ਇਸ ਨਾਲ ਜ਼ੁਕਾਮ, ਸਰਦੀ, ਬੁਖ਼ਾਰ, ਨੱਕ ਵਹਿਣਾ, ਅੱਖਾਂ ’ਚੋਂ ਪਾਣੀ ਵਹਿਣਾ, ਸਰੀਰ ਦਰਦ ਤੇ ਨਿਮੋਨੀਆ ਦੀ ਸ਼ਿਕਾਇਤ ਹੋ ਜਾਂਦੀ ਹੈ।
ਨਵੀ ਦਿੱਲੀ- ਕੋਰੋਨਾ ਮਹਾਂਮਾਰੀ ਦੇ ਵਿਚਕਾਰ ਹੁਣ ਦੇਸ਼ ਭਰ ਵਿਚ ਬਰਡ ਫਲੂ ਦਾ ਖ਼ਤਰਾ ਪੈਦਾ ਹੋ ਗਿਆ ਹੈ। ਰਾਜਸਥਾਨ, ਮੱਧ ਪ੍ਰਦੇਸ਼ ਵਿੱਚ ਦਸਤਕ ਦੇ ਬਾਅਦ ਹਿਮਾਚਲ ਪ੍ਰਦੇਸ਼ ਦੇ ਝਾਰਖੰਡ ਵਿੱਚ ਅਲਰਟ ਜਾਰੀ ਕੀਤਾ ਗਿਆ ਹੈ। ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ ਵਿੱਚ ਅਧਿਕਾਰੀਆਂ ਦੇ ਅੰਦਰ ਖੌਫ਼ ਪੈਂਦਾ ਹੋ ਗਿਆ ਹੈ। ਰਾਜ ਵਿਚ ਹੁਣ ਤਕ 245 ਕਾਂ ਮਰੇ ਹਨ, ਜਿਨ੍ਹਾਂ ਵਿਚ ਜਲਵਾੜ ਵਿਚ 100, ਕੋਟਾ ਵਿਚ 47, ਬਾਰਨ ਵਿਚ 72, ਪਾਲੀ ਵਿਚ 19 ਅਤੇ ਜੈਪੁਰ ਦੇ ਜਲਮਹਿਲ ਵਿਚ 10 ਸ਼ਾਮਲ ਹਨ।
ਕਾਵਾਂ ਦੀ ਮੌਤ ਕਾਰਨ ਹਰਕਤ ਵਿਚ ਆਈ ਪਸ਼ੂ ਪਾਲਣ ਵਿਭਾਗ ਦੀ ਕੋਟਾ ਡਿਵੀਜ਼ਨ ਦੀ ਟੀਮ ਝਲਵਾੜ ਨੂੰ ਜਾਂਚ ਲਈ ਪਹੁੰਚ ਗਈ ਹੈ। ਜਾਂਚ ਟੀਮ ਨੇ ਮੌਕੇ ‘ਤੇ ਪਹੁੰਚ ਕੇ ਪੂਰੇ ਖੇਤਰ ਨੂੰ ਸਾਨਿਟੀਜ਼ਰ ਵੀ ਕਰ ਦਿੱਤਾ। ਇਸ ਦੇ ਨਾਲ, ਸਾਰੇ ਮਰੇ ਹੋਏ ਕਾਵਾਂ ਨੂੰ ਵੀ ਪ੍ਰੋਟੋਕੋਲ ਅਨੁਸਾਰ ਸਾੜਿਆ ਗਿਆ, ਤਾਂ ਜੋ ਖੇਤਰ ਵਿਚ ਕੋਈ ਸੰਕਰਮਿਤ ਹੋਣ ਦਾ ਖ਼ਤਰਾ ਨਾ ਰਹੇ।
ਮੱਧ ਪ੍ਰਦੇਸ਼ ਦਾ ਹਾਲ
ਮੱਧ ਪ੍ਰਦੇਸ਼ ’ਚ ਮ੍ਰਿਤਕ ਪੰਛੀਆਂ ਦੇ ਸੈਂਪਲ ਭੋਪਾਲ ਦੀ ਇੱਕ ਲੈਬ ’ਚ ਭੇਜੇ ਗਏ ਹਨ। ਇੰਦੌਰ ’ਚ ਮਿਲੇ ਕਾਂਵਾਂ ’ਚ ਐਚ5ਐਨ8 ਵਾਇਰਸ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਇਹ ਵਾਇਰਸ ਬਹੁਤ ਘਾਤਕ ਹੁੰਦੇ ਹਨ ਤੇ ਤੇਜ਼ੀ ਨਾਲ ਫੈਲਦੇ ਹਨ। ਉੱਧਰ ਹਿਮਾਚਲ ਪ੍ਰਦੇਸ਼ ਦੇ ਪੌਂਗ ਬੰਨ੍ਹ ’ਚ ਇੱਕ ਹਜ਼ਾਰ ਤੋਂ ਵੀ ਜ਼ਿਆਦਾ ਪ੍ਰਵਾਸੀ ਪੰਛੀਆਂ ਦੇ ਮਰਨ ਦੀ ਖ਼ਬਰ ਆਈ ਹੈ। ਪਹਾੜੀ ਸੂਬਿਆਂ ਲਈ ਇਹ ਖ਼ਤਰੇ ਦੀ ਘੰਟੀ ਹੈ। ਪ੍ਰਵਾਸੀ ਪੰਛੀਆਂ ਦੀ ਮੌਤ ਪਿੱਛੇ ਵੀ ਬਰਡ ਫ਼ਲੂ ਦੱਸਿਆ ਜਾ ਰਿਹਾ ਹੈ।
ਕੀ ਹੈ ਇਹ ਬਿਮਾਰੀ
ਇਹ ਬਿਮਾਰੀ, ਜਿਸ ਨੂੰ ਬਰਡ ਫਲੂ ਵੀ ਕਿਹਾ ਜਾਂਦਾ ਹੈ, ਏਵੀਅਨ ਇਨਫਲੂਐਨਜ਼ਾ ਵਾਇਰਸ ਐਚ 5 ਐਨ 1 ਦੇ ਕਾਰਨ ਹੁੰਦਾ ਹੈ, ਜਿਸ ਵਿੱਚ ਪੰਛੀ ਮਾਰੇ ਜਾਂਦੇ ਹਨ। ਇਹ ਮਨੁੱਖਾਂ ਲਈ ਵੀ ਬਹੁਤ ਖਤਰਨਾਕ ਹੈ ਤੇ ਇਸ ਨਾਲ ਜਾਨ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਬਰਡ ਫਲੂ ਦੇ ਤਬਾਹੀ ਨੂੰ ਵੇਖਦਿਆਂ ਕੇਂਦਰ ਸਣੇ ਰਾਜ ਸਰਕਾਰਾਂ ਨੇ ਵੀ ਅਲਰਟ ਜਾਰੀ ਕਰ ਦਿੱਤਾ ਹੈ। ਇਸ ਨਾਲ ਜ਼ੁਕਾਮ, ਸਰਦੀ, ਬੁਖ਼ਾਰ, ਨੱਕ ਵਹਿਣਾ, ਅੱਖਾਂ ’ਚੋਂ ਪਾਣੀ ਵਹਿਣਾ, ਸਰੀਰ ਦਰਦ ਤੇ ਨਿਮੋਨੀਆ ਦੀ ਸ਼ਿਕਾਇਤ ਹੋ ਜਾਂਦੀ ਹੈ।
