ਸਰਵੇਖਣ 'ਚ ਚੰਡੀਗੜ੍ਹ ਪੀਜੀਆਈ ਦੂਜੇ ਨੰਬਰ 'ਤੇ
ਚੰਡੀਗੜ੍ਹ: 'The week Hansa Research’ ਨੇ ਸਰਕਾਰੀ ਹਸਪਤਾਲਾਂ ਦਾ ਇਕ ਸਰਵੇਖਣ ਕੀਤਾ ਹੈ, ਜਿਸ ਵਿਚ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਕਿਹੜਾ ਹਸਪਤਾਲ ਦੇਸ਼ ਦਾ ਸੱਭ ਤੋਂ ਵਧੀਆ ਅਤੇ ਮਰੀਜ਼ਾਂ ਨੂੰ ਬੁਨਿਆਦੀ ਸੁਵਿਧਾ ਦੇਣ ਵਾਲਾ ਹਸਪਤਾਲ ਹੈ। ਇਸ ਸਰਵੇਖਣ ਵਿਚ ਦਿੱਲੀ ਏਮਜ਼ ਪਹਿਲੇ ਨੰਬਰ ਤੇ ਆਇਆ ਹੈ ਜਦਕਿ ਚੰਡੀਗੜ੍ਹ ਪੀਜੀਆਈ ਪੂਰੇ ਦੇਸ਼ ਵਿਚੋਂ ਦੂਜੇ ਨੰਬਰ ‘ਤੇ ਆਇਆ। ਸਰਵੇਖਣ ਵਿਚ ਪਾਇਆ ਗਿਆ ਹੈ ਕਿ ਮੈਡੀਕਲ ਐਜੂਕੇਸ਼ਨ, ਰਿਸਰਚ ਅਤੇ ਮਰੀਜ਼ਾ ਦੀ ਦੇਖਭਾਲ ਵਿਚ ਪੀਜੀਆਈ ਚੰਡੀਗੜ੍ਹ ਦੂਜੇ ਨੰਬਰ ਦਾ ਹਸਪਤਾਲ ਹੈ। ਇਸ ਸਰਵੇਖਣ ਵਿਚ ਇਹ ਵੀ ਦੱਸਿਆ ਗਿਆ ਹੈ ਕਿ ਪੀਜੀਆਈ ਦਾ ਕਿਹੜਾ ਡਿਪਾਰਟਮੈਂਟ ਦੇਸ਼ ਵਿਚ ਕਿਹੜੇ ਨੰਬਰ ‘ਤੇ ਹੈ।
PGI
ਚੰਡੀਗੜ੍ਹ ਪੀਜੀਆਈ ਦਾ ਪਲਮੋਨੋਲੋਜੀ ਡਿਪਾਰਟਮੈਂਟ ਪੂਰੇ ਦੇਸ਼ ਵਿੱਚੋਂ ਟੋਪ ਤੇ ਰਿਹਾ ਹੈ। ਪੀਜੀਆਈ ਦੇ ਪੀਡੀਆਟਰੀਕ ਵਿਭਾਗ ਨੂੰ ਦੂਜੇ ਨੰਬਰ ਤੇ ਜਗ੍ਹਾ ਮਿਲੀ ਹੈ। ਆਰਥੋਪੀਡਿਕਸ ਅਤੇ ਡਾਇਬੀਟੀਕ ਵਿਭਾਗ ਚੌਥੇ ਨੰਬਰ ‘ਤੇ ਹਨ। ਪੰਜਵੇਂ ਨੰਬਰ ਨਿਊਰੋਲੋਜੀ ‘ਤੇ ਛੇਵੇ ਨੰਬਰ ‘ਤੇ ਗੈਅਸਟਰੋਐਂਟਰੋਲੋਜੀ ਵਿਭਾਗ ਹੈ। ਅੱਠਵੇਂ ਤੇ ਕਾਰਡੀਓਲੌਜੀ ਅਤੇ ਆਪਥੋਮੋਲੋਜੀ ਜਦਕਿ ਬਾਰਵੇਂ ਨੰਬਰ ‘ਤੇ ਆਂਕੋਲੋਜੀ ਵਿਭਾਗ ਹਨ। ਇਸ ਤੋਂ ਇਲ਼ਾਵਾਂ ਸਿਟੀ ਦੇ ਟੋਪ ਹਸਪਤਾਲਾਂ ਦੀ ਰੈਕਿੰਗ ਵੀ ਜ਼ਾਰੀ ਕਰ ਦਿੱਤੀ ਗਈ ਹੈ, ਜਿਸ ਚ ਪੀਜੀਆਈ ਪਹਿਲੇ ਨੰਬਰ ਤੇ ਮੈਡੀਕਲ ਕਾਲਜ ਦੂਜੇ ਨੰਬਰ ਤੇ ਅਤੇ ਮੈਕਸ ਸੂਪਰ ਹਸਪਤਾਲ ਤੀਜੇ ਨੰਬਰ ‘ਤੇ ਆਇਆ ਹੈ। ਹਾਲਾਕਿ ਇਸ ਤੋਂ ਪਹਿਲਾਂ ਵੀ ਹੁੰਦੇ ਸਰਵੇਖਣ ‘ਚ ਵੀ ਪੀਜੀਆਈ ਦੇਸ਼ ਚ ਦੂਜੇ ਨੰਬਰ ਆਉਂਦਾ ਰਿਹਾ ਹੈ।
AIIMS
ਇਹ ਸਰਵੇਖਣ ਦੇਸ਼ ਦੇ 17 ਸ਼ਹਿਰਾ ਵਿਚ ਕੀਤਾ ਗਿਆ ਹੈ, ਜਿਨ੍ਹਾਂ ਵਿਚ ਦਿੱਲੀ, ਐਨਸੀਆਰ, ਚੰਡੀਗੜ੍ਹ, ਲਖਨਉ, ਜੈਪੂਰ, ਇੰਦੋਰ, ਹੈਦਰਾਬਾਦ, ਬੈਗਲੁਰੂ, ਚੇਨਈ ਕੋਚੀ, ਕੋਲਕੱਤਾ, ਪੁਣੇ ਅਤੇ ਮੁੰਬਈ ਵਰਗੇ ਸ਼ਹਿਰ ਸ਼ਾਮਿਲ ਸਨ। ਸਰਵੇਖਣ ਵਿਚ 726 ਡਾਕਟਰਾਂ ਅਤੇ 1307 ਸਪੈਸ਼ਲੀਸਟਾਂ ਨੂੰ ਸ਼ਾਮਿਲ ਕੀਤਾ ਗਿਆ। ਸਰਵੇਖਣ ਇਸ ਅਧਾਰ ‘ਤੇ ਕੀਤਾ ਗਿਆ ਹੈ ਕਿ ਸਰਕਾਰੀ ਹਸਪਤਾਲਾਂ ਵਿਚ ਡਾਕਟਰਾਂ ਦੀ ਸਮਰੱਥਾ, ਬੁਨਿਆਦੀ ਢਾਂਚਾ, ਸੁਵਿਧਾ, ਮਰੀਜ਼ਾਂ ਦੀ ਦੇਖਭਾਲ, ਹਸਪਤਾਲ ਦਾ ਵਾਤਾਵਰਨ, ਰਿਸਰਚ ਅਤੇ ਨਵੀਨਤਾ ਕਿੰਨੀ ਹੈ। ਚੰਡੀਗੜ੍ਹ ਪੀਜੀਆਈ ਵਿਚ ਪੰਜਾਬ ਅਤੇ ਹਰਿਆਣਾ ਹੀ ਨਹੀਂ ਬਲਕਿ ਹੋਰ ਗੁਆਂਢੀ ਸੂਬਿਆ ਦੇ ਮਰੀਜ਼ ਵੀ ਇਲਾਜ ਕਰਵਾਉਣ ਆਉਂਦੇ ਹਨ ਅਤੇ ਦੇਸ ‘ਚ ਦੂਜੇ ਨੰਬਰ ‘ਤੇ ਆਉਣ ਪੀਜੀਆਈ ਚੰਡੀਗੜ੍ਹ ਲਈ ਮਾਣ ਵਾਲੀ ਗੱਲ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
