ਪ੍ਰਦਰਸ਼ਨ ਨੂੰ ਸ਼ਾਂਤਮਈ ਢੰਗ ਨਾਲ ਹੀ ਲੜਨਾ ਤੇ ਜਿੱਤ ਯਕੀਨੀ ਹੈ
ਨਵੀਂ ਦਿੱਲੀ( ਹਰਦੀਪ ਸਿੰਘ ਭੋਗਲ) ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ।ਕਿਸਾਨਾਂ ਨੂੰ ਹਰ ਵਰਗ ਦੇ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ।
Sippy Gill and Hardeep Singh Bhogal
ਆਮ ਆਦਮੀ ਤੋਂ ਲੈ ਕੇ ਕਲਾਕਾਰਾਂ ਦਾ ਸਹਿਯੋਗ ਮਿਲ ਰਿਹਾ ਹੈ। ਸਪੋਕਸਮੈਨ ਦੇ ਪੱਤਰਕਾਰ ਵੱਲੋਂ ਪੰਜਾਬੀ ਕਲਾਕਾਰ ਸਿੱਪੀ ਗਿੱਲ ਨਾਲ ਗੱਲਬਾਤ ਕੀਤੀ ਗਈ। ਸਿੱਪੀ ਗਿੱਲ ਨੇ ਕਿਹਾ ਕਿ 26 ਤਾਰੀਕ ਨੂੰ ਉਹ ਇਥੇ ਸਨ ਤੇ ਸ਼ਾਮ ਨੂੰ ਵਾਪਸ ਪੰਜਾਬ ਚਲੇ ਗਏ ਸਨ ਤੇ ਟੀਵੀ ਤੇ ਖਬਰਾਂ ਵੇਖ ਕੇ ਮਨ ਉਦਾਸ ਹੋ ਗਿਆ ਸੀ ਕਿ ਆ ਕੀ ਹੋ ਗਿਆ ਪਰ ਮੈਂ ਅੱਜ ਵਾਪਸ ਆਇਆ ਤੇ ਵੇਖ ਕੇ ਮਨ ਖੁਸ਼ ਹੋ ਗਿਆ ਕੇ ਇਥੇ ਤਾਂ ਕਿਸਾਨ ਉਵੇਂ ਹੀ ਰਲ ਕੇ ਰਹਿ ਰਹੇ ਹਨ।
Sippy Gill and Hardeep Singh Bhogal
ਸਰਕਾਰ ਨੇ ਜਾਣ ਕੇ ਇੰਟਰਨੈੱਟ ਬੰਦ ਕਰ ਦਿੱਤਾ ਵੀ ਚੰਗੀਆਂ ਖਬਰਾਂ ਲੋਕਾਂ ਤੱਕ ਨਾ ਪਹੁੰਚ ਸਕਣ ਸਗੋਂ ਸਰਕਾਰ ਦੀਆ ਖਬਰਾਂ ਪਹੁੰਚਣ। ਤਿਰੰਗੇ ਦਾ ਲੋਕਾਂ ਨੇ ਕਦੇ ਵੀ ਅਪਮਾਨ ਨਹੀਂ ਕੀਤਾ ਨਾ ਕਦੇ ਕਰਨ ਦੀ ਸੋਚਣਗੇ। ਸਰਕਾਰ ਦਬਾਅ ਬਣਾਉਣ ਲਈ ਕਈ ਤਰ੍ਹਾਂ ਦੇ ਪੈਂਤਰੇ ਅਪਣਾ ਰਹੀ ਹੈ ਪਰ ਅਸੀਂ ਸ਼ਾਂਤੀਪੂਰਵਕ ਢੰਗ ਨਾਲ ਪ੍ਰਦਰਸ਼ਨ ਕਰਨਾ ਹੈ।
Sippy Gill and Hardeep Singh Bhogal
ਉਹਨਾਂ ਨੇ ਕਿਹਾ ਕਿ ਸਾਡੀ ਕੌਮ ਬਹੁਤ ਮਦਦਗਾਰ ਹੈ, ਜਦੋਂ ਨੌਜਵਾਨਾਂ ਨੂੰ ਪੁਲਿਸ ਨੇ ਚੁੱਕਿਆ ਤਾਂ ਵਕੀਲ ਮਦਦ ਲਈ ਅੱਗੇ ਆ ਗਏ ਸਨ ਵੀ ਅਸੀਂ ਉਹਨਾਂ ਦਾ ਫਰੀ ਵਿਚ ਕੇਸ ਲੜਾਂਗੇ। ਉਹਨਾਂ ਨੇ ਦੀਪ ਸਿੱਧੂ ਅਤੇ ਲੱਖੇ ਸਿਧਾਣੇ ਤੇ ਕੋਈ ਵੀ ਟਿੱਪਣੀ ਨਹੀਂ ਦਿੱਤੀ ਤੇ ਕਿਹਾ ਕਿ ਮੈਂ ਆਪਣੇ ਆਪ ਨੂੰ ਇੰਨਾ ਕਾਬਲ ਨਹੀਂ ਸਮਝਦਾ ਜੋ ਇਹਨਾਂ ਤੇ ਟਿੱਪਣੀ ਦੇਵਾਂ ਸਾਡਾ ਸਾਰਿਆਂ ਦਾ ਇਕ ਹੀ ਮਕਸਦ ਹੈ ਤਿੰਨੇ ਕਾਨੂੰਨ ਰੱਦ ਕਰਵਾਉਣੇ।
Sippy Gill and Hardeep Singh Bhogal
ਸਿੱਪੀ ਗਿੱਲ ਨੇ ਨੌਜਵਾਨਾਂ ਨੂੰ ਸੁਨੇਹਾ ਦਿੱਤਾ ਕਿ ਇਹ ਪ੍ਰਦਰਸ਼ਨ ਸ਼ਾਂਤਮਈ ਢੰਗ ਵਾਲਾ ਪ੍ਰਦਰਸ਼ਨ ਹੈ ਅਸੀਂ ਇਸਨੂੰ ਪ੍ਰਦਰਸ਼ਨ ਨੂੰ ਸ਼ਾਂਤਮਈ ਢੰਗ ਨਾਲ ਹੀ ਲੜੀਏ ਤੇ ਜਿੱਤ ਯਕੀਨੀ ਹੈ।
Sippy Gill and Hardeep Singh Bhogal
ਉਹਨਾਂ ਕਿਹਾ ਕਿ ਉਹਨਾਂ ਤੋਂ ਧਰਨੇ ਤੇ ਇਕ ਗਰਮ ਗੀਤ ਬਣ ਗਿਆ ਸੀ ਤੇ ਉਹਨਾਂ ਨੇ ਉਹ ਗੀਤ ਰੋਕ ਲਿਆ ਕਿਉਂਕਿ ਅਸੀਂ ਨਹੀਂ ਚਾਹੁੰਦੇ ਵੀ ਕੋਈ ਵੀ ਇਸ ਗੀਤ ਤੋ ਪ੍ਰਭਾਵਿਤ ਹੋ ਕੇ ਕਾਨੂੰਨ ਨੂੰ ਆਪਣੇ ਹੱਥ ਵਿਚ ਨਾ ਲਵੇ। ਇਸ ਲਈ ਅਸੀਂ ਇਸ ਗੀਤ ਨੂੰ ਰੋਕ ਲਿਆ। ਉਹਨਾਂ ਨੇ ਧਰਨੇ ਤੇ ਗਾਏ ਗੀਤ ਦੀਆਂ ਸਤਰਾਂ ਵੀ ਸੁਣਾਈਆਂ।
