ਹਾਦਸੇ ਦੀ ਜਾਂਚ ਲਈ ਬੋਰਡ ਆਫ ਇਨਕੁਆਇਰੀ ਦਾ ਗਠਨ
ਨਵੀਂ ਦਿੱਲੀ: ਐਤਵਾਰ ਸਵੇਰੇ ਕੇਰਲ ਦੇ ਕੋਚੀ ਵਿਚ ਨਿਯਮਿਤ ਉਡਾਣ ਦੌਰਾਨ ਇਕ ਗਲਾਈਡਰ ਦੇ ਹਾਦਸਾਗ੍ਰਸਣ ਹੋਣ ਕਾਰਨ ਇੰਡੀਅਨ ਨੇਵੀ ਦੇ ਦੋ ਅਫ਼ਸਰਾਂ ਦੀ ਮੌਤ ਹੋਣ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਦਰਅਸਲ ਇਹ ਗਲਾਈਡਰ ਟ੍ਰੇਨਿੰਗ ਲਈ ਉਡਿਆ ਸੀ, ਜੋ ਕਿ ਐਤਵਾਰ ਨੂੰ ਹਾਦਸੇ ਦਾ ਸ਼ਿਕਾਰ ਹੋ ਗਿਆ।
Glider crashes during training session in Kochi
ਹਾਦਸੇ ਦੌਰਾਨ ਗਲਾਈਡਰ ਵਿਚ ਇੰਡੀਅਨ ਨੇਵੀ ਦੇ ਦੋ ਅਫ਼ਸਰ ਸਵਾਰ ਸਨ, ਦੋਵਾਂ ਦੀ ਹਾਦਸੇ ਦੌਰਾਨ ਮੌਤ ਹੋ ਗਈ ਹੈ। ਹਾਦਸੇ ਦੀ ਜਾਂਚ ਲਈ ਬੋਰਡ ਆਫ ਇਨਕੁਆਇਰੀ ਗਠਿਤ ਕੀਤੀ ਗਈ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਇੰਡੀਅਨ ਨੇਵੀ ਦੇ ਗਲਾਈਡਰ ਨੇ ਨਿਯਮਿਤ ਅਭਿਆਸ ਦੌਰਾਨ ਆਈਐਨਐਸ ਗਰੂੜ ਤੋਂ ਉਡਾਨ ਭਰੀ ਸੀ।
Glider crashes during training session in Kochi
ਗਲਾਈਡਰ ਸਵੇਰੇ ਕਰੀਬ ਸੱਤ ਵਜੇ ਜਲ ਸੈਨਾ ਬੇਸ ਦੇ ਨੇੜੇ ਪੁਲ ਕੋਲ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਇਸ ਗਲਾਈਡਰ ਵਿਚ ਲੈਫਟੀਨੈਂਟ ਰਾਜੀਵ ਝਾਅ ਸੁਨੀਲ ਕੁਮਾਰ ਸਵਾਰ ਸਨ। ਉਹਨਾਂ ਨੂੰ ਤੁਰੰਤ ਆਈਐਨਐਚਐਸ ਸੰਜੀਵਨੀ ਸ਼ਿਫਟ ਕੀਤਾ ਗਿਆ ਸੀ ਪਰ ਉਹਨਾਂ ਨੂੰ ਉੱਥੇ ਮ੍ਰਿਤਕ ਐਲਾਨ ਦਿੱਤਾ ਗਿਆ।
Glider crashes during training session in Kochi
ਦੱਖਣੀ ਨੇਵਲ ਕਮਾਂਡ ਨੇ ਇਸ ਹਾਦਸੇ ਵਿਚ ਬੋਰਡ ਆਫ ਇਨਕੁਆਇਰੀ ਦੇ ਗਠਨ ਦਾ ਆਦੇਸ਼ ਦਿੱਤਾ ਹੈ। ਰੱਖਿਆ ਬੁਲਾਰੇ ਨੇ ਦੱਸਿਆ ਕਿ ਐਤਵਾਰ ਸਵੇਰੇ ਹੋਏ ਇਸ ਹਾਦਸੇ ਵਿਚ ਅਸੀਂ ਦੋ ਬਹਾਦਰ ਜਵਾਨਾਂ ਨੂੰ ਖੋ ਦਿੱਤਾ ਹੈ। ਉਹਨਾਂ ਕਿਹਾ ਕਿ ਇਸ ਦੌਰਾਨ ਨੇਵਲ ਪਾਵਰ ਗਲਾਈਡਰ ਇਕ ਨਿਯਮਤ ਅਭਿਆਸ 'ਤੇ ਸੀ।
