ਮੇਰੇ ਪਰਿਵਾਰ ਵਿਚ ਇਸ ਨੂੰ ਖ਼ਤਰਾ ਹੈ ...ਤੇ ਜੇ ਤੁਹਾਨੂੰ ਪੈਸਾ ਚਾਹੀਦੇ ਹਨ, ਮੈਨੂੰ ਦੱਸੋ।

ਨਵੀਂ ਦਿੱਲੀ: ਦੇਸ਼ 'ਚ ਮਾਸੂਮ ਬੱਚਿਆਂ ਨੂੰ ਮਾਂ ਬਾਪ ਲਾਵਾਰਿਸ ਥਾਂ ਤੇ ਜਾਂ ਕਿਸੇ ਘਰ ਕੁੜੀ ਹੋਵੇ ਤੇ ਉਹ ਉਸਨੂੰ ਮਾਰ ਕੇ ਸੁੱਟ ਜਾਂਦੇ ਹਨ। ਰੋਜਾਨਾ ਇਹੋ ਜਿਹੇ ਮਾਮਲੇ ਵੇਖਣ ਨੂੰ ਮਿਲਦੇ ਹਨ। ਅੱਜ ਤਾਜਾ ਮਾਮਲਾ ਉੱਤਰ ਪ੍ਰਦੇਸ਼ ਦੇ ਅਮੇਠੀ ਜ਼ਿਲ੍ਹੇ ਤੋਂ ਸਾਹਮਣੇ ਆਇਆ ਹੈ ਇਸ ਮਾਮਲੇ ਵਿੱਚ 5 ਮਹੀਨੇ ਦਾ ਮਾਸੂਮ ਬੈਗ 'ਚੋਂ ਮਿਲਿਆ ਹੈ। ਪਰ ਹੁਣ ਅਮੇਠੀ ਪੁਲਿਸ ਨੇ ਪੰਜ ਮਹੀਨੇ ਦੇ ਬੱਚੇ ਨੂੰ ਬਰਾਮਦ ਕੀਤਾ ਹੈ।   

5 ਮਹੀਨੇ ਦਾ ਮਾਸੂਮ ਬੱਚੇ ਦੇ ਕੋਲ ਇੱਕ ਚਿੱਠੀ ਵੀ ਮਿਲੀ ਹੈ। ਇਸ 'ਚ ਉਸਨੇ ਲਿਖਿਆ ਹੈ ਕਿ ਮੈਂ ਕੁਝ ਮਹੀਨਿਆਂ ਲਈ ਆਪਣੇ ਬੱਚੇ ਨੂੰ ਪੈਸੇ ਭੇਜਦਾ ਰਹਾਂਗਾ। ਪਿਤਾ ਵਲੋਂ ਚਿੱਠੀ 'ਚ ਬੱਚੇ ਬਾਰੇ ਲਿਖਿਆ ਗਿਆ ਕਿ ਮੇਰੇ ਪਰਿਵਾਰ ਵਿਚ ਇਸ ਨੂੰ ਖ਼ਤਰਾ ਹੈ ...ਤੇ ਜੇ ਤੁਹਾਨੂੰ ਪੈਸਾ ਚਾਹੀਦੇ ਹਨ, ਮੈਨੂੰ ਦੱਸੋ। ਸਭ ਠੀਕ ਹੋਣ ਤੋਂ ਬਾਅਦ ਮੈਂ ਇਸ ਨੂੰ ਲੈ ਜਾਵਾਂਗਾ।

ਦੱਸ ਦੇਈਏ ਕਿ ਪੁਲਿਸ ਨੂੰ ਇਹ ਬੱਚਾ ਮੁਨਸ਼ੀਗੰਜ ਖੇਤਰ ਦੇ ਤ੍ਰਿਲੋਕਪੁਰ ਖੇਤਰ ਵਿੱਚ ਮਿਲਿਆ। ਬੈਗ ਚੋਂ ਬੱਚੇ ਦੀ ਰੋਣ ਦੀ ਆਵਾਜ਼ ਆਉਣ ਤੋਂ ਬਾਅਦ ਲੋਕਾਂ ਨੇ ਕੰਟਰੋਲ ਰੂਮ ਨੂੰ ਸੂਚਿਤ ਕੀਤਾ ਸੀ। ਇਸ ਦੇ ਅਧਾਰ 'ਤੇ ਜਦੋਂ ਪੁਲਿਸ ਮੌਕੇ 'ਤੇ ਪਹੁੰਚੀ ਤਾਂ ਬੱਚਾ ਬੈਗ ਦੇ ਅੰਦਰੋਂ ਮਿਲਿਆ। ਮੌਕੇ 'ਤੇ ਪਹੁੰਚੀ ਟੀਮ ਨੇ ਜਦੋਂ ਮੌਕੇ 'ਤੇ ਬੈਗ ਖੋਲ੍ਹਿਆ ਤਾਂ ਉਸ ਵਿਚ ਇੱਕ ਬੱਚੇ ਨਾਲ ਕੱਪੜੇ, ਜੁੱਤੇ, 5 ਹਜ਼ਾਰ ਰੁਪਏ ਤੇ ਹੋਰ ਜ਼ਰੂਰੀ ਸਮਾਨ ਰੱਖਿਆ ਗਿਆ ਸੀ। ਇਸ ਸਭ ਦੇ ਨਾਲ-ਨਾਲ ਇੱਕ ਚਿੱਠੀ ਵੀ ਮਿਲੀ ਜੋ ਕਥਿਤ ਤੌਰ 'ਤੇ ਬੱਚੇ ਦੇ ਪਿਤਾ ਵਲੋਂ ਲਿਖੀ ਗਈ ਸੀ।