ਹੇਅਰ ਸਟਾਇਲ ਬਦਲਣ ਤੋਂ ਬਾਅਦ ਵਾਲ ਝੜਨ ਦੀ ਸਮੱਸਿਆ ਤੋਂ ਪਰੇਸ਼ਾਨ ਹੋ ਕੇ ਮੈਸੂਰ ਦੀ ਇਕ ਵਿਦਿਆਰਥਣ ਨੇ ਨਦੀ ਵਿਚ ਛਾਲ ਲਗਾ ਕੇ ਆਤਮਹਤਿਆ ਕਰ ਲਈ। ਪੁਲਿਸ ਦੇ ਮੁਤਾ...
ਮੈਸੂਰ : ਹੇਅਰ ਸਟਾਇਲ ਬਦਲਣ ਤੋਂ ਬਾਅਦ ਵਾਲ ਝੜਨ ਦੀ ਸਮੱਸਿਆ ਤੋਂ ਪਰੇਸ਼ਾਨ ਹੋ ਕੇ ਮੈਸੂਰ ਦੀ ਇਕ ਵਿਦਿਆਰਥਣ ਨੇ ਨਦੀ ਵਿਚ ਛਾਲ ਲਗਾ ਕੇ ਆਤਮਹਤਿਆ ਕਰ ਲਈ। ਪੁਲਿਸ ਦੇ ਮੁਤਾਬਕ ਆਤਮਹਤਿਆ ਕਰਨ ਵਾਲੀ ਵਿਦਿਆਰਥਣ ਬੀਬੀਏ ਦੀ ਸਟੂਡੈਂਟ ਸੀ। ਉਸ ਨੇ ਕੁੱਝ ਸਮੇਂ ਪਹਿਲਾਂ ਮੈਸੂਰ ਦੇ ਇਕ ਲੋਕਲ ਪਾਰਲਰ ਤੋਂ ਹੇਅਰ ਟ੍ਰੀਟਮੈਂਟ ਲੈ ਕੇ ਵਾਲ ਸਿੱਧੇ ਕਰਵਾਏ ਸਨ। ਇਸ ਤੋਂ ਬਾਅਦ ਉਸ ਦੇ ਵਾਲ ਲਗਾਤਾਰ ਝੜ੍ਹ ਰਹੇ ਸਨ। ਪੁੱਲਿਸ ਨੇ ਦੱਸਿਆ ਕਿ ਮ੍ਰਿਤਕ ਵਿਦਿਆਰਥਣ ਦੇ ਮਾਤਾ - ਪਿਤਾ ਨੇ ਪਾਰਲਰ ਵਿਰੁਧ ਐਫਆਈਆਰ ਦਰਜ ਕਰਵਾ ਦਿਤੀ ਹੈ।
ਪੁੱਲਿਸ ਨੇ ਦੱਸਿਆ ਕਿ ਮ੍ਰਿਤਕ ਵਿਦਿਆਰਥਣ ਦਾ ਨਾਮ ਨੇਹਾ ਗੰਗਮਾ ਹੈ। ਉਸ ਦੇ ਪਿਤਾ ਦਾ ਨਾਮ ਪੇਮਇਯਾ ਅਤੇ ਮਾਂ ਦਾ ਨਾਮ ਸ਼ਿਆਲਾ ਹੈ। ਨੇਹਾ ਅਪਣੇ ਮਾਤਾ - ਪਿਤਾ ਦੀ ਇਕਲੌਤੀ ਧੀ ਸੀ। ਨੇਹਾ ਨੇ ਕੁੱਝ ਸਮਾਂ ਪਹਿਲਾਂ ਹੀ ਹੇਅਰ ਸਟਾਇਲ ਬਦਲਿਆ ਸੀ। ਹੇਅਰ ਸਟਾਇਲ ਚੇਂਜ ਕਰਨ ਤੋਂ ਬਾਅਦ ਤੋਂ ਕਥਿਤ ਰੂਪ ਨਲਾ ਉਸ ਦੇ ਵਾਲ ਲਗਾਤਾਰ ਝੜ੍ਹ ਰਹੇ ਸਨ ਅਤੇ ਉਸ ਨੂੰ ਡਰ ਸੀ ਕਿ ਇਕ ਦਿਨ ਉਹ ਗੰਜੀ ਹੋ ਜਾਵੇਗੀ। ਨੇਹਾ ਦੀ ਮਾਂ ਨੇ ਪੁੱਲਿਸ ਨੂੰ ਦੱਸਿਆ ਕਿ ਨੇਹਾ ਨੇ ਫੋਨ ਕਰ ਕੇ ਮੈਨੂੰ ਦੱਸਿਆ ਸੀ ਕਿ ਉਸ ਦੇ ਵਾਲ ਲਗਾਤਾਰ ਝੜ੍ਹ ਰਹੇ ਹਨ।
ਉਸ ਦੇ ਵਾਲ ਪਤਲੇ ਹੋ ਰਹੇ ਸਨ, ਜਿਸ ਦੇ ਨਾਲ ਉਹ ਗੰਜੀ ਹੋਣ ਦੇ ਕਗਾਰ 'ਤੇ ਸੀ। ਇਸ ਪਰੇਸ਼ਾਨੀ ਦੀ ਵਜ੍ਹਾ ਨਾਲ ਉਹ ਅਪਣੇ ਕਾਲਜ ਵੀ ਨਹੀਂ ਜਾਣਾ ਚਾਹੁੰਦੀ ਸੀ। ਨੇਹਾ ਦੀ ਮਾਂ ਦੇ ਮੁਤਾਬਕ ਹੇਅਰ ਟ੍ਰੀਟਮੈਂਟ ਕਰਾਉਣ ਤੋਂ ਬਾਅਦ ਤੋਂ ਉਸ ਦੀ ਚਮੜੀ ਵਿਚ ਐਲਰਜੀ ਵੀ ਹੋ ਗਈ ਸੀ। ਉਹ ਪਰੇਸ਼ਾਨ ਸੀ ਕਿ ਉਸ ਦੇ ਦੋਸਤ ਜਦੋਂ ਇਸ ਦੇ ਬਾਰੇ ਵਿਚ ਉਸ ਤੋਂ ਪੁੱਛਣਗੇ, ਤਾਂ ਉਹ ਉਹਨਾਂ ਨੂੰ ਕੀ ਜਵਾਬ ਦੇਵੇਗੀ। ਮਾਂ ਦੇ ਮੁਤਾਬਕ ਨੇਹਾ ਇਸ ਸਮੱਸਿਆ ਦੀ ਵਜ੍ਹਾ ਨਾਲ ਇਕ ਸਾਲ ਤੱਕ ਕਾਲਜ ਨਹੀਂ ਜਾਣਾ ਚਾਹੁੰਦੀ ਸੀ। ਨਾਲ ਹੀ ਉਹ ਅਪਣੇ ਵਾਲ ਕਿਸੇ ਧਰਮਸਥਲ 'ਤੇ ਦਾਨ ਕਰ ਕੇ ਗੰਜੀ ਹੋਣਾ ਚਾਹੁੰਦੀ ਸੀ।
ਪੁੱਲਿਸ ਨੇ ਦੱਸਿਆ ਕਿ ਨੇਹਾ ਮੈਸੂਰ ਸਥਿਤ ਅਪਣੇ ਪੇਇੰਗ ਗੈਸਟ ਤੋਂ 28 ਅਗਸਤ ਤੋਂ ਲਾਪਤਾ ਸੀ। ਉਸ ਦਿਨ ਉਹ ਅਪਣੇ ਪੀਜੀ ਤੋਂ ਕਾਲਜ ਲਈ ਨਿਕਲੀ ਤਾਂ ਸੀ ਪਰ ਉਥੇ ਨਹੀਂ ਪਹੁੰਚੀ। ਜਦੋਂ ਉਹ ਪੀਜੀ ਵਾਪਸ ਨਹੀਂ ਪਰਤੀ ਤਾਂ ਪੀਜੀ ਚਲਾਉਣ ਵਾਲੇ ਨੇ ਉਸ ਦੇ ਪਰਵਾਰ ਨੂੰ ਇਸ ਦੀ ਸੂਚਨਾ ਦਿਤੀ। ਕੋਡਾਗੂ ਦੀ ਰਹਿਣ ਵਾਲੀ ਨੇਹਾ ਦੇ ਮਾਤਾ - ਪਿਤਾ ਨੇ ਧੀ ਦੇ ਗੁਮਸ਼ੁਦਾ ਹੋਣ ਦੀ ਰਿਪੋਰਟ ਮੈਸੂਰ ਦੇ ਜੈਲਕਸ਼ਮੀਪੁਰਮ ਪੁੱਲਿਸ ਥਾਣੇ ਵਿਚ ਦਰਜ ਕਰਾਈ। ਪੁਲਿਸ ਨੇ ਐਫਆਈਆਰ ਦਰਜ ਕਰਦੇ ਹੋਏ ਉਸ ਦੀ ਤਲਾਸ਼ ਸ਼ੁਰੂ ਕਰ ਦਿਤੀ। 1 ਸਤੰਬਰ ਨੂੰ ਪੁਲਿਸ ਨੂੰ ਨੇਹਾ ਦਾ ਲਾਸ਼ ਲਕਸ਼ਮਣ ਤੀਰਥ ਨਦੀ ਕੋਲ ਮਿਲਿਆ।
ਪੁਲਿਸ ਨੂੰ ਸ਼ੱਕ ਹੈ ਵਾਲ ਝੜ੍ਹਨ ਤੋਂ ਪਰੇਸ਼ਾਨ ਨੇਹਾ ਨੇ 28 ਅਗਸਤ ਨੂੰ ਨਦੀ ਵਿਚ ਛਾਲ ਲਗਾ ਕੇ ਖੁਦਕੁਸ਼ੀ ਕਰ ਲਈ। ਨੇਹਾ ਦੇ ਮਾਤਾ - ਪਿਤਾ ਨੇ ਉਸ ਦਿ ਲਾਸ਼ ਦੀ ਪਹਿਚਾਣ ਉਸ ਦੀ ਅੰਗੂਠੀ ਤੋਂ ਕੀਤੀ, ਜੋ ਉਸ ਨੇ ਪਾ ਰੱਖੀ ਸੀ। ਪੁਲਿਸ ਨੇ ਦੱਸਿਆ ਕਿ ਲਾਸ਼ ਦੇ ਵਾਲ ਅਤੇ ਸਰੀਰ ਦੇ ਹੋਰ ਨਮੂਨੇ ਲੈ ਲਏ ਗਏ ਹਨ, ਜਿਸ ਨੂੰ ਬੈਂਗਲੁਰੁ ਅਤੇ ਮੈਸੂਰ ਦੇ ਫੋਰੈਂਸਿਕ ਲੈਬ ਵਿਚ ਪ੍ਰੀਖਿਆ ਲਈ ਭੇਜ ਦਿਤਾ ਗਿਆ ਹੈ। ਨੇਹਾ ਦੇ ਪਰਵਾਰ ਨੇ ਪਾਰਲਰ ਵਿਰੁਧ ਦਰਜ ਸ਼ਿਕਾਇਤ ਵਿਚ ਕਿਹਾ ਹੈ ਕਿ ਵਾਲਾਂ ਦੇ ਟ੍ਰੀਟਮੈਂਟ ਵਿਚ ਜੋ ਕੈਮਿਕਲ ਇਸਤੇਮਾਲ ਕੀਤਾ ਗਿਆ ਸੀ, ਉਸ ਤੋਂ ਬਾਅਦ ਤੋਂ ਨੇਹਾ ਨੂੰ ਪਰੇਸ਼ਾਨੀ ਸ਼ੁਰੂ ਹੋ ਗਈ ਸੀ।
