ਗੁਜਰਾਤ : ਦਲਿਤ ਵਲੋਂ ਗੇਂਦ ਚੁੱਕਣ ’ਤੇ ਹੋਇਆ ਝਗੜਾ

By : BIKRAM

Published : Jun 5, 2023, 8:17 pm IST
Updated : Jun 5, 2023, 8:17 pm IST
SHARE ARTICLE
Case of atrocities against Dalit was registered.
Case of atrocities against Dalit was registered.

ਕਥਿਤ ਉੱਚੀ ਜਾਤ ਵਾਲੇ ਚਾਚੇ ਦਾ ਅੰਗੂਠਾ ਕੱਟ ਕੇ ਹੋਏ ਫ਼ਰਾਰ

ਪਾਟਨ (ਗੁਜਰਾਤ), 5 ਜੂਨ: ਗੁਜਰਾਤ ਦੇ ਪਾਟਨ ਜ਼ਿਲ੍ਹੇ ’ਚ ਸਕੂਲ ਦੇ ਖੇਤ ਦੇ ਮੈਦਾਨ ਦੇ ਮੈਚ ਦੌਰਾਨ ਇਕ ਦਲਿਤ ਵਿਅਕਤੀ ਦੇ ਭਤੀਜੇ ਵਲੋਂ ਕ੍ਰਿਕੇਟ ਦੀ ਗੇਂਦ ਚੁੱਕਣ ’ਤੇ ਲੋਕਾਂ ਦੇ ਇਕ ਸਮੂਹ ਨੇ ਕਥਿਤ ਤੌਰ ’ਤੇ ਉਸ ’ਤੇ ਹਮਲਾ ਕਰ ਦਿਤਾ ਅਤੇ ਉਸ ਦਾ ਅੰਗੂਠਾ ਕੱਟ ਦਿਤਾ। 

ਪੁਲਿਸ ਦੇ ਇਕ ਅਧਿਕਾਰੀ ਨੇ ਦਸਿਆ ਕਿ ਇਹ ਘਟਨਾ ਐਤਵਾਰ ਨੂੰ ਜ਼ਿਲ੍ਹੇ ਦੇ ਕਾਕੋਸ਼ੀ ਪਿੰਡ ’ਚ ਵਾਪਰੀ। ਐਫ਼.ਆਈ.ਆਰ. ਅਨੁਸਾਰ ਮੁਲਜ਼ਮ ਨੇ ਗੁੱਸੇ ਉਸ ਮੁੰਡੇ ਨੂੰ ਧਮਕੀ ਦਿਤੀ, ਜਿਸ ਨੇ ਪਿੰਡ ਦੇ ਇਕ ਸਕੂਲ ਦੇ ਖੇਡ ਦੇ ਮੈਦਾਨ ’ਚ ਕ੍ਰਿਕੇਟ ਮੈਚ ਵੇਖਣ ਦੌਰਾਨ ਗੇਂਦ ਚੁੱਕੀ ਸੀ। 

ਅਧਿਕਾਰੀ ਨੇ ਦਸਿਆ ਕਿ ਮੁਲਜ਼ਮਾਂ ਨੇ ਦਲਿਤਾਂ ਦੀ ਬੇਇੱਜ਼ਤੀ ਕਰਨ ਅਤੇ ਉਨ੍ਹਾਂ ਨੂੰ ਧਮਕਾਉਣ ਦੇ ਇਰਾਦੇ ਨਾਲ ਕਥਿਤ ਤੌਰ ’ਤੇ ਜਾਤੀਵਾਦੀ ਟਿਪਣੀਆਂ ਵੀ ਕੀਤੀਆਂ। ਉਨ੍ਹਾਂ ਦਸਿਆ ਕਿ ਜਦੋਂ ਮੁੰਡੇ ਦੇ ਚਾਚਾ ਧੀਰਜ ਪਰਮਾਰ ਨੇ ਇਸ ’ਤੇ ਇਤਰਾਜ਼ ਪ੍ਰਗਟਾਇਆ ਤਾਂ ਕੁਝ ਸਮੇਂ ਤਕ ਮਾਮਲਾ ਸ਼ਾਂਤ ਰਿਹਾ। 

ਹਾਲਾਂਕਿ ਬਾਅਦ ’ਚ ਸ਼ਾਮ ਨੂੰ ਧਾਰਦਾਰ ਹਥਿਆਰਾਂ ਨਾਲ ਲੈਸ 7 ਵਿਅਕਤੀਆਂ ਨੇ ਸ਼ਿਕਾਇਤਕਰਤਾ ਧੀਰਜ ਅਤੇ ਉਸ ਦੇ ਭਰਾ ਕੀਰਤੀ ’ਤੇ ਹਮਲਾ ਕੀਤਾ। ਉਨ੍ਹਾਂ ਨੇ ਦਸਿਆ ਕਿ ਇਕ ਮੁਲਜ਼ਮ ਨੇ ਕੀਰਤੀ ਦਾ ਅੰਗੂਠਾ ਕੱਟ ਦਿਤਾ ਅਤੇ ਉਸ ਨੂੰ ਗੰਭੀਰ ਰੂਪ ’ਚ ਜ਼ਖ਼ਮੀ ਕਰ ਦਿਤਾ। ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਮੁਲਜ਼ਮਾਂ ਨੂੰ ਫੜਨ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ। 

ਜ਼ਿਕਰਯੋਗ ਹੈ ਕਿ ਬੀਤੀ 2 ਜੂਨ ਨੂੰ ਵੀ ਅਜਿਹਾ ਮਾਮਲਾ ਸਾਹਮਣੇ ਆਇਆ ਸੀ ਜਿਸ ’ਚ ਗੁਜਰਾਤ ਦੇ ਬਨਾਸਕਾਂਠਾ ਜ਼ਿਲ੍ਹੇ ਦੇ ਇੱਕ ਪਿੰਡ ਵਿਚ ਚੰਗੇ ਕੱਪੜੇ ਅਤੇ ਐਨਕਾਂ ਪਹਿਨੇ ਇੱਕ ਦਲਿਤ ਵਿਅਕਤੀ ਨੇ ਕੁਝ ਉੱਚ ਜਾਤੀ ਦੇ ਲੋਕਾਂ ਨੂੰ ਗੁੱਸੇ ਵਿਚ ਲਿਆ, ਜਿਨ੍ਹਾਂ ਨੇ ਕਥਿਤ ਤੌਰ 'ਤੇ ਉਸ ਅਤੇ ਉਸਦੀ ਮਾਂ 'ਤੇ ਹਮਲਾ ਕਰ ਦਿਤਾ।

SHARE ARTICLE

ਏਜੰਸੀ

Advertisement

Chandigarh police slapped a Sikh youth | Police remove Sikh turban | Chandigarh police Latest News

12 Jul 2025 5:52 PM

Batala Conductor Woman Clash : Batala 'ਚ Conductor ਨਾਲ਼ ਤੂੰ ਤੂੰ ਮੈਂ ਮੈਂ ਮਗਰੋਂ ਔਰਤ ਹੋਈ ਬੇਹੋਸ਼

12 Jul 2025 5:52 PM

Harpal Cheema VS Partap Bajwa : ਪ੍ਰਤਾਪ ਬਾਜਵਾ ਤੇ ਹਰਪਾਲ ਚੀਮਾ ਦੀ ਹੋ ਗਈ ਬਹਿਸ ਤੁਸੀ ਗੈਂਗਸਟਰ ਪਾਲੇ ਆ

11 Jul 2025 12:17 PM

Punjab Vidhan Sabha Session live : ਅਮਨ ਅਰੋੜਾ ਤੇ ਬਾਜਵਾ ਦੀ ਬਹਿਸ ਮਗਰੋਂ CM ਮਾਨ ਹੋ ਗਏ ਖੜ੍ਹੇ

11 Jul 2025 12:15 PM

Abohar Tailor Murder Case Sanjay Verma, photo of Sandeep Jakhar with the accused in the Abohar case

10 Jul 2025 9:04 PM
Advertisement