ਗੁਜਰਾਤ ਦੇ ਗਿਰ ਨੈਸ਼ਨਲ ਪਾਰਕ ਵਿਚ ਇਕ ਤੋਂ ਬਾਅਦ ਗਈ ਸ਼ੇਰਾਂ ਦੀ ਮੌਤ ਨੇ ਵਣ ਵਿਭਾਗ ਨੂੰ ਪ੍ਰੇਸ਼ਾਨੀ ਵਿਚ ਪਾ ਦਿੱਤਾ ਹੈ...
ਅਹਿਮਦਾਬਾਦ : ਗੁਜਰਾਤ ਦੇ ਗਿਰ ਨੈਸ਼ਨਲ ਪਾਰਕ ਵਿਚ ਇਕ ਤੋਂ ਬਾਅਦ ਗਈ ਸ਼ੇਰਾਂ ਦੀ ਮੌਤ ਨੇ ਵਣ ਵਿਭਾਗ ਨੂੰ ਪ੍ਰੇਸ਼ਾਨੀ ਵਿਚ ਪਾ ਦਿੱਤਾ ਹੈ। ਸ਼ੇਰਾਂ ਦੇ ਲਈ ਮਸ਼ਹੂਰ ਗਿਰ ਨੈਸ਼ਨਲ ਪਾਰਕ ਵਿਚ 20 ਸਤੰਬਰ ਤੋਂ ਹੁਣ ਤਕ ਕਈ ਸ਼ੇਰਾਂ ਦੀ ਮੌਤ ਹੋ ਗਈ ਹੈ। ਸੋਮਵਾਰ ਨੂੰ ਵਣ ਵਿਭਾਗ ਨੇ ਜਸਾਧਰ ਐਨੀਮਲ ਕੇਅਰ ਸੈਂਟਰ ਵਿਚ 11 ਹੋਰ ਸ਼ੇਰਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਇਸ ਦੇ ਨਾਲ ਹੀ ਹੁਣ ਤਕ ਕੁੱਲ 21 ਸ਼ੇਰਾਂ ਦੀ ਮੌਤ ਹੋ ਗਈ ਹੈ। ਕਿਹਾ ਜਾ ਰਿਹਾ ਹੈ ਕਿ ਸ਼ੇਰਾਂ ਦੀ ਮੌਤ ਦੇ ਪਿਛੇ ਇਕ ਖ਼ਤਰਨਾਕ ਵਾਇਰਸ ਹੈ। ਇਸ ਵਾਈਰਸ ਦੇ ਕਾਰਨ ਤੰਜਾਨੀਆ ' 1994 ਵਿਚ 1000 ਸ਼ੇਰਾਂ ਦੀ ਮੌਤ ਹੋ ਗਈ ਸੀ।
Gir National Park
ਗਿਰ ਵਿਚ 12 ਸਤੰਬਰ ਤੋਂ ਸ਼ੇਰਾਂ ਦੀ ਮੌਤ ਦਾ ਸਿਲਸਿਲਾ ਸ਼ੁਰੂ ਹੋਇਆ ਸੀ ਅਤੇ ਹੁਣ ਤਕ ਮੌਤਾਂ ਦਾ ਅੰਕੜਾ ਵਧ ਕੇ 21 ਪਹੁੰਚ ਗਿਆ ਹੈ। ਇਸ ਤੋਂ ਪਹਿਲਾਂ 12 ਤੋਂ 19 ਸਤੰਬਰ ਦੇ ਦੌਰਾਨ ਡਾਲਖਾਨਿਆ ਰੇਂਜ ਵਿਚ ਬੱਚਿਆਂ ਸਮੇਤ 11 ਸ਼ੇਰਾਂ ਦੀ ਮੌਤ ਹੋ ਗਈ ਸੀ। ਸ਼ੇਰਾਂ ਦੀ ਮੌਤ ਦੇ ਕਾਰਨ ਵਣ ਵਿਭਾਗ ਬਹੁਤ ਪ੍ਰੇਸ਼ਾਨੀ ਵਿਚ ਪੈ ਗਿਆ ਹੈ, ਅਤੇ ਜਲਦੀ ਹੀ ਇਸ ਵਾਇਰਸ ਦਾ ਹੱਲ ਕੱਢਣ ਦਾ ਇੰਤਜ਼ਾਮ ਕਰ ਰਿਹਾ ਹੈ। ਸ਼ੇਰਾਂ ਦੀ ਮੌਤ ਨੂੰ ਲੈ ਕੇ ਇਕ ਭਿਆਨਕ ਖੁਲਾਸਾ ਹੋਇਆ ਹੈ। ਦਸਿਆ ਜਾ ਰਿਹਾ ਹੈ ਕਿ 12 ਤੋਂ 16 ਸਤੰਬਰ ਦੇ ਦੌਰਾਨ ਮਰਨ ਵਾਲੇ 4 ਸ਼ੇਰ ਕੈਨਾਈਨ ਡਿਸਟੈਂਪਰ ਵਾਈਰਸ (ਸੀਡੀਵੀ) ਦਾ ਸ਼ਿਕਾਰ ਸਨ।
Gir National Park
ਇਹ ਜਾਨਲੇਵਾ ਵਾਇਰਸ ਕੁਤਿਆਂ ਤੋਂ ਜੰਗਲੀ ਜਾਨਵਰਾਂ ਤੋਂ ਫੈਲਦਾ ਹੈ। ਇਹ ਉਹ ਵਾਇਰਸ ਹੈ ਜਿਸ ਨੇ ਤੰਜਾਨਿਆ ਦੇ ਸੇਰੇਂਗਟੀ ਰਿਜ਼ਰਵ 'ਚ 1994 ਦੇ ਦੌਰਾਨ 1000 ਸ਼ੇਰਾਂ ਦੀ ਜਾਨ ਲੈ ਕੇ ਪੂਰੀ ਦੁਨੀਆਂ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ। ਗੁਜਰਾਤ ਦੇ ਵਣ ਅਤੇ ਵਾਤਾਵਰਨ ਮੰਤਰੀ ਗਣਪਤ ਵਾਸਾਵਾ ਦੱਸਿਆ ਕਿ ਨੈਸ਼ਨਲ ਇੰਸਚੀਟਿਊਟ ਆਫ਼ ਵਾਇਰਲਾਜੀ ਪੂਨੇ ਦੀ ਸ਼ੁਰੂਆਤੀ ਰਿਪੋਰਟ ਵਿਚ 4 ਸ਼ੇਰਾਂ ਦੀ ਘਾਤਕ ਵਾਇਰਸ ਸੀਡੀਵੀ ਆਉਣ ਦੀ ਅੰਤਿਮ ਰਿਪੋਰਟ ਦਾ ਇੰਤਜ਼ਾਰ ਕਰ ਰਹੇ ਹਨ। ਵਣ ਵਿਭਾਗ ਨੇ ਸੋਮਵਾਰ ਨੂੰ ਦੱਸਿਆ ਹੈ ਕਿ ਕੁੱਲ 21 ਸ਼ੇਰਾਂ ਵਿਚੋਂ 6 ਦੀ ਮੌਤ ਪ੍ਰੋਟੋਜੋਆ ਇੰਨਫੈਕਸ਼ਨ ਅਤੇ 4 ਦੀ ਕਿਸੀ ਵਾਇਰਸ ਦੇ ਨਾਲ ਹੋਈ ਹੈ।
Gir National Park
ਪ੍ਰੋਟੋਜੋਆ ਇੰਨਫੈਕਸ਼ਨ ਕੁਤਿਆਂ ਦੇ ਸ਼ਰੀਰ ਉਤੇ ਪੈ ਜਾਣ ਵਾਲੇ ਕੀੜਿਆਂ ਤੋਂ ਜੰਗਲੀ ਜਾਨਵਰਾਂ ਵਿਚ ਫੈਲਦਾ ਹੈ। ਇਸ ਤੋਂ ਇਲਾਵਾ ਇਹ ਵਾਇਰਸ ਮਵੇਸ਼ੀਆ ਅਤੇ ਘਾਹ ਉਤੇ ਵੀ ਪਾਇਆ ਜਾਂਦਾ ਹੈ। ਸਾਵਧਾਨੀ ਦੇ ਮੱਦੇਨਜ਼ਰ ਵਣ ਵਿਭਾਗ ਨੇ ਸੇਮਰਡੀ ਇਲਾਕੇ ਦੇ ਕੋਲ ਸਰਸੀਆ ਤੋਂ 31 ਸ਼ੇਰਾਂ ਨੂੰ ਲੈ ਕੇ ਜਾਮਵਾਲਾ ਰੇਸਕਿਊ ਸੈਂਟਰ ਵਿਚ ਛੱਡ ਦਿੱਤਾ ਹੈ।
