ਢਾਈ ਮਹੀਨਿਆਂ ਬਾਅਦ ਦਿੱਤੀ ਮ੍ਰਿਤਕ ਦੀ ਲਾਸ਼
ਹਾਪੁੜ : ਯੂਪੀ ਦੇ ਹਾਪੁੜ ਜ਼ਿਲੇ ਵਿਚ ਕੋਰੋਨਾ ਦਾ ਕਹਿਰ ਅਜੇ ਵੀ ਵੇਖਣ ਨੂੰ ਮਿਲ ਰਿਹਾ ਹੈ। ਤਾਜ਼ਾ ਮਾਮਲਾ ਹਾਪੁੜ ਦੇ ਸਿਟੀ ਕੋਤਵਾਲੀ ਖੇਤਰ ਦਾ ਹੈ, ਜਿਥੇ 15 ਹਜ਼ਾਰ ਰੁਪਏ ਨਾ ਹੋਣ ਕਾਰਨ ਪਰਿਵਾਰ ਨੂੰ ਕੋਰੋਨਾ ਸਕਾਰਾਤਮਕ ਵਿਅਕਤੀ ਦੀ ਲਾਸ਼ ਕਰੀਬ ਢਾਈ ਮਹੀਨਿਆਂ ਬਾਅਦ ਮਿਲੀ ਤੇ ਫਿਰ ਜਾ ਕੇ ਉਸਦਾ ਅੰਤਿਮ ਸਸਕਾਰ ਕੀਤਾ ਗਿਆ।
Corona Death
ਮ੍ਰਿਤਕ ਨੌਜਵਾਨ ਅਪ੍ਰੈਲ ਮਹੀਨੇ ਵਿੱਚ ਕੋਰੋਨਾ ਸਕਾਰਾਤਮਕ ਪਾਇਆ ਗਿਆ ਸੀ ਜਿਸ ਨੂੰ ਇਲਾਜ ਲਈ ਮੇਰਠ ਰੈਫਰ ਕਰ ਦਿੱਤਾ ਗਿਆ ਸੀ, ਮੇਰਠ ਵਿੱਚ ਇਲਾਜ ਦੌਰਾਨ ਵਿਅਕਤੀ ਨੇ ਦਮ ਤੋੜ ਦਿੱਤਾ।
corona death
ਉਸ ਸਮੇਂ ਦੌਰਾਨ, ਉਸ ਵਿਅਕਤੀ ਦੀ ਪਤਨੀ ਨੂੰ ਹਸਪਤਾਲ ਦੇ ਡਾਕਟਰਾਂ ਨੇ ਦੱਸਿਆ ਕਿ 15 ਹਜ਼ਾਰ ਰੁਪਿਆ ਬਿੱਲ ਬਣਿਆ ਹੈ ਪਹਿਲਾਂ ਉਹਨਾਂ ਨੂੰ ਬਿੱਲ ਦਾ ਭੁਗਤਾਨ ਕਰਨਾ ਪਵੇਗਾ ਫਿਰ ਉਸਦੇ ਪਤੀ ਦੀ ਲਾਸ਼ ਦਿੱਤੀ ਜਾਵੇਗੀ ਨਹੀਂ ਤਾਂ ਉਹ ਆਪ ਅੰਤਿਮ ਸਸਕਾਰ ਕਰ ਦੇਣਗੇ।
Corona death
ਜਿਸਤੋਂ ਬਾਅਦ ਮ੍ਰਿਤਕ ਦੀ ਪਤਨੀ ਪੈਸਿਆ ਦਾ ਇੰਤਜ਼ਾਮ ਕਰਨ ਲੱਗ ਪਈ ਪਰ ਪੈਸਿਆ ਦਾ ਇੰਤਜ਼ਾਮ ਨਾ ਹੋ ਸਕਿਆ ਤੇ ਮ੍ਰਿਤਕ ਦੀ ਪਤਨੀ ਵਾਪਸ ਪਿੰਡ ਚਲੀ ਗਈ। ਢਾਈ ਮਹੀਨਿਆਂ ਬਾਅਦ ਵੀ ਕੋਈ ਮ੍ਰਿਤਕ ਦੇਹ ਨੂੰ ਲੈਣ ਨਹੀਂ ਗਿਆ ਤਾਂ ਮੇਰਠ ਹਸਪਤਾਲ ਨੇ ਲਾਸ਼ ਨੂੰ ਹਾਪੁੜ ਸਿਹਤ ਵਿਭਾਗ ਦੇ ਹਵਾਲੇ ਕਰ ਦਿੱਤਾ।
corona death
ਹਾਪੁੜ ਸਿਹਤ ਵਿਭਾਗ ਨੇ ਲਾਸ਼ ਨੂੰ ਤਿੰਨ ਦਿਨ ਪਹਿਲਾਂ ਜੀਐਸ ਮੈਡੀਕਲ ਕਾਲਜ ਵਿੱਚ ਰੱਖਿਆ ਉਸ ਤੋਂ ਬਾਅਦ ਪ੍ਰਸ਼ਾਸਨ ਦੀ ਮਦਦ ਨਾਲ ਪਰਿਵਾਰਕ ਮੈਂਬਰਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਜਦੋਂ ਰਿਸ਼ਤੇਦਾਰਾਂ ਦਾ ਪਤਾ ਲੱਗਿਆ ਤਾਂ ਲਾਸ਼ ਰਿਸ਼ਤੇਦਾਰਾਂ ਨੂੰ ਦੇ ਦਿੱਤੀ ਗਈ ਅਤੇ ਲਾਸ਼ ਦਾ ਅੰਤਿਮ ਸਸਕਾਰ ਐਨਜੀਓ ਦੇ ਜ਼ਰੀਏ ਕਰ ਦਿੱਤਾ ਗਿਆ।
