ਚੀਨ 4 ਤੋਂ 20 ਫਰਵਰੀ ਤੱਕ ਬੀਜਿੰਗ ਵਿਚ ਹੋਣ ਵਾਲੇ ਵਿੰਟਰ ਓਲੰਪਿਕ ਦਾ ਮੇਜ਼ਬਾਨ ਹੈ।
ਬੀਜਿੰਗ : ਚੀਨ ਨੇ 2020 ਵਿਚ ਬੀਜਿੰਗ ਓਲੰਪਿਕ ਲਈ ਮਸ਼ਾਲਧਾਰੀ ਵਜੋਂ ਗਾਲਵਾਨ ਘਾਟੀ ਵਿਚ ਭਾਰਤੀ ਫੌਜ ਨਾਲ ਝੜਪ ਵਿਚ ਜਖ਼ਮੀ ਹੋਏ ਇੱਕ ਫੌਜੀ ਦਾ ਨਾਮ ਦਿੱਤਾ ਹੈ। ਚੀਨ ਦੇ ਸਰਕਾਰੀ ਮੀਡੀਆ ਗਲੋਬਲ ਟਾਈਮਜ਼ ਨੇ ਇਹ ਜਾਣਕਾਰੀ ਸਾਂਜੀ ਕੀਤੀ ਹੈ। ਜਾਣਕਾਰੀ ਅਨੁਸਾਰ 4 ਫਰਵਰੀ ਤੋਂ ਸ਼ੁਰੂ ਹੋ ਰਹੇ ਬੀਜਿੰਗ ਸਰਦ ਰੁੱਤ ਓਲੰਪਿਕ 'ਚ ਸਿਪਾਹੀ ਕਿਊਈ ਫੇਬਾਓ ਨੂੰ ਵੀ ਮਸਾਲ ਸੌਂਪੀ ਗਈ ਹੈ। ਗਲਵਾਨ ਘਾਟੀ ਵਿਚ ਹੋਈ ਲੜਾਈ ਵਿਚ ਫੈਬਾਓ ਜ਼ਖਮੀ ਹੋ ਗਿਆ ਸੀ। ਇਸ ਝੜਪ ਵਿੱਚ ਭਾਰਤ ਦੇ ਵੀ 20 ਜਵਾਨ ਸ਼ਹੀਦ ਹੋ ਗਏ ਸਨ।
China soldier in Olympic torch relay raises ire in India
ਰਿਪੋਰਟ ਵਿਚ ਲਿਖਿਆ ਗਿਆ ਕਿ ਗਲਵਾਨ ਵਿਚ ਲੜਨ ਵਾਲੇ ਪੀਐਲਏ ਰੈਜੀਮੈਂਟਲ ਕਮਾਂਡਰ ਕਿਊਈ ਫੈਬਾਓ ਨੇ ਰਿਲੇਅ ਦੌਰਾਨ ਟਾਰਚ ਫੜੀ ਸੀ, ਜਿਸ ਨੂੰ ਗਲਵਾਨ ਘਾਟੀ ਵਿੱਚ ਸਿਰ ਵਿਚ ਸੱਟ ਲੱਗੀ ਸੀ। ਅਖਬਾਰ ਵਿਚ ਕਿਹਾ ਗਿਆ ਹੈ ਕਿ 4 ਫਰਵਰੀ ਤੋਂ ਸ਼ੁਰੂ ਹੋ ਰਹੇ ਵਿੰਟਰ ਓਲੰਪਿਕ 'ਚ 1200 ਮਸ਼ਾਲਧਾਰੀ ਮਸ਼ਾਲਾਂ ਨਾਲ ਦੌੜ ਚੁੱਕੇ ਹਨ। ਇਸ ਨੂੰ 4 ਫਰਵਰੀ ਨੂੰ ਨੈਸ਼ਨਲ ਸਟੇਡੀਅਮ 'ਚ ਲਿਆਂਦਾ ਜਾਵੇਗਾ ਅਤੇ ਇਸ ਨਾਲ ਬੀਜਿੰਗ 2022 ਦੀਆਂ ਸਰਦ ਰੁੱਤ ਓਲੰਪਿਕ ਖੇਡਾਂ ਸ਼ੁਰੂ ਹੋ ਜਾਣਗੀਆਂ। ਚੀਨ 4 ਤੋਂ 20 ਫਰਵਰੀ ਤੱਕ ਬੀਜਿੰਗ ਵਿਚ ਹੋਣ ਵਾਲੇ ਵਿੰਟਰ ਓਲੰਪਿਕ ਦਾ ਮੇਜ਼ਬਾਨ ਹੈ।
China soldier in Olympic torch relay raises ire in India
ਲੱਦਾਖ ਸੀਮਾ 'ਤੇ ਭਾਰਤ ਅਤੇ ਚੀਨ ਵਿਚਾਲੇ ਲਗਭਗ ਦੋ ਸਾਲਾਂ ਤੋਂ ਵਿਵਾਦ ਚੱਲ ਰਿਹਾ ਹੈ। ਇਸ ਨੂੰ ਲੈ ਕੇ ਲਗਾਤਾਰ ਤਣਾਅ ਬਣਿਆ ਹੋਇਆ ਹੈ। ਜੂਨ 2020 'ਚ ਗਲਵਾਨ ਘਾਟੀ 'ਚ ਦੋਹਾਂ ਦੇਸ਼ਾਂ ਦੀਆਂ ਫੌਜਾਂ ਆਹਮੋ-ਸਾਹਮਣੇ ਆ ਗਈਆਂ ਸਨ। ਇਸ ਝੜਪ ਵਿਚ ਭਾਰਤੀ ਫੌਜ ਦੇ 20 ਜਵਾਨ ਸ਼ਹੀਦ ਹੋ ਗਏ ਸਨ। ਇਸ ਦੇ ਨਾਲ ਹੀ ਚੀਨੀ ਫੌਜ ਦੇ ਕੁਝ ਸੈਨਿਕਾਂ ਦੇ ਜ਼ਖਮੀ ਹੋਣ ਦੀ ਵੀ ਚਰਚਾ ਹੈ। ਇਸ ਝੜਪ ਤੋਂ ਬਾਅਦ ਚੀਨ ਅਤੇ ਭਾਰਤ ਵਿਚਾਲੇ ਤਣਾਅ ਨੂੰ ਘੱਟ ਕਰਨ ਲਈ 14 ਦੌਰ ਦੀ ਗੱਲਬਾਤ ਹੋ ਚੁੱਕੀ ਹੈ ਪਰ ਇਸ ਦਾ ਕੋਈ ਹੱਲ ਨਹੀਂ ਨਿਕਲਿਆ ਹੈ। ਹਾਲਾਂਕਿ ਦੋਵੇਂ ਦੇਸ਼ ਲਗਾਤਾਰ ਇਸ ਗੱਲ 'ਤੇ ਜ਼ੋਰ ਦੇ ਰਹੇ ਹਨ ਕਿ ਉਹ ਗੱਲਬਾਤ ਰਾਹੀਂ ਹੀ ਵਿਵਾਦ ਦਾ ਹੱਲ ਕੱਢਣਗੇ।
