ਦਿੱਲੀ ਟ੍ਰੈਫਿਕ ਪੁਲਿਸ ਨੇ ਪਿਛਲੇ 10 ਸਾਲਾਂ ਵਿੱਚ 702 ਕਰੋੜ ਰੁਪਏ ਜੁਰਮਾਨੇ ਰਾਹੀਂ ਇਕੱਤਰ ਕੀਤੇ ਹਨ।
ਨਵੀਂ ਦਿੱਲੀ: ਦਿੱਲੀ ਪੁਲਿਸ ਦੀ ਸਭ ਤੋਂ ਕਮਾਊ ਪੁਲਿਸ ਦਿੱਲੀ ਟ੍ਰੈਫਿਕ ਪੁਲਿਸ ਹੈ। ਇਹ ਇਸ ਲਈ ਕਿਹਾ ਜਾ ਰਿਹਾ ਹੈ ਕਿਉਂਕਿ ਪਿਛਲੇ 10 ਸਾਲਾਂ ਵਿੱਚ, ਦਿੱਲੀ ਟ੍ਰੈਫਿਕ ਪੁਲਿਸ ਨੇ ਜੁਰਮਾਨੇ ਦੇ ਰੂਪ ਵਿੱਚ ਇੱਕ ਵੱਡੀ ਰਕਮ ਕਮਾਈ ਹੈ। ਦਿੱਲੀ ਟ੍ਰੈਫਿਕ ਪੁਲਿਸ ਨੇ ਪਿਛਲੇ 10 ਸਾਲਾਂ ਵਿੱਚ 702 ਕਰੋੜ ਰੁਪਏ ਜੁਰਮਾਨੇ ਰਾਹੀਂ ਇਕੱਤਰ ਕੀਤੇ ਹਨ।
ਇਹ ਰਕਮ ਪਿਛਲੇ ਦਸ ਸਾਲਾਂ ਵਿਚ ਦਿੱਲੀ ਟ੍ਰੈਫਿਕ ਪੁਲਿਸ ਦੇ ਖਰਚੇ ਦੇ 20 ਪ੍ਰਤੀਸ਼ਤ ਦੇ ਬਰਾਬਰ ਹੈ। ਦਿੱਲੀ ਟ੍ਰੈਫਿਕ ਪੁਲਿਸ ਦਾ ਸਾਲਾਨਾ ਖਰਚਾ 306 ਕਰੋੜ ਤੋਂ ਲੈ ਕੇ ਤਕਰੀਬਨ 525 ਕਰੋੜ ਰੁਪਏ ਤੱਕ ਦਾ ਹੈ।
ਸਾਲ 2019- 20 ਵਿਚ ਦਿੱਲੀ ਟ੍ਰੈਫਿਕ ਪੁਲਿਸ ਦਾ ਕੁਲ ਖਰਚ 526.77 ਕਰੋੜ ਸੀ। ਜੋ ਕਿ ਹੁਣ ਤੱਕ ਦਾ ਸਭ ਤੋਂ ਉੱਚਾ ਹੈ। ਦਿੱਲੀ ਟ੍ਰੈਫਿਕ ਪੁਲਿਸ ਦੇ ਪੀਆਈਓ ਮਨਦੀਪ ਸਿੰਘ ਰੰਧਾਵਾ ਨੇ ਕਿਹਾ ਕਿ ਦਿੱਲੀ ਟ੍ਰੈਫਿਕ ਪੁਲਿਸ ਨੇ ਖਰਚਾ ਦੇ ਮਾਮਲੇ ਵਿੱਚ ਸਾਲ 2015 ਵਿੱਚ ਦਰਜ ਰਿਕਾਰਡ ਤੋੜ ਦਿੱਤਾ ਹੈ। ਸਾਲ 2018-19 ਵਿਚ, ਦਿੱਲੀ ਟ੍ਰੈਫਿਕ ਪੁਲਿਸ ਨੇ 121.5 ਕਰੋੜ ਰੁਪਏ ਜੁਰਮਾਨੇ ਵਜੋਂ ਵਸੂਲ ਕੀਤੇ ਸਨ, ਜੋ ਹੁਣ ਤੱਕ ਦੀ ਸਭ ਤੋਂ ਵੱਧ ਹੈ। ਇਸ ਦੇ ਨਾਲ ਹੀ ਸਾਲ 2017-18 ਵਿੱਚ, ਦਿੱਲੀ ਪੁਲਿਸ ਨੇ ਕੁਲ 102.2 ਕਰੋੜ ਰੁਪਏ ਜੁਰਮਾਨੇ ਵਜੋਂ ਵਸੂਲ ਕੀਤੇ ਸਨ।
ਪਿਛਲੇ ਪੰਜ ਸਾਲਾਂ ਵਿਚ ਦਿੱਲੀ ਪੁਲਿਸ ਦੁਆਰਾ ਲਗਾਏ ਜੁਰਮਾਨੇ ਅਤੇ ਕੁੱਲ ਖਰਚਿਆਂ ਦਾ ਵਿਸ਼ਲੇਸ਼ਣ ਇਹ ਦਰਸਾਉਂਦਾ ਹੈ ਕਿ ਦਿੱਲੀ ਟ੍ਰੈਫਿਕ ਪੁਲਿਸ ਆਪਣੇ ਖਰਚਿਆਂ ਦਾ 20 ਪ੍ਰਤੀਸ਼ਤ ਜੁਰਮਾਨੇ ਰਾਹੀ ਕਮਾਉਂਦੀ ਹੈ। ਸਾਲ 2018-19 ਵਿਚ, ਦਿੱਲੀ ਟ੍ਰੈਫਿਕ ਪੁਲਿਸ ਨੇ ਜੁਰਮਾਨੇ ਰਾਹੀਂ ਆਪਣੀ ਤਨਖਾਹ ਦਾ ਤਕਰੀਬਨ 28 ਪ੍ਰਤੀਸ਼ਤ ਕਮਾਇਆ, ਜੋ ਕਿ ਇਕ ਚੌਥਾਈ ਤੋਂ ਵੱਧ ਹੈ।