Delhi News : ਦੋਸ਼ ਹੈ ਕਿ ਖੇੜਾ ਦੀ ਪਤਨੀ ਦਾ ਨਾਮ ਇਕ ਤੋਂ ਵੱਧ ਹਲਕਿਆਂ ਦੀ ਵੋਟਰ ਸੂਚੀ ਵਿਚ ਹੈ, ਜਿਨ੍ਹਾਂ ਵਿਚ ਤੇਲੰਗਾਨਾ ਦਾ ਇਕ ਹਲਕਾ ਵੀ ਸ਼ਾਮਲ ਹੈ।
Delhi News in Punjabi : ਦਿੱਲੀ ਦੇ ਚੋਣ ਅਧਿਕਾਰੀਆਂ ਨੇ ਵੀਰਵਾਰ ਨੂੰ ਕਾਂਗਰਸ ਨੇਤਾ ਪਵਨ ਖੇੜਾ ਦੀ ਪਤਨੀ ਕੋਟਾ ਨੀਲਿਮਾ ਨੂੰ ਨੋਟਿਸ ਜਾਰੀ ਕੀਤਾ। ਦੋਸ਼ ਹੈ ਕਿ ਖੇੜਾ ਦੀ ਪਤਨੀ ਦਾ ਨਾਮ ਇਕ ਤੋਂ ਵੱਧ ਹਲਕਿਆਂ ਦੀ ਵੋਟਰ ਸੂਚੀ ਵਿਚ ਹੈ, ਜਿਨ੍ਹਾਂ ਵਿਚ ਤੇਲੰਗਾਨਾ ਦਾ ਇਕ ਹਲਕਾ ਵੀ ਸ਼ਾਮਲ ਹੈ। ਤੇਲੰਗਾਨਾ ਕਾਂਗਰਸ ਨੇਤਾ ਨੀਲਿਮਾ ਜਾਂ ਉਸਦੇ ਪਤੀ ਵਲੋਂ ਇਸ ਨੋਟਿਸ ਦਾ ਇਸ ਸਮੇਂ ਕੋਈ ਜਵਾਬ ਨਹੀਂ ਆਇਆ।
ਨਵੀਂ ਦਿੱਲੀ ਵਿਧਾਨ ਸਭਾ ਹਲਕੇ ਦੇ ਚੋਣ ਰਜਿਸਟਰੇਸ਼ਨ ਅਧਿਕਾਰੀ ਨੇ ਨੀਲਿਮਾ ਨੂੰ ‘ਐਕਸ’ ’ਤੇ ਜਾਰੀ ਕੀਤੇ ਗਏ ਨੋਟਿਸ ਦੀ ਇਕ ਕਾਪੀ ਸਾਂਝੀ ਕੀਤੀ। ਖੇੜਾ ਨੂੰ ਨਵੀਂ ਦਿੱਲੀ ਅਤੇ ਜੰਗਪੁਰਾ ਵਿਧਾਨ ਸਭਾ ਹਲਕਿਆਂ ਵਿਚ ਵੋਟਰ ਵਜੋਂ ਰਜਿਸਟਰਡ ਹੋਣ ਕਾਰਨ ਮੰਗਲਵਾਰ ਨੂੰ ਨੋਟਿਸ ਜਾਰੀ ਕੀਤਾ ਗਿਆ ਸੀ। ਖੇੜਾ ਦੀ ਪਤਨੀ ਨੂੰ ਭੇਜੇ ਗਏ ਨੋਟਿਸ ਵਿਚ ਕਿਹਾ ਗਿਆ ਹੈ ਕਿ ਉਹ ਨਵੀਂ ਦਿੱਲੀ ਹਲਕੇ ਅਤੇ ਤੇਲੰਗਾਨਾ ਦੇ ਖੈਰਾਬਾਦ ਵਿਚ ਵੋਟਰ ਵਜੋਂ ਰਜਿਸਟਰਡ ਹੈ। ਉਸਨੂੰ ਨੋਟਿਸ ਦਾ ਜਵਾਬ ਦੇਣ ਲਈ 10 ਸਤੰਬਰ ਨੂੰ ਸਵੇਰੇ 11 ਵਜੇ ਤਕ ਦਾ ਸਮਾਂ ਦਿਤਾ ਗਿਆ ਹੈ।
(For more news apart from Election Commission issues notice as Pawan Khera's wife's name is in two constituencies News in Punjabi, stay tuned to Rozana Spokesman)
