ਕੋਰੋਨਾ ਨਾਲ ਸੱਭ ਤੋਂ ਜ਼ਿਆਦਾ ਮੌਤਾਂ ਵਾਲਾ ਤੀਜਾ ਦੇਸ਼ ਬਣਿਆ ਭਾਰਤ
ਨਵੀਂ ਦਿੱਲੀ: ਭਾਰਤ ਵਿਚ ਕੋਵਿਡ 19 ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਵੀਰਵਾਰ ਨੂੰ ਪੰਜ ਲੱਖ ਦੇ ਅੰਕੜੇ ਨੂੰ ਪਾਰ ਕਰ ਗਈ। ਇਸ ਨਾਲ ਹੀ ਭਾਰਤ ਸੱਭ ਤੋਂ ਵੱਧ ਮੌਤਾਂ ਦੇ ਮਾਮਲੇ ’ਚ ਅਮਰੀਕਾ ਅਤੇ ਬ੍ਰਾਜ਼ੀਲ ਦੇ ਬਾਅਦ ਤੀਜਾ ਦੇਸ਼ ਬਣ ਗਿਆ। ਕੇਂਦਰੀ ਸਿਹਤ ਮੰਤਰਾਲਾ ਵਲੋਂ ਸਵੇਰੇ ਅੱਠ ਵਜੇ ਜਾਰੀ ਨਵੇਂ ਅਕੰੜਿਆਂ ਮੁਤਾਬਕ, ਦੇਸ਼ ’ਚ ਕੋਵਿਡ ਮੌਤਾਂ ਦਾ ਅੰਕੜਾ 5,00,055 ’ਤੇ ਪਹੁੰਚ ਗਿਆ।
Corona Virus
ਦੇਸ਼ ਵਿਚ ਕੋਰੋਨਾ ਨਾਲ ਮੌਤਾਂ ਦੀ ਗਿਣਤੀ ਚਾਰ ਲੱਖ ਤੋਂ ਵੱਧ ਕੇ ਪੰਜ ਲੱਖ ਹੋਣ ’ਚ 217 ਦਿਨ ਲੱਗੇ। ਬੀਤੇ ਸਾਲ ਇਕ ਜੁਲਾਈ ਨੂੰ ਮੌਤਾਂ ਦਾ ਅੰਕੜਾ ਚਾਰ ਲੱਖ ਸੀ। ਅਮਰੀਕਾ ’ਚ ਸੱਭ ਤੋਂ ਵੱਧ 9.2 ਲੱਖ ਮਰੀਜ਼ਾਂ ਦੀ ਮੌਤ ਕੋਰੋਨਾ ਕਾਰਨ ਹੋਈ ਜਦਕਿ 6.3 ਲੱਖ ਮੌਤਾਂ ਨਾਲ ਬ੍ਰਾਜ਼ੀਲ ਦੂਜੇ ਸਥਾਨ ’ਤੇ ਹੈ।
CORONA VIRUS
ਦੇਸ਼ ’ਚ ਕੋਰੋਨਾ ਦੇ 1.27 ਲੱਖ ਨਵੇਂ ਮਾਮਲੇ ਆਏ, 1059 ਮੌਤਾਂ
ਦੇਸ਼ ’ਚ ਪਿਛਲੇ 24 ਘੰਟਿਆਂ ’ਚ ਕੋਰੋਨਾ ਦੇ 1,49,349 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਸ ਦੇ ਨਾਲ ਹੀ ਦੇਸ਼ ’ਚ ਕੋਰੋਨਾ ਰੋਗੀਆਂ ਦੀ ਗਿਣਤੀ 14,35,569 ਹੋ ਗਈ ਹੈ। ਇਹ ਲਾਗ ਮਾਮਲਿਆਂ ਦਾ 3.42 ਫ਼ੀ ਸਦੀ ਹੈ। ਦੇਸ਼ ’ਚ ਇਲਾਜ ਅਧੀਨ ਮਰੀਜ਼ਾਂ ਦੀ ਗਿਣਤੀ ਘੱਟ ਕੇ 14,35,569 ਹੋ ਗਈ ਹੈ।
Corona Virus
ਪਿਛਲੇ 24 ਘੰਟਿਆਂ ’ਚ 1,072 ਹੋਰ ਲੋਕਾਂ ਦੀ ਇਸ ਕੋਰੋਨਾ ਨਾਲ ਮੌਤ ਹੋਣ ਤੋਂ ਬਾਅਦ ਮਿ੍ਰਤਕਾਂ ਦੀ ਗਿਣਤੀ ਵੱਧ ਕੇ 5,00,055 ਹੋ ਗਈ ਹੈ। ਰੋਜ਼ਾਨਾ ਲਾਗ ਦਰ 9.27 ਫ਼ੀ ਸਦੀ ਹੋ ਗਈ ਹੈ। ਕੇਂਦਰੀ ਸਿਹਤ ਅਤੇ ਪ੍ਰਵਾਰ ਕਲਿਆਣ ਮੰਤਰਾਲਾ ਨੇ ਦਸਿਆ ਕਿ ਇਸੇ ਮਿਆਦ ’ਚ 2,46,674 ਲੋਕ ਕੋਰੋਨਾ ਤੋਂ ਠੀਕ ਹੋ ਗਏ ਹਨ। ਹੁਣ ਤਕ ਕੁਲ 4 ਕਰੋੜ ਇਕ ਲੱਖ 7 ਹਜ਼ਾਰ 414 ਲੋਕ ਕੋਰੋਨਾ ਤੋਂ ਠੀਕ ਹੋਏ ਹਨ।
