Delhi News : ਦਾਇਰ ਅਪਰਾਧਕ ਮਾਮਲੇ ’ਚ ਇਕ ਵਿਅਕਤੀ ਨੂੰ ਕੀਤਾ ਬਰੀ
Delhi News in Punjabi : ਸੁਪਰੀਮ ਕੋਰਟ ਨੇ ਕਿਹਾ ਹੈ ਕਿ ਗ਼ਲਤ ਇਰਾਦੇ ਨਾਲ ਬੋਲੇ ਜਾਣ ਦੇ ਬਾਵਜੂਦ ਕਿਸੇ ਨੂੰ ‘ਮੀਆਂ-ਤੀਆਂ’ ਅਤੇ ‘ਪਾਕਿਸਤਾਨੀ’ ਵਰਗੇ ਸ਼ਬਦਾਂ ਦੀ ਵਰਤੋਂ ਕਰਨਾ ਧਾਰਮਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਬਰਾਬਰ ਨਹੀਂ ਹੈ। ਜਸਟਿਸ ਬੀ.ਵੀ. ਨਾਗਰਤਨਾ ਅਤੇ ਜਸਟਿਸ ਸਤੀਸ਼ ਚੰਦਰ ਸ਼ਰਮਾ ਦੀ ਬੈਂਚ ਨੇ ਝਾਰਖੰਡ ਦੇ ਚਾਸ ਸਥਿਤ ਸਬ-ਡਵੀਜ਼ਨਲ ਦਫ਼ਤਰ ’ਚ ਸੂਚਨਾ ਦੇ ਅਧਿਕਾਰ (ਆਰ.ਟੀ.ਆਈ.) ਐਕਟ ਤਹਿਤ ਉਰਦੂ ਅਨੁਵਾਦਕ ਅਤੇ ਕਾਰਜਕਾਰੀ ਕਲਰਕ ਵਲੋਂ ਦਾਇਰ ਅਪਰਾਧਕ ਮਾਮਲੇ ’ਚ ਇਕ ਵਿਅਕਤੀ ਨੂੰ ਬਰੀ ਕਰ ਦਿੱਤਾ।
ਅਦਾਲਤ ਦੇ 11 ਫ਼ਰਵਰੀ ਦੇ ਹੁਕਮ ’ਚ ਕਿਹਾ ਗਿਆ ਹੈ, ‘‘ਅਪੀਲਕਰਤਾ ’ਤੇ ਸੂਚਨਾ ਦੇਣ ਵਾਲੇ ਨੂੰ ‘ਮੀਆਂ-ਤੀਆਂ’ ਅਤੇ ‘ਪਾਕਿਸਤਾਨੀ’ ਕਹਿ ਕੇ ਉਸ ਦੀਆਂ ਧਾਰਮਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦਾ ਦੋਸ਼ ਹੈ। ਬੇਸ਼ਕ, ਇਹ ਗੱਲਾਂ ਗਲਤ ਇਰਾਦੇ ਨਾਲ ਕਹੀਆਂ ਗਈਆਂ ਹਨ। ਹਾਲਾਂਕਿ, ਇਹ ਸੂਚਨਾ ਦੇਣ ਵਾਲੇ ਦੀਆਂ ਧਾਰਮਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਬਰਾਬਰ ਨਹੀਂ ਹੈ। ਇਸ ਲਈ, ਸਾਡਾ ਵਿਚਾਰ ਹੈ ਕਿ ਅਪੀਲਕਰਤਾ ਨੂੰ ਭਾਰਤੀ ਦੰਡਾਵਲੀ (ਆਈ.ਪੀ.ਸੀ.) ਦੀ ਧਾਰਾ 298 ਦੇ ਤਹਿਤ ਵੀ ਬਰੀ ਕੀਤਾ ਜਾਣਾ ਚਾਹੀਦਾ ਹੈ।’’
(For more news apart from Calling someone 'miyan tiyan', 'Pakistani' is not crime hurting religious sentiments: Supreme Court News in Punjabi, stay tuned to Rozana Spokesman)
