ਜਾਣਕਾਰੀ ਅਨੁਸਾਰ ਇਹ ਵੀਡੀਓ ਛਤੀਸਗੜ੍ਹ ਦੇ ਰਾਜਨੰਦ ਪਿੰਡ ਦੀ ਹੈ। ਇਸ ਬੇਟੇ ਦੀ ਮਾਂ ਨਾਮ ਪੂਨਮ ਵਿਰਾਟ ਹੈ।
ਛਤੀਸਗੜ੍ਹ- ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਲਗਭਗ ਹਰ ਕੋਈ ਭਾਵੁਕ ਹੋ ਰਿਹਾ ਹੈ ਦਰਅਸਲ ਇਸ ਵੀਡੀਓ ਵਿਚ ਕੁੱਝ ਅਜਿਹਾ ਹੈ ਜਿਸ ਨੂੰ ਦੇਖ ਕੇ ਹਰ ਕਿਸੇ ਦੀਆਂ ਅੱਖਾਂ ਨਮ ਹੋ ਜਾਂਦੀਆਂ ਹਨ। ਇਸ ਵੀਡੀਓ ਵਿਚ ਇਕ ਮਾਂ ਜਿਸ ਦੇ ਸਾਹਮਣੇ ਉਸ ਦੇ ਬੇਟੇ ਦੀ ਲਾਸ਼ ਪਈ ਹੈ। ਆਪਣੇ ਬੇਟੇ ਦੀ ਲਾਸ਼ ਨੂੰ ਦੇਖ ਕੇ ਮਾਂ ਆਪਣੇ ਬੇਟੇ ਦੀ ਪਸੰਦ ਦਾ ਗਾਣਾ ਗਾ ਰਹੀ ਹੈ।
ਇਸ ਵੀਡੀਓ ਨੂੰ ਲੋਕ ਸ਼ੇਅਰ ਕਰ ਰਹੇ ਹਨ ਅਤੇ ਲਿਖ ਰਹੇ ਹਨ ਕਿ ਮਾਂ ਅਜਿਹੀ ਹੀ ਹੁੰਦੀ ਹੈ। ਜਾਣਕਾਰੀ ਅਨੁਸਾਰ ਇਹ ਵੀਡੀਓ ਛਤੀਸਗੜ੍ਹ ਦੇ ਰਾਜਨੰਦ ਪਿੰਡ ਦੀ ਹੈ। ਇਸ ਬੇਟੇ ਦੀ ਮਾਂ ਨਾਮ ਪੂਨਮ ਵਿਰਾਟ ਹੈ। ਪੂਨਮ ਮਸ਼ਹੂਰ ਲੋਕ ਗਾਇਕ ਦੀਪਕ ਵਿਰਾਟ ਦੀ ਪਤਨੀ ਹੈ। ਪੂਨਮ ਵਿਰਾਟ ਵੀ ਲੋਕ ਜਗਤ ਦੀ ਮੰਨਿਆ ਹੋਇਆ ਨਾਮ ਹੈ। ਬੀਤੇ ਸ਼ਨੀਵਾਰ ਉਹਨਾਂ ਦੇ ਬੇਟੇ ਸੂਰਜ ਵਿਰਾਟ ਦੀ ਮੌਤ ਹੋ ਗਈ ਸੀ। ਸੂਰਜ ਦੀ ਮੌਤ ਦਿਲ ਦੇ ਦੌਰੇ ਕਾਰਨ ਹੋਈ ਹੈ।
ਸੂਰਜ ਵਿਰਾਟ ਵੀ ਛਤੀਸਗੜ੍ਹ ਵਿਚ ਲੋਕ ਜਗਤ ਦੇ ਜ਼ਬਰਦਸਤ ਕਲਾਕਾਰ ਹਨ। ਪੂਨਮ ਵਿਰਾਟ ਨੇ ਲੱਖਾਂ ਸਟੇਜ਼ਾਂ 'ਤੇ ਚੋਲਾ ਮਾਟੀ ਦੇ ਰਾਮ ਗੀਤ ਗਾਇਆ ਹੈ ਅਤੇ ਇਹ ਹੀ ਗਾਣਾ ਉਸ ਦੀ ਪਹਿਚਾਣ ਸੀ। ਪੂਨਮ ਦੇ ਬੇਟੇ ਦੀ ਵੀ ਇਹ ਹੀ ਇੱਛਾ ਸੀ ਕਿ ਜਦੋਂ ਉਹ ਇਸ ਦੁਨੀਆਂ ਤੋਂ ਚਲਾ ਜਾਵੇ ਉਸ ਸਮੇਂ ਇਹ ਗੀਤ ਗਾ ਕੇ ਹੀ ਉਸ ਨੂੰ ਵਿਦਾ ਕੀਤਾ ਜਾਵੇ। ਬੇਰਹਿਮ ਸਮੇਂ ਨੇ ਇਹ ਜ਼ਿੰਮੇਵਾਰੀ ਪੂਨਮ ਨੂੰ ਸੌਂਪ ਦਿੱਤੀ ਅਤੇ ਇਕ ਮਾਂ ਨੇ ਆਪਣੇ ਬੇਟੇ ਦੀ ਇੱਛਾ ਪੂਰੀ ਕੀਤੀ ਅਤੇ ਕਿਸੇ ਨੇ ਇਹ ਸਾਰਾ ਦ੍ਰਿਸ਼ ਰਿਕਾਰਡ ਕਰ ਲਿਆ ਅਤੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰ ਦਿੱਤਾ।
ਹੁਣ ਇਹ ਵੀਡੀਓ ਬਹੁਤ ਵਾਇਰਲ ਹੋ ਰਿਹਾ ਹੈ ਅਤੇ ਲੋਕ ਮਾਂ ਦੀ ਮਮਤਾ ਨੂੰ ਲੈ ਕੇ ਤਰ੍ਹਾਂ ਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ ਕਿ ਮਾਂ ਨੂੰ ਕੋਟਿ ਕੋਟਿ ਪ੍ਰਣਾਮ। ਇਕ ਹੋਰ ਨੇ ਲਿਖਿਆ ਕਿ ਰੱਬ ਵੀ ਕਦੇਂ ਕਦੇਂ ਅਜਿਹੀਆਂ ਚੀਜ਼ਾਂ ਦੇਕਣ ਲਈ ਮਜ਼ਬੂਰ ਕਰ ਦਿੰਦਾ ਹੈ। ਲੋਕ ਲਿਖ ਰਹੇ ਨੇ ਜਿਸ ਤਰ੍ਹਾਂ ਇਕ ਮਾਂ ਨੇ ਆਪਣੇ ਬੇਟੇ ਨੂੰ ਸ਼ਰਧਾਜ਼ਲੀ ਦਿੱਤੀ ਉਹ ਲੰਮੇ ਸਮੇਂ ਤੱਕ ਦਿਲੋ ਦਿਮਾਗ 'ਤੇ ਛਾਈ ਰਹੇਗੀ।
