ਇਸ ਹਾਦਸੇ ਵਿਚ ਚਾਰ ਦੀ ਮੌਕੇ ਉੱਤੇ ਹੀ ਮੌਤ ਹੋ ਗਈ ਜਦੋਂ ਕਿ ਦੋ ਲੋਕਾਂ ਦੀ ਮੌਤ ਜ਼ਿਲ੍ਹਾ ਹਸਪਤਾਲ ਵਿਚ ਇਲਾਜ ਦੇ ਦੌਰਾਨ ਹੋਈ । 

ਬਾਰਾਬੰਕੀ, ਲਖਨਊ 2 ਮਈ : ਫੈਜ਼ਾਬਾਦ ਰਾਜ ਮਾਰਗ ਉੱਤੇ ਸਥਿਤ ਥਾਣਾ ਸਫਦਰਗੰਜ ਖੇਤਰ ਦੇ ਗਰਾਮ ਦਾਦਰਾ  ਦੇ ਨਜ਼ਦੀਕ ਤੇਜ਼ ਰਫਤਾਰ ਨਾਲ ਆ ਰਹੀ ਬੇਕਾਬੂ ਹੋਈ ਬੱਸ ਨੇ ਸੜਕ ਪਾਰ ਕਰ ਰਹੇ ਅੱਠ ਲੋਕਾਂ ਨੂੰ ਕੁਚਲ ਦਿਤਾ ।  ਇਸ ਹਾਦਸੇ ਵਿਚ ਚਾਰ ਦੀ ਮੌਕੇ ਉੱਤੇ ਹੀ ਮੌਤ ਹੋ ਗਈ ਜਦੋਂ ਕਿ ਦੋ ਲੋਕਾਂ ਦੀ ਮੌਤ ਜ਼ਿਲ੍ਹਾ ਹਸਪਤਾਲ ਵਿਚ ਇਲਾਜ ਦੇ ਦੌਰਾਨ ਹੋਈ । 
ਇਹ ਸਾਰੇ ਲੋਕ ਇਕ ਵਿਆਹ ਸਮਾਗਮ ਵਿਚ ਸ਼ਿਰਕਤ ਕਰਨ ਲਈ ਜਾ ਰਹੇ ਸਨ।  ਲਾਸ਼ਾਂ ਵਿਚੋਂ ਦੋ ਦੀ ਸ਼ਨਾਖਤ ਨਹੀਂ ਹੋ ਸਕੀ ਹੈ । 
ਪੁਲਿਸ  ਨੇ ਦੱਸਿਆ ਕਿ ਲਖਨਊ - ਫੈਜਾਬਾਦ ਹਾਈਵੇ ਉੱਤੇ ਸਥਿਤ ਗਰਾਮ ਦਾਦਰਾ ਚੁਰਾਹੇ ਉੱਤੇ ਕੱਲ ਦੇਰ ਰਾਤ ਸੜਕ ਪਾਰ ਕਰ ਰਹੇ ਅੱਠ ਲੋਕਾਂ ਨੂੰ ਫੈਜਾਬਾਦ ਵਲੋਂ ਆ ਰਹੀ ਤੇਜ ਰਫਤਾਰ ਬਸ ਨੇ ਕੁਚਲ ਦਿਤਾ । ਹਾਦਸੇ  ਦੇ ਤੁਰਤ ਬਾਅਦ ਬੱਸ ਚਾਲਕ ਬੱਸ ਨੂੰ ਮੌਕੇ 'ਤੇ ਛੱਡ ਫਰਾਰ ਹੋ ਗਿਆ , ਜਿਸਦੇ ਨਾਲ ਹਾਇਵੇ ਉੱਤੇ ਜਾਮ ਲੱਗ ਗਿਆ ।  ਪੁਲਿਸ ਵਲੋਂ ਬੱਸ ਚਾਲਕ ਦੀ ਤਲਾਸ਼ ਜਾਰੀ ਹੈ |

ਜਦੋਂ ਤਕ ਪੁਲਿਸ ਘਟਨਾ ਸਥਲ 'ਤੇ ਪੁੱਜੀ ਤਦ ਤਕ ਚਾਰ ਲੋਕਾਂ ਦੀ ਮੌਤ ਹੋ ਚੁੱਕੀ ਸੀ । ਮਰਨ ਵਾਲਿਆਂ ਵਿਚ ਥਾਣਾ ਜਹਾਂਗੀਰਾਬਾਦ ਖੇਤਰ ਦੇ ਗਰਾਮ ਬਣਵਾ ਦੇ ਇਕ ਹੀ ਪਰਵਾਰ ਦੇ ਚਾਰ ਲੋਕ ਸ਼ਾਮਲ ਹਨ ।  ਜਖ਼ਮੀਆਂ ਨੂੰ ਐਮਬੂਲੈਂਸ ਰਾਹੀਂ ਜ਼ਿਲ੍ਹਾ ਹਸਪਤਾਲ ਪਹੁੰਚਾਇਆ ਗਿਆ, ਜਿਥੇ ਇਲਾਜ਼ ਦੌਰਾਨ ਦੋ ਹੋਰ ਵਿਅਕਤੀਆਂ ਦੀ ਮੌਤ ਹੋ ਗਈ ।