The attraction of fixed savings increased due to rising interest rates:
The attraction of fixed savings increased due to rising interest rates: ਵਿਆਜ ਦਰਾਂ ਵਧਣ ਕਾਰਨ ਵਧਿਆ ਫਿਕਸਡ ਸੇਵਿੰਗ ਦਾ ਆਕਰਸ਼ਨ, ਨਵੀਂ ਦਿੱਲੀ: ਵਿਆਜ ਦਰਾਂ ਵਧਣ ਕਾਰਨ ਫਿਕਸਡ ਸੇਵਿੰਗ ਸਕੀਮਾਂ ਵਲ ਪਹਿਲਾਂ ਨਾਲੋਂ ਜ਼ਿਆਦਾ ਲੋਕ ਆਕਰਸ਼ਿਤ ਹੋ ਰਹੇ ਹਨ। ਕੁਲ ਬੈਂਕ ਡਿਪਾਜ਼ਿਟਾਂ ’ਚ ਅਜਿਹੇ ਨਿਵੇਸ਼ ਦੀ ਹਿੱਸੇਦਾਰੀ ਦਸੰਬਰ 2023 ’ਚ ਵੱਧ ਕੇ 60.3 ਫ਼ੀਸਦੀ ਹੋ ਗਈ ਹੈ। ਇਹ ਜਾਣਕਾਰੀ ਭਾਰਤੀ ਰਿਜ਼ਰਵ ਬੈਂਕ (ਆਰ.ਬੀ.ਆਈ.) ਦੇ ਅੰਕੜਿਆਂ ਤੋਂ ਮਿਲੀ ਹੈ।
ਮਾਰਚ 2023 ’ਚ ਇਹ ਅੰਕੜਾ 57.2 ਫੀਸਦੀ ਸੀ। ਅਪ੍ਰੈਲ-ਦਸੰਬਰ 2023 ਦੌਰਾਨ ਕੁਲ ਜਮ੍ਹਾਂ ਰਕਮਾਂ ’ਚ ਵਾਧੇ ’ਚ, ਫਿਕਸਡ ਡਿਪਾਜ਼ਿਟ ਦਾ ਹਿੱਸਾ ਲਗਭਗ 97.6 ਫ਼ੀਸਦੀ ਸੀ। ਇਸ ਮਿਆਦ ਦੌਰਾਨ, ਚਾਲੂ ਖਾਤੇ ਅਤੇ ਬਚਤ ਖਾਤੇ (ਸੀ.ਏ.ਐਸ.ਏ) ਜਮ੍ਹਾਂ ਦੇ ਹਿੱਸੇ ’ਚ ਗਿਰਾਵਟ ਆਈ ਹੈ। ਆਰ.ਬੀ.ਆਈ. ਨੇ ਇਹ ਜਾਣਕਾਰੀ ਅਪਣੇ ਤਿਮਾਹੀ ‘ਬੇਸਿਕ ਸਟੈਟਿਸਟਿਕਸ ਰਿਟਰਨ (ਬੀ.ਐੱਸ.ਆਰ.)-2: ਅਨੁਸੂਚਿਤ ਵਪਾਰਕ ਬੈਂਕਾਂ ’ਚ ਜਮ੍ਹਾਂ - ਦਸੰਬਰ 2023’ ’ਚ ਦਿਤੀ ਹੈ।
ਇਹ ਵੀ ਪੜ੍ਹੋ: IPL 2024 Promo: IPL 2024 ਦਾ ਪ੍ਰੋਮੋ ਹੋਇਆ ਰਿਲੀਜ਼, ਵੀਡੀਓ 'ਚ ਹਾਰਦਿਕ ਪੰਡਯਾ ਨਾਲ ਦਿਖਾਈ ਦਿਤੇ 3 ਕਪਤਾਨ
ਇਸ ’ਚ ਕਿਹਾ ਗਿਆ ਹੈ ਕਿ ਫਿਕਸਡ ਡਿਪਾਜ਼ਿਟ ’ਤੇ ਵਧਦੇ ਰਿਟਰਨ ਬੈਂਕ ਡਿਪਾਜ਼ਿਟ ’ਚ ਢਾਂਚਾਗਤ ਬਦਲਾਅ ਲਿਆ ਰਹੇ ਹਨ। ਕੁਲ ਜਮ੍ਹਾਂ ਰਕਮਾਂ ਵਿਚ ਫਿਕਸਡ ਡਿਪਾਜ਼ਿਟ ਦਾ ਹਿੱਸਾ ਮਾਰਚ 2023 ’ਚ 57.2 ਫ਼ੀ ਸਦੀ ਤੋਂ ਵੱਧ ਕੇ ਦਸੰਬਰ 2023 ’ਚ 60.3 ਫ਼ੀਸਦੀ ਹੋ ਗਿਆ। ਆਰ.ਬੀ.ਆਈ. ਨੇ ਅੱਗੇ ਕਿਹਾ ਕਿ ਫੰਡ ਵਧ ਵਿਆਜ ਦਰ ਸ਼੍ਰੇਣੀ ’ਚ ਜਮ੍ਹਾ ਕੀਤੇ ਜਾ ਰਹੇ ਹਨ। ਦਸੰਬਰ 2023 ’ਚ ਕੁਲ ਫਿਕਸਡ ਡਿਪਾਜ਼ਿਟ ’ਚ ਸੱਤ ਫੀਸਦੀ ਤੋਂ ਵੱਧ ਵਿਆਜ ਦਰਾਂ ਵਾਲੇ ਫਿਕਸਡ ਡਿਪਾਜ਼ਿਟ ਦੀ ਹਿੱਸੇਦਾਰੀ ਵਧ ਕੇ 61.4 ਫੀ ਸਦੀ ਹੋ ਗਈ। ਇਹ ਅੰਕੜਾ ਇਕ ਤਿਮਾਹੀ ਪਹਿਲਾਂ 54.7 ਫ਼ੀਸਦੀ ਸੀ ਅਤੇ ਮਾਰਚ 2023 ’ਚ 33.7 ਫ਼ੀਸਦੀ ਸੀ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
(For more news apart from The attraction of fixed savings increased due to rising interest rates News in punjabi , stay tuned to Rozana Spokesman)
