ਅਗਲੇ ਦੋ ਸਾਲਾਂ ’ਚ ਪਾਕਿ ਅਤੇ ਬੰਗਲਾਦੇਸ਼ ਦੀਆਂ ਸਰਹੱਦਾਂ ’ਤੇ ਸੰਭਾਵਤ ਘੁਸਪੈਠ ਵਾਲੀਆਂ ਖੁੱਲ੍ਹੀਆਂ ਥਾਵਾਂ ਬਣਨਗੀਆਂ ਸੁਰੱਖਿਅਤ : ਸ਼ਾਹ 
Published : Dec 1, 2023, 7:56 pm IST
Updated : Dec 1, 2023, 7:56 pm IST
SHARE ARTICLE
Hazaribagh: Union Home Minister Amit Shah felicitates BSF officers during the 59th Raising Day of the Border Security Force (BSF) at Meru Camp, in Hazaribagh district, Friday, Dec. 1, 2023. (PTI Photo)
Hazaribagh: Union Home Minister Amit Shah felicitates BSF officers during the 59th Raising Day of the Border Security Force (BSF) at Meru Camp, in Hazaribagh district, Friday, Dec. 1, 2023. (PTI Photo)

ਗ੍ਰਹਿ ਮੰਤਰੀ ਨੇ ਬੀ.ਐਸ.ਐਫ. ਦੇ 59ਵੇਂ ਸਥਾਪਨਾ ਦਿਵਸ ਮੌਕੇ ਪਰੇਡ ਦੀ ਸਲਾਮੀ ਲਈ

ਹਜ਼ਾਰੀਬਾਗ਼ (ਝਾਰਖੰਡ): ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਪਾਕਿਸਤਾਨ ਅਤੇ ਬੰਗਲਾਦੇਸ਼ ਨਾਲ ਲਗਦੀਆਂ ਭਾਰਤ ਦੀਆਂ ਦੋ ਪ੍ਰਮੁੱਖ ਸਰਹੱਦਾਂ ਅਗਲੇ ਦੋ ਸਾਲਾਂ ’ਚ ਪੂਰੀ ਤਰ੍ਹਾਂ ਸੁਰੱਖਿਅਤ ਹੋ ਜਾਣਗੀਆਂ ਅਤੇ ਦੋਹਾਂ ਮੋਰਚਿਆਂ ’ਚੋਂ ਲਗਭਗ 60 ਕਿਲੋਮੀਟਰ ’ਤੇ ਖੁੱਲ੍ਹੀਆਂ ਥਾਵਾਂ ’ਤੇ ਵਾੜ ਲਗਾਉਣ ਦਾ ਕੰਮ ਜਾਰੀ ਹੈ। 

ਸ਼ਾਹ ਨੇ ਸੀਮਾ ਸੁਰੱਖਿਆ ਬਲ (ਬੀ.ਐਸ.ਐਫ.) ਦੇ 59ਵੇਂ ਸਥਾਪਨਾ ਦਿਵਸ ਮੌਕੇ ਇੱਥੇ ਕਰਵਾਏ ਇਕ ਸਮਾਰੋਹ ਵਿਚ ਪਰੇਡ ਦੀ ਸਲਾਮੀ ਲੈਣ ਤੋਂ ਬਾਅਦ ਅਪਣੇ ਸੰਬੋਧਨ ਵਿਚ ਇਹ ਗੱਲ ਕਹੀ। ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਨਰਿੰਦਰ ਮੋਦੀ ਸਰਕਾਰ ਨੇ ਸੱਤਾ ’ਚ ਆਉਣ ਤੋਂ ਬਾਅਦ ਪਿਛਲੇ ਨੌਂ ਸਾਲਾਂ ’ਚ ਭਾਰਤ-ਪਾਕਿਸਤਾਨ ਅਤੇ ਭਾਰਤ-ਬੰਗਲਾਦੇਸ਼ ਸਰਹੱਦਾਂ ਦੇ ਲਗਭਗ 560 ਕਿਲੋਮੀਟਰ ਦੀ ਵਾੜ ਲਗਾਈ ਹੈ ਅਤੇ ਘੁਸਪੈਠ ਤੇ ਤਸਕਰੀ ਦੇ ਸ਼ੱਕ ਵਾਲੀਆਂ ਥਾਵਾਂ ’ਤੇ ਲੋੜੀਂਦੇ ਪ੍ਰਬੰਧ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ ਭਾਰਤ ਦੇ ਪਛਮੀ ਅਤੇ ਪੂਰਬੀ ਮੋਰਚਿਆਂ ’ਤੇ ਦੋਵਾਂ ਸਰਹੱਦਾਂ ’ਤੇ 60 ਕਿਲੋਮੀਟਰ ਦੇ ਖੇਤਰ ’ਚ ਸਿਰਫ ‘ਛੋਟੇ-ਛੋਟੇ ਹਿੱਸੇ’ ਹੀ ਬਚੇ ਹਨ। ਸ਼ਾਹ ਨੇ ਕਿਹਾ ਕਿ ਅਗਲੇ ਦੋ ਸਾਲਾਂ ’ਚ ਅਸੀਂ ਇਨ੍ਹਾਂ ਦੋਹਾਂ ਸਰਹੱਦਾਂ ਨੂੰ ਸੁਰੱਖਿਅਤ ਕਰ ਲਵਾਂਗੇ। 

ਭਾਰਤ ਦੀ 2,290 ਕਿਲੋਮੀਟਰ ਲੰਮੀ ਭਾਰਤ-ਪਾਕਿਸਤਾਨ ਸਰਹੱਦ ਅਤੇ 4,096 ਕਿਲੋਮੀਟਰ ਲੰਮੀ ਭਾਰਤ-ਬੰਗਲਾਦੇਸ਼ ਸਰਹੱਦ ਪਾਣੀ, ਪਹਾੜੀ ਅਤੇ ਦਲਦਲੀ ਇਲਾਕਿਆਂ ਨਾਲ ਢਕੀ ਹੋਈ ਹੈ ਅਤੇ ਵਾੜ ਲਗਾਉਣਾ ਬਹੁਤ ਮੁਸ਼ਕਲ ਕੰਮ ਹੈ। ਅਜਿਹੀ ਸਥਿਤੀ ’ਚ ਬੀ.ਐਸ.ਐਫ. ਅਤੇ ਹੋਰ ਏਜੰਸੀਆਂ ਘੁਸਪੈਠ ਨੂੰ ਰੋਕਣ ਲਈ ਤਕਨੀਕੀ ਉਪਕਰਣਾਂ ਦੀ ਵਰਤੋਂ ਕਰਦੀਆਂ ਹਨ। 

ਉਨ੍ਹਾਂ ਕਿਹਾ, ‘‘ਮੇਰਾ ਪੱਕਾ ਵਿਸ਼ਵਾਸ ਹੈ ਕਿ ਜੇਕਰ ਕੋਈ ਦੇਸ਼ ਅਪਣੀਆਂ ਸਰਹੱਦਾਂ ਸੁਰੱਖਿਅਤ ਨਹੀਂ ਰਖਦਾ ਤਾਂ ਉਹ ਕਦੇ ਵੀ ਵਿਕਾਸ ਅਤੇ ਖੁਸ਼ਹਾਲੀ ਨਹੀਂ ਕਰ ਸਕਦਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸਰਕਾਰ ਨੇ ਦੇਸ਼ ਨੂੰ ਚੰਨ ’ਤੇ ਲਿਜਾਇਆ ਹੈ, ਜੀ-20 ਸਿਖਰ ਸੰਮੇਲਨ ਨਾਲ ਪੂਰੀ ਦੁਨੀਆਂ ’ਚ ਦੇਸ਼ ਦਾ ਝੰਡਾ ਲਹਿਰਾਇਆ ਹੈ ਅਤੇ ਅਰਥਵਿਵਸਥਾ ਨੂੰ ਦੁਨੀਆਂ ’ਚ 11ਵੇਂ ਸਥਾਨ ਤੋਂ ਪੰਜਵੇਂ ਸਥਾਨ ’ਤੇ ਲੈ ਗਈ ਹੈ। ਇਹ ਸਭ ਸਰਹੱਦਾਂ ਦੀ ਰਾਖੀ ਕਰਨ ਵਾਲੇ ਸਾਡੇ ਬੀ.ਐਸ.ਐਫ. ਵਰਗੇ ਬਲਾਂ ਕਾਰਨ ਸੰਭਵ ਹੋਇਆ।’’

ਉਨ੍ਹਾਂ ਨੇ ਇੱਥੇ ‘ਮੇਰੂ’ ਸਿਖਲਾਈ ਕੈਂਪ ’ਚ ਅਪਣੇ 22 ਮਿੰਟ ਦੇ ਭਾਸ਼ਣ ’ਚ ਬੀ.ਐਸ.ਐਫ. ਦੇ ਜਵਾਨਾਂ ਨੂੰ ਕਿਹਾ, ‘‘ਤੁਸੀਂ, ਬੀ.ਐਸ.ਐਫ., ਇਸ ਯਾਤਰਾ ਦੇ ਜ਼ਰੂਰੀ ਥੰਮ੍ਹ ਹੋ।’ਉਨ੍ਹਾਂ ਕਿਹਾ, ‘‘ਮੈਨੂੰ ਇਹ ਭੁਲੇਖਾ ਨਹੀਂ ਹੈ ਕਿ ਸਰਹੱਦ ’ਤੇ ਸਿਰਫ਼ ਵਾੜ ਹੀ ਦੇਸ਼ ਦੀ ਰਾਖੀ ਕਰ ਸਕਦੀ ਹੈ, ਇਸ ਨਾਲ ਸਿਰਫ ਮਦਦ ਮਿਲਦੀ ਹੈ। ਸਾਡੇ ਬਹਾਦਰ ਬੀ.ਐਸ.ਐਫ. ਜਵਾਨ ਦੇਸ਼ ਦੀ ਰਾਖੀ ਕਰਦੇ ਹਨ।’’ ਬੀ.ਐਸ.ਐਫ. ਦੀ ਸਥਾਪਨਾ 1 ਦਸੰਬਰ 1965 ਨੂੰ ਕੀਤੀ ਗਈ ਸੀ। ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਜਦੋਂ ਵੀ ਦੇਸ਼ ’ਚ ਭਾਜਪਾ ਦੀ ਕਿਸੇ ਵੀ ਸਰਕਾਰ ਨੇ ਸੱਤਾ ਸੰਭਾਲੀ ਹੈ, ਸਰਹੱਦੀ ਸੁਰੱਖਿਆ ਨੂੰ ਤਰਜੀਹ ਦਿਤੀ ਗਈ ਹੈ, ਚਾਹੇ ਉਹ ਸਾਬਕਾ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਾਈ ਦੀ ਸਰਕਾਰ ਹੋਵੇ ਜਾਂ ਮੋਦੀ ਸਰਕਾਰ। 

SHARE ARTICLE

ਏਜੰਸੀ

Advertisement
Advertisement

ਢਾਹ ਦਿੱਤਾ 400 Crore ਦਾ Farm House, ਦੋ ਦਿਨਾਂ ਤੋਂ ਚੱਲ ਰਿਹਾ Bulldozer, ਕਿਸੇ ਸਮੇਂ ਫਾਰਮ ਹਾਊਸ ਨੂੰ ਖੜ-ਖੜ...

03 Mar 2024 3:45 PM

ਕਾਰਪੋਰੇਸ਼ਨ ਨੂੰ ਤਾਲੇ ਲਾਉਣ ਦੇ ਮੁੱਦੇ ’ਤੇ, ਸਿੱਧੇ ਹੋ ਗਏ Ravneet Singh Bittu

02 Mar 2024 8:17 PM

Shambhu Border Update: ਮੀਂਹ 'ਚ ਵੀ ਮੋਰਚੇ 'ਤੇ ਡੱਟੇ ਕਿਸਾਨ, ਭਿੱਜਣ ਤੋਂ ਬਚਣ ਲਈ ਕੀਤੇ ਇਹ ਖ਼ਾਸ ਪ੍ਰਬੰਧ

02 Mar 2024 8:14 PM

MP ਡਾ. ਅਮਰ ਸਿੰਘ ਦਾ ਬੇਬਾਕ Interview, ਲੋਕ ਸਭਾ ਦੀ ਟਿਕਟ ਲਈ ਦੁਬਾਰਾ ਠੋਕੀ ਦਾਅਵੇਦਾਰੀ

01 Mar 2024 8:22 PM

Sukhbir Badal ਦੇ ਸੁਖ ਵਿਲਾਸ Hotel ਬਾਰੇ CM Mann ਦਾ ਵੱਡਾ ਐਕਸ਼ਨ, ਕੱਢ ਲਿਆਏ ਕਾਗ਼ਜ਼, Press Conference LIVE

29 Feb 2024 4:22 PM
Advertisement