ਉਤਰ ਪਦੇਸ਼ ਦੇ ਮਹੋਬਾ ਜ਼ਿਲ੍ਹੇ ਦੇ ਖੰਨਾ ਥਾਣਾ ਖੇਤਰ ਦੇ ਗਯੋੜੀ ਪਿੰਡ ਦੇ ਸਾਬਕਾ ਪ੍ਰਧਾਨ ਦੇ ਘਰ ਮਜਦੂਰੀ ਕਰਨ ਗਈ ਇਕ ਦਲਿਤ ਮਹਿਲਾ ਦਾ ਕੁਹਾੜੀ ਮਾਰ ਕੇ ਕਤਲ ਕਰ...
ਬਾਂਦਾ, 5 ਮਈ : ਉਤਰ ਪਦੇਸ਼ ਦੇ ਮਹੋਬਾ ਜ਼ਿਲ੍ਹੇ ਦੇ ਖੰਨਾ ਥਾਣਾ ਖੇਤਰ ਦੇ ਗਯੋੜੀ ਪਿੰਡ ਦੇ ਸਾਬਕਾ ਪ੍ਰਧਾਨ ਦੇ ਘਰ ਮਜਦੂਰੀ ਕਰਨ ਗਈ ਇਕ ਦਲਿਤ ਮਹਿਲਾ ਦਾ ਕੁਹਾੜੀ ਮਾਰ ਕੇ ਕਤਲ ਕਰ ਦਿਤਾ ਗਿਆ। ਪੁਲਿਸ ਅਧਿਕਾਰੀ ਐਨ. ਕੋਲਾਂਚੀ ਨੇ ਦਸਿਆ ਕਿ ‘ਦਲਿਤ ਮਹਿਲਾ ਗਿਰਿਜਾ (35) ਅਪਣੇ ਪਤੀ ਨਾਲ ਸਾਬਕਾ ਪ੍ਰਧਾਨ ਬਲਰਾਮ ਦਾਦੀ ਦੇ ਡੰਗਰਾਂ ਦੇ ਬਾੜੇ ਵਿਚ ਮਜਦੂਰੀ ਕਰਨ ਗਈ ਸੀ।
ਉਨ੍ਹਾਂ ਦਸਿਆ ਕਿ ਉਸ ਦਾ ਪਤੀ ਰਾਮ ਗੁਲਾਬ, ਸਾਬਕਾ ਪ੍ਰਧਾਨ ਦੇ ਡੰਗਰਾਂ ਦੇ ਬਾੜੇ ਤੋਂ ਗੋਬਰ ਦੀ ਖਾਦ ਟਰੈਕਟਰ ਵਿਚ ਭਰ ਕੇ ਟਰੈਕਟਰ ਚਾਲਕ ਸੀਤਾਰਾਮ ਦੇ ਨਾਲ ਖੇਤ ਚਲਾ ਗਿਆ ਅਤੇ ਮਹਿਲਾ ਉਥੇ ਹੀ ਰੁਕੀ ਰਹੀ। ਇਸ ਦੌਰਾਨ ਹਮਲਾਵਰ ਨੇ ਕੁਹਾੜੀ ਮਾਰ ਕੇ ਉਸ ਦਾ ਕਤਲ ਕਰ ਦਿਤਾ ਤੇ ਫ਼ਰਾਰ ਹੋ ਗਏ। ਅਧਿਕਾਰੀ ਨੇ ਦਸਿਆ ਕਿ ਹਮਲਾਵਰ ਖੂਨ ਨਾਲ ਲਿਬੜੀ ਕੁਹਾੜੀ ਲਾਸ਼ ਦੇ ਹੀ ਕੋਲ ਸੁੱਟ ਗਿਆ ਸੀ, ਜਿਸ ਨੂੰ ਬਰਾਮਦ ਕਰ ਲਿਆ ਗਿਆ ਹੈ।
ਇਸ ਸਬੰਧ ਵਿਚ ਅਣਪਛਾਤੇ ਹਮਲਵਾਰ ਵਿਰੁਧ ਕਤਲ ਦਾ ਮਾਮਲਾ ਦਰਜ ਕਰ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿਤਾ ਗਿਆ ਹੈ। ਐਸਪੀ ਨੇ ਦਸਿਆ ਕਿ ਕਤਲ ਦੀ ਵਜ੍ਹਾ ਦਾ ਅਜੇ ਪਤਾ ਨਹੀਂ ਚਲਿਆ ਹੈ, ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।