ਤਰੁਣ ਚੁੱਘ ਦੀ ਅਗਵਾਈ 'ਚ ਸ਼ੈਲਰ ਉਦਯੋਗਪਤੀਆਂ ਨੇ ਪੀਯੂਸ਼ ਗੋਇਲ ਨਾਲ ਕੀਤੀ ਮੁਲਾਕਾਤ, ਸਮੱਸਿਆਵਾਂ ਹੱਲ ਕਰਨ ਦਾ ਮਿਲਿਆ ਭਰੋਸਾ
Published : Aug 4, 2022, 8:05 pm IST
Updated : Aug 4, 2022, 8:05 pm IST
SHARE ARTICLE
 Sheller industrialists led by Tarun Chugh met with Piyush Goyal
Sheller industrialists led by Tarun Chugh met with Piyush Goyal

ਐਸੋਸੀਏਸ਼ਨ ਦੇ ਸੀਨੀਅਰ ਆਗੂ ਬਾਲ ਕਿਸ਼ਨ ਬਾਲੀ, ਰਣਜੀਤ ਸਿੰਘ ਜੋਸਨ, ਹਰੀ ਓਮ ਮਿੱਤਲ, ਇੰਦਰਜੀਤ ਗਰਗ ਅਤੇ ਭਾਰਤੀ ਖੁਰਾਕ ਨਿਗਮ ਦੇ ਸੀਨੀਅਰ ਅਧਿਕਾਰੀ ਵੀ ਹਾਜ਼ਰ ਸਨ।

 

ਨਵੀਂ ਦਿੱਲੀ: ਪੰਜਾਬ ਰਾਈਸ ਇੰਡਸਟਰੀ ਐਸੋਸੀਏਸ਼ਨ ਦੇ ਪ੍ਰਧਾਨ ਭਾਰਤ ਭੂਸ਼ਣ ਬਿੰਟਾ ਦੀ ਅਗਵਾਈ ਹੇਠ ਪੰਜਾਬ ਰਾਈਸ ਇੰਡਸਟਰੀ ਐਸੋਸੀਏਸ਼ਨ ਦੇ ਵਫ਼ਦ ਨੇ ਵੀਰਵਾਰ ਨੂੰ ਖੁਰਾਕ, ਸਿਵਲ ਸਪਲਾਈ ਅਤੇ ਖਪਤਕਾਰ ਮਾਮਲੇ ਦੇ ਮੰਤਰੀ ਪੀਯੂਸ਼ ਗੋਇਲ ਨਾਲ ਮੁਲਾਕਾਤ ਕੀਤੀ। ਇਸ ਮੌਕੇ 'ਤੇ ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਜਨਰਲ ਸਕੱਤਰ ਤਰੁਣ ਚੁੱਘ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ।

ਇਸ ਤੋਂ ਇਲਾਵਾ ਐਸੋਸੀਏਸ਼ਨ ਦੇ ਸੀਨੀਅਰ ਆਗੂ ਬਾਲ ਕਿਸ਼ਨ ਬਾਲੀ, ਰਣਜੀਤ ਸਿੰਘ ਜੋਸਨ, ਹਰੀ ਓਮ ਮਿੱਤਲ, ਇੰਦਰਜੀਤ ਗਰਗ ਅਤੇ ਭਾਰਤੀ ਖੁਰਾਕ ਨਿਗਮ ਦੇ ਸੀਨੀਅਰ ਅਧਿਕਾਰੀ ਵੀ ਹਾਜ਼ਰ ਸਨ। ਇਸ ਮੌਕੇ ਜਥੇਬੰਦੀ ਨੇ ਐਫ.ਸੀ.ਆਈ. ਨੂੰ ਆ ਰਹੀਆਂ ਮੁਸ਼ਕਲਾਂ ਨੂੰ ਮੰਤਰੀ ਅੱਗੇ ਜ਼ੋਰਦਾਰ ਢੰਗ ਨਾਲ ਰੱਖਿਆ। ਬਿੰਟਾ ਨੇ ਫੋਰਟੀਫਾਈਡ ਚੌਲਾਂ ਦੀ ਟੈਂਡਰ ਪ੍ਰਕਿਰਿਆ ਨੂੰ ਖ਼ਤਮ ਕਰਨ, ਐਫਸੀਆਈ ਦੁਆਰਾ ਚੌਲਾਂ ਦੀ ਡਿਲਿਵਰੀ ਲਈ ਨਿਯਮਾਂ ਦਾ ਕੰਪਿਊਟਰੀਕਰਨ, ਪੰਜਾਬ ਦੇ ਸਾਰੇ ਜ਼ਿਲ੍ਹਿਆਂ ਵਿਚ ਜਗ੍ਹਾ ਦੀ ਬਰਾਬਰ ਵੰਡ, ਵਰਤੋਂ ਖਰਚੇ 7.32 ਰੁਪਏ ਤੋਂ ਵਧਾ ਕੇ 15 ਰੁਪਏ ਪ੍ਰਤੀ ਬੋਰੀ ਕਰਨ ਆਦਿ ਮੁੱਦੇ ਕੇਂਦਰੀ ਮੰਤਰੀ ਦੇ ਸਾਹਮਣੇ ਰੱਖੇ।   

ਬਿੰਟਾ ਨੇ ਦੱਸਿਆ ਕਿ ਦੋ ਸਾਲ ਪਹਿਲਾਂ ਭਾਰਤ ਸਰਕਾਰ ਨੇ ਜਨਤਕ ਵੰਡ ਪ੍ਰਣਾਲੀ ਤਹਿਤ ਫੋਰਟਫਾਈਡ ਚੌਲ ਵੰਡਣ ਦਾ ਫੈਸਲਾ ਕੀਤਾ ਸੀ, ਜਿਸ ਤਹਿਤ ਪੰਜਾਬ ਵਿਚ 40 ਫੀਸਦੀ ਫੋਰਟਫਾਈਡ ਚੌਲਾਂ ਦੀ ਅਦਾਇਗੀ ਕੇਂਦਰੀ ਪੁਲ ਵੱਲੋਂ ਕੀਤੀ ਜਾਂਦੀ ਸੀ ਪਰ ਇਹ ਪ੍ਰਕਿਰਿਆ ਪੂਰੀ ਨਾ ਹੋਣ ਕਾਰਨ ਸ਼ੈਲਰ ਸਨਅਤ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ।

ਇਨ੍ਹਾਂ ਸਮੱਸਿਆਵਾਂ ਦੇ ਹੱਲ ਲਈ ਕੇਂਦਰੀ ਮੰਤਰੀ ਨੇ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਕਿ ਸੂਬੇ ਦੀ ਟੈਂਡਰ ਪ੍ਰਕਿਰਿਆ ਨੂੰ ਖ਼ਤਮ ਕਰਨ ਤੋਂ ਬਾਅਦ ਮਿੱਲਰਾਂ ਨੂੰ ਖੁੱਲ੍ਹੀ ਮੰਡੀ ਤੋਂ ਫੋਰਟੀਫਾਈਡ ਖਰੀਦ ਕਰਨ ਲਈ ਕਿਹਾ ਗਿਆ ਹੈ।  ਐਫ.ਸੀ.ਆਈ. ਨੂੰ ਨਿਰਦੇਸ਼ ਦਿੱਤੇ ਕਿ ਉਹ ਚੌਲਾਂ ਦੀ ਡਿਲਿਵਰੀ ਲਈ ਮਾਪਦੰਡਾਂ ਨੂੰ ਕੰਪਿਊਟਰਾਈਜ਼ ਕਰਨ ਲਈ ਕੰਪਿਊਟਰਾਈਜ਼ਡ ਸਾਜ਼ੋ-ਸਾਮਾਨ ਦੀ ਖਰੀਦ ਲਈ ਟੈਂਡਰ ਜਾਰੀ ਕਰੇ ਅਤੇ ਆਉਣ ਵਾਲੀ ਫ਼ਸਲ ਦੀ ਖਰੀਦ ਤੋਂ ਪਹਿਲਾਂ ਸਾਰੇ ਜ਼ਿਲ੍ਹਿਆਂ ਵਿਚ ਕੰਪਿਊਟਰਾਈਜ਼ਡ ਲੈਬਾਂ ਸਥਾਪਤ ਕਰੇ। 

ਬਿੰਟਾ ਨੇ ਕਿਹਾ ਕਿ ਪੰਜਾਬ ਦੇ ਸਾਰੇ ਜ਼ਿਲ੍ਹਿਆਂ ਵਿਚ ਥਾਂ ਦੀ ਬਰਾਬਰ ਵੰਡ ਲਈ ਗੋਦਾਮਾਂ ਵਿਚ ਪਏ ਸਾਰੇ ਅਨਾਜ ਨੂੰ ਆਨਲਾਈਨ ਪੋਰਟਲ 'ਤੇ ਦਰਜ ਕੀਤਾ ਜਾਵੇ ਅਤੇ ਪੂਰਾ ਡਾਟਾ ਪਾਰਦਰਸ਼ੀ ਢੰਗ ਨਾਲ ਜਨਤਕ ਡੋਮੇਨ ਵਿਚ ਉਪਲਬਧ ਕਰਵਾਇਆ ਜਾਵੇ ਤਾਂ ਜੋ FCI ਦੇ ਸਟਾਫ ਦੀ ਕਿਸੇ ਵੀ ਤਰ੍ਹਾਂ ਦੀ ਮਨਮਾਨੀ ਨੂੰ ਰੋਕਿਆ ਜਾ ਸਕੇ।  ਯੂਜ਼ ਚਾਰਜ 7.32 ਰੁਪਏ ਤੋਂ ਵਧਾ ਕੇ 15 ਰੁਪਏ ਪ੍ਰਤੀ ਬੈਗ ਕਰਨ ਦੀ ਮੰਗ 'ਤੇ ਵਿਚਾਰ ਕਰਨ ਦਾ ਭਰੋਸਾ ਦਿੱਤਾ ਗਿਆ ਹੈ। 

ਬਿੰਟਾ ਨੇ ਦੱਸਿਆ ਕਿ ਅੱਜ ਦੀ ਮੀਟਿੰਗ ਬਹੁਤ ਹੀ ਵਧੀਆ ਮਾਹੌਲ ਵਿਚ ਹੋਈ। ਪੀਯੂਸ਼ ਗੋਇਲ ਨੇ ਇਹਨਾਂ ਸਾਰੇ ਮਾਮਲਿਆਂ ਨੂੰ ਪੂਰੇ ਧਿਆਨ ਨਾਲ ਸੁਣਿਆ ਅਤੇ ਐਸੋਸੀਏਸ਼ਨ ਨੂੰ ਭਰੋਸਾ ਦਿਵਾਇਆ ਕਿ ਤਰੁਣ ਚੁੱਘ ਪੰਜਾਬ ਦੀ ਇੰਡਸਟਰੀ ਨੂੰ ਦਰਪੇਸ਼ ਹਰ ਸਮੱਸਿਆ ਲਈ ਤੁਹਾਡੇ ਨਾਲ ਹਨ ਅਤੇ ਪੰਜਾਬ ਦੀ ਸ਼ੈਲਰ ਇੰਡਸਟਰੀ ਨਾਲ ਸਬੰਧਤ ਸਾਰੇ ਮਸਲੇ ਪਹਿਲ ਦੇ ਆਧਾਰ 'ਤੇ ਹੱਲ ਕੀਤੇ ਜਾਣਗੇ। ਰਾਈਸ ਮਿੱਲਰ ਐਸੋਸੀਏਸ਼ਨ ਦੇ ਵਫ਼ਦ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਕੇਂਦਰੀ ਮੰਤਰੀ ਪੀਯੂਸ਼ ਗੋਇਲ ਅਤੇ ਭਾਜਪਾ ਦੇ ਕੌਮੀ ਜਨਰਲ ਸਕੱਤਰ ਤਰੁਣ ਚੁੱਘ ਦਾ ਹਮੇਸ਼ਾ ਰਾਈਸ ਐਸੋਸੀਏਸ਼ਨ ਦਾ ਸਮਰਥਨ ਕਰਨ ਲਈ ਧੰਨਵਾਦ ਕੀਤਾ।

SHARE ARTICLE

ਏਜੰਸੀ

Advertisement
Advertisement

Congress Protest Hungama | ਖੱਟਰ ਦੇ ਘਰ ਅੱਗੇ ਪਹੁੰਚ ਕੇ ਮੁੰਡੇ ਨੇ ਮਾਰਿਆ ਲਲਕਾਰਾ, ਪੁਲਿਸ ਨੇ ਘੜੀਸ ਸੁੱਟੇ ਮੁੰਡੇ

20 Feb 2024 3:22 PM

Farmers Protest ਨੂੰ ਲੈ ਕੇ Maninderjeet Singh Bitta ਦਾ ਵੱਡਾ ਬਿਆਨ- 'PM ਮੋਦੀ ਨੂੰ ਧਮਕੀਆਂ ਦਿਓਗੇ ਤਾਂ....

20 Feb 2024 3:09 PM

Water cannon ਵਾਲੇ Navdeep Jalbera ਦਾ ਘਰ ਢਹਾਉਣ ਨੂੰ ਤਿਆਰ Haryana ਸਰਕਾਰ! Interview ਦੌਰਾਨ ਖੁਦ ਦੱਸਿਆ

20 Feb 2024 2:59 PM

'Kisana ਲਈ ਕੇਂਦਰ ਸਰਕਾਰ ਦਾ ਦਿਲ ਬਹੁਤ ਛੋਟਾ', 'ਦੇਸ਼ 'ਚ ਹਰ ਰੋਜ਼ 5 Kisan ਕਰਦੇ ਖੁਦ+ਕੁਸ਼ੀਆਂ'

20 Feb 2024 2:49 PM

Amritpal ਕੋਲ Dibrugarh Jail 'ਚ ਕਿਵੇਂ ਪਹੁੰਚਿਆ ਸਾਮਾਨ, ਕੀ ਬਣਿਆ ਉਸਦਾ ਅਸ਼*ਲੀਲ ਵੀਡਿਓ, ਵਕੀਲ ਨੇ ਖੋਲ੍ਹੇ ਭੇਤ !

20 Feb 2024 12:42 PM
Advertisement