲੇ 60 ਸਾਲ ਤੋਂ ਉੱਪਰ ਦੀ ਉਮਰ ਵਾਲਿਆਂ ਦੇ ਹਨ।
covid 19
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
