ਪਤੀ ਤੋਂ ਚੋਰੀ ਪਤਨੀ ਨੇ ਬੱਚੀ ਦਾ ਕੀਤਾ ਸੌਦਾ
ਉੜੀਸਾ : ਉੜੀਸਾ ਦੇ ਮਯੂਰਭੰਜ ਜ਼ਿਲ੍ਹੇ ਵਿਚ ਇੱਕ ਆਦਿਵਾਸੀ ਔਰਤ ਨੇ ਆਪਣੀ ਅੱਠ ਮਹੀਨੇ ਦੀ ਧੀ ਨੂੰ 800 ਰੁਪਏ ਵਿਚ ਵੇਚ ਦਿਤਾ। ਔਰਤ ਦੀ ਪਛਾਣ ਕਰਾਮੀ ਮੁਰਮੂ ਵਜੋਂ ਹੋਈ ਹੈ। ਉਸ ਦੀ ਪਹਿਲਾਂ ਹੀ ਇੱਕ ਧੀ ਸੀ। ਉਹ ਦੂਜੀ ਬੱਚੀ ਦੇ ਜਨਮ ਤੋਂ ਖੁਸ਼ ਨਹੀਂ ਸੀ।
ਔਰਤ ਨੇ ਆਪਣੇ ਪਤੀ ਤੋਂ ਛੁਪਾ ਕੇ ਬੇਟੀ ਦਾ ਸੌਦਾ ਕੀਤਾ। ਇਸ ਬਾਰੇ ਜਦੋਂ ਪਤੀ ਨੂੰ ਪਤਾ ਲੱਗਾ ਤਾਂ ਉਸ ਨੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ। ਪੁਲਿਸ ਨੇ ਮਾਂ ਸਮੇਤ ਤਿੰਨ ਲੋਕਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਇਹ ਆਦਿਵਾਸੀ ਜੋੜਾ ਬਿਪ੍ਰਚਰਨਪੁਰ ਪਿੰਡ ਵਿਚ ਰਹਿੰਦਾ ਹੈ। ਘਰ ਦੀ ਆਰਥਿਕ ਹਾਲਤ ਠੀਕ ਨਹੀਂ ਹੈ। ਜਦੋਂ ਔਰਤ ਦੀ ਦੂਜੀ ਧੀ ਹੋਈ। ਇਸ ਲਈ ਉਸ ਨੂੰ ਚਿੰਤਾ ਹੋਣ ਲੱਗੀ। ਉਸ ਨੇ ਗੁਆਂਢੀ ਨੂੰ ਦੱਸਿਆ ਕਿ ਉਹ ਬੱਚੇ ਨੂੰ ਪਾਲਣ ਦੇ ਯੋਗ ਨਹੀਂ ਹੈ।
ਗੁਆਂਢੀ ਦਲਾਲੀ ਦਾ ਕੰਮ ਕਰਦਾ ਹੈ। ਉਸ ਨੇ ਬੱਚੀ ਲਈ ਖਰੀਦਦਾਰ ਲੱਭ ਲਿਆ। ਜਦੋਂ ਸੌਦਾ ਤੈਅ ਹੋ ਗਿਆ ਤਾਂ ਕਰਾਮੀ ਨੇ ਆਪਣੀ ਅੱਠ ਮਹੀਨੇ ਦੀ ਬੇਟੀ ਫੁਲਮਾਨੀ ਅਤੇ ਅਖਿਲ ਮਰਾਂਡੀ ਨੂੰ ਸੌਂਪ ਦਿਤੀ।
ਇਸ ਦੌਰਾਨ ਲੜਕੀ ਦਾ ਪਿਤਾ ਕੰਮ ਲਈ ਤਾਮਿਲਨਾਡੂ ਗਿਆ ਹੋਇਆ ਸੀ। ਜਦੋਂ ਉਹ ਘਰ ਪਰਤਿਆ ਤਾਂ ਉਸ ਨੇ ਆਪਣੀ ਪਤਨੀ ਤੋਂ ਦੂਜੀ ਧੀ ਬਾਰੇ ਪੁੱਛਿਆ। ਔਰਤ ਨੇ ਦੱਸਿਆ, ਉਸ ਦੀ ਮੌਤ ਹੋ ਗਈ ਹੈ।
ਬਾਅਦ ਵਿਚ, ਮੂਸੂ ਨੂੰ ਆਸ-ਪਾਸ ਰਹਿਣ ਵਾਲੇ ਲੋਕਾਂ ਤੋਂ ਪਤਾ ਲੱਗਦਾ ਹੈ ਕਿ ਉਸ ਦੀ ਧੀ ਵੇਚ ਦਿਤੀ ਗਈ ਹੈ। ਸੋਮਵਾਰ ਨੂੰ ਪਤੀ ਨੇ ਖੁੰਟਾ ਥਾਣੇ 'ਚ ਆਪਣੀ ਪਤਨੀ ਅਤੇ ਹੋਰਾਂ ਵਿਰੁਧ ਸ਼ਿਕਾਇਤ ਦਰਜ ਕਰਵਾਈ।
ਪੁਲਿਸ ਨੇ ਤੁਰੰਤ ਕਾਰਵਾਈ ਕਰਦੇ ਹੋਏ ਮੰਗਲਵਾਰ ਨੂੰ ਲੜਕੀ ਨੂੰ ਖਰੀਦਣ ਵਾਲੇ ਜੋੜੇ, ਔਰਤ ਅਤੇ ਦਲਾਲ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਮਯੂਰਭੰਜ ਦੇ ਐਸਪੀ ਬਟੂਲਾ ਗੰਗਾਧਰ ਨੇ ਦਸਿਆ ਕਿ ਫਿਲਹਾਲ ਬੱਚੀ ਨੂੰ ਬਾਲ ਸੰਭਾਲ ਲਈ ਭੇਜ ਦਿਤਾ ਗਿਆ ਹੈ।
ਪੁਲਿਸ ਨੇ ਗ੍ਰਿਫ਼ਤਾਰ ਮੁਲਜ਼ਮਾਂ ਵਿਰੁਧ ਮਨੁੱਖੀ ਤਸਕਰੀ ਦੀ ਧਾਰਾ 370 ਤਹਿਤ ਕੇਸ ਦਰਜ ਕਰ ਲਿਆ ਹੈ।
