ਆਰ.ਟੀ.ਆਈ. ਤਹਿਤ ਇਕ ਪ੍ਰੀਖਿਆਰਥੀ ਨੂੰ ਅਪਣੇ ਜਵਾਬ ਕਿਤਾਬਚੇ ਦੀ ਜਾਂਚ ਜਾਂ ਨਿਰੀਖਣ ਕਰਨ ਦਾ ਅਧਿਕਾਰ
Published : Aug 3, 2020, 9:51 am IST
Updated : Aug 3, 2020, 9:51 am IST
SHARE ARTICLE
Photo
Photo

ਕੇਂਦਰੀ ਸੂਚਨਾ ਕਮਿਸ਼ਨ ਦਾ ਅਹਿਮ ਫ਼ੈਸਲਾ

ਚੰਡੀਗੜ੍ਹ, 2 ਅਗੱਸਤ (ਨੀਲ ਭਾਲਿੰਦਰ ਸਿੰਘ): ਕੇਂਦਰੀ ਸੂਚਨਾ ਕਮਿਸ਼ਨ ਯਾਨੀ ਸੀ.ਆਈ.ਸੀ. ਨੇ ਅਪਣੇ ਹਾਲੀਆ ਫ਼ੈਸਲੇ ਵਿਚ ਮੰਨਿਆ ਹੈ ਕਿ ਸੂਚਨਾ ਦਾ ਅਧਿਕਾਰ ਐਕਟ-2005 ਤਹਿਤ ਇਕ ਪ੍ਰੀਖਿਆਰਥੀ ਨੂੰ ਅਪਣੇ ਜਵਾਬ ਕਿਤਾਬਚੇ (ਉਤਰ ਪੁਸਤਕਾ) ਦੀ ਜਾਂਚ ਜਾਂ ਨਿਰੀਖਣ ਕਰਨ ਦਾ ਅਧਿਕਾਰ ਹੈ । ਸੀ.ਆਈ.ਸੀ. ਇਸ ਮਾਮਲੇ ਵਿਚ ਯੂਜੀਸੀ ਵਿਚ ਕੰਮ ਕਰਦੇ  ਇਕ ਸੀਨੀਅਰ ਰਿਸਰਚ ਫੈਲੋ ਵਲੋਂ ਦਾਇਰ ਅਰਜ਼ੀ 'ਤੇ ਸੁਣਵਾਈ ਕਰ ਰਿਹਾ ਸੀ।

ਸੀ.ਆਈ.ਸੀ. ਨੇ ਕਿਹਾ ਕਿ ਇਕ ਵਿਦਿਆਰਥੀ ਦੀ ਉਸ ਦੀ ਉਤਰ ਪੁਸਤਕਾ ਤਕ ਪਹੁੰਚ ਦੇ ਮਾਮਲੇ ਵਿਚ ਕਾਨੂੰਨ ਪਹਿਲਾਂ ਤੋਂ ਹੀ ਤੈਅ ਹੋ ਚੁਕਿਆ ਹੈ। ਸੀ.ਆਈ.ਸੀ. ਨੇ ਸੀ.ਬੀ.ਐਸ.ਈ.ਐਂਡ ਹੋਰ ਬਨਾਮ ਅਦਿਤਿਆ ਬੰਧੋਪਾਧਿਆਏ ਐਂਡ ਅਦਰਸ ਐਸਐਲਪੀ (ਸੀ) ਨੰਬਰ 7526/2009 ਕੇਸ ਦਾ ਹਵਾਲਾ ਦਿਤਾ। ਇਸ ਕੇਸ ਵਿਚ ਸੁਪ੍ਰੀਮ ਕੋਰਟ ਨੇ ਮੰਨਿਆ ਸੀ ਕਿ ਹਰ ਪ੍ਰੀਖਿਆਰਥੀ ਨੂੰ ਅਪਣੀ ਮੁਲਾਂਕਤ ਹੋ ਚੁਕੀ ਉਤਰ ਪੁਸਤਕਾ ਦੀ ਜਾਂਚ ਜਾਂ ਨਿਰੀਖਣ ਕਰਨ ਜਾਂ ਉਸ ਦੀ ਫ਼ੋਟੋ ਕਾਪੀ ਲੈਣ ਦਾ ਅਧਿਕਾਰ ਹੈ, ਬਸ਼ਰਤੇ ਇਸ ਨੂੰ ਆਰ.ਟੀ.ਆਈ. ਐਕਟ 2005 ਦੀ ਧਾਰਾ 8 (1) (ਈ) ਤਹਿਤ ਛੋਟ ਨਹੀਂ ਦਿਤੀ ਗਈ ਹੋਵੇ।

ਸੁਪਰੀਮ ਕੋਰਟ ਨੇ ਇਹ ਵੀ ਕਿਹਾ ਸੀ ਕਿ ਜਦੋਂ ਕੋਈ ਉਮੀਦਵਾਰ ਪ੍ਰੀਖਿਆ ਵਿਚ ਭਾਗ ਲੈਂਦਾ ਹੈ ਅਤੇ ਅਪਣਾ ਜਵਾਬ ਉਤਰ ਪੁਸਤਕਾ ਵਿਚ ਲਿਖਦਾ ਹੈ ਅਤੇ ਉਸ ਨੂੰ ਮੁਲਾਂਕਣ ਲਈ ਦਿੰਦਾ ਹੈ ਜਿਸ ਤੋਂ ਬਾਅਦ ਨਤੀਜਾ ਐਲਾਨਿਆ ਜਾਂਦਾ ਹੈ। ਇਹ ਉਤਰ ਪੁਸਤਕਾ ਇਕ ਕਾਗ਼ਜ਼ਾਤ ਜਾਂ ਰੀਕਾਰਡ ਹੈ। ਉਤਰ ਪੁਸਤਕਾ ਵਿਚ ਜੋ 'ਵਿਚਾਰ' ਸਮਾਇਆ ਹੁੰਦਾ ਹੈ, ਉਹ ਆਰ.ਟੀ.ਆਈ. ਤਹਿਤ ਸੂਚਨਾ ਬਣ ਜਾਂਦਾ ਹੈ।

ਮੁਲਾਂਕਤ ਉਤਰ ਪੁਸਤਕਾ ਨੂੰ ਆਰ.ਟੀ.ਆਈ. ਐਕਟ ਦੀ ਧਾਰਾ 8 ਤੋਂ ਛੋਟ  ਹੋਵੇਗੀ ਅਤੇ ਪ੍ਰੀਖਿਆਰਥੀ ਤਕ ਇਸ ਦੀ ਪਹੁੰਚ ਹੋਵੇਗੀ । ਅਜਿਹੇ ਵਿਚ ਸੁਪਰੀਮ ਕੋਰਟ  ਦੇ ਇਸ ਆਦੇਸ਼ ਨੂੰ ਵੇਖਦੇ ਹੋਏ ਪਾਇਆ ਗਿਆ ਕਿ ਪ੍ਰਾਰਥਕ ਨੇ ਅਪਣੀ ਉਤਰ ਪੁਸਤਕਾ ਤਕ ਅਪਣੀ ਪਹੁੰਚ ਸੰਸਥਾਨ ਦੇ ਨਿਯਮਾਂ ਤਹਿਤ ਨਹੀਂ ਸਗੋਂ ਆਰ.ਟੀ.ਆਈ. ਐਕਟ ਤਹਿਤ ਮੰਗੀ ਹੈ। ਇਸ ਲਈ ਉਹ ਇਹ ਸੂਚਨਾ ਪਾਉਣ ਦਾ ਹੱਕਦਾਰ ਹੈ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement