ਕਰੋਨਾ ਵਾਇਰਸ ਦੇ ਕਾਰਨ ਭਾਰਤ ਵਿਚ 21 ਦਿਨ ਦਾ ਲੌਕਡਾਊਨ ਲਗਾਇਆ ਹੋਇਆ ਹੈ ਜਿਸ ਕਾਰਨ ਪੂਰੇ ਦੇਸ਼ ਵਿਚ ਅਵਾਜਾਈ ਨੂੰ ਬੰਦ ਕੀਤਾ ਹੋਇਆ ਹੈ।
ਕਰੋਨਾ ਵਾਇਰਸ ਦੇ ਕਾਰਨ ਭਾਰਤ ਵਿਚ 21 ਦਿਨ ਦਾ ਲੌਕਡਾਊਨ ਲਗਾਇਆ ਹੋਇਆ ਹੈ ਜਿਸ ਕਾਰਨ ਪੂਰੇ ਦੇਸ਼ ਵਿਚ ਅਵਾਜਾਈ ਨੂੰ ਬੰਦ ਕੀਤਾ ਹੋਇਆ ਹੈ। ਇਸ ਵਿਚ ਹਜ਼ਾਰੀਬਾਗ ਦੇ ਬਾਲੇਸ਼ਵਰ ਰਾਮ ਨੇ ਲੌਕਡਾਊਨ ਵਿਚ ਆਪਣੇ ਮਾਤਾ ਪਿਤਾ ਲਈ ਸਰਵਣ ਪੁਤਰ ਬਣ ਕੇ ਦਿਖਾਇਆ ਹੈ। ਜਿਸ ਨੇ ਆਪਣੀ ਬਿਮਾਰ ਮਾਂ ਨੂੰ ਬੀਮਾਰੀ ਨਾਲ ਤੜਫ ਦੇ ਦੇਖ ਇਕ ਦਿਨ ਵਿਚ 210 ਕਿਲੋਮੀਟਰ ਸਾਈਕਲ ਚਲਾ ਕੇ ਉਨ੍ਹਾਂ ਲਈ ਦਵਾਈ ਲੈ ਕੇ ਆਇਆ ਹੈ।
lockdown
ਜ਼ਿਕਰਯੋਗ ਹੈ ਕਿ ਲੌਕਡਾਊਨ ਦੇ ਕਾਰਨ ਦੇਸ਼ ਵਿਚ ਹਰ ਪਾਸੇ ਅਵਾਜਾਈ ਬੰਦ ਹੈ ਜਿਸ ਤੋਂ ਬਾਅਦ ਬਾਲੇਸ਼ਵਰ ਨੇ ਆਪਣੇ ਘਰ ਤੋਂ 105 ਕਿਲੋਮੀਟਰ ਦੂਰ ਰਾਂਚੀ ਸਾਇਕਲ ਤੇ ਦਵਾਈ ਲਿਆਉਣ ਦਾ ਫੈਸਲਾ ਕਰ ਕੀਤਾ। ਜਿਸ ਲਈ ਸ਼ਨੀਵਾਰ ਸਵੇਰੇ ਘਰ ਤੋਂ ਨਿਕਲ ਕੇ ਉਹ ਰਾਂਚੀ ਗਿਆ ਅਤੇ ਰਾਤ ਨੂੰ ਦਵਾਈ ਲੈ ਕੇ ਘਰ ਵਾਪਿਸ ਮੁੜਿਆ। ਮਤਲਬ ਕਿ ਪੂਰੇ ਦਿਨ ਵਿਚ ਉਸ ਨੇ 210 ਕਿਲੋਮੀਟਰ ਦਾ ਸਫਰ ਕੇਵਲ ਸਾਇਕਲ ਤੇ ਹੀ ਤੈਅ ਕੀਤਾ।
lockdown
ਉਧਰ ਬਾਲੇਸ਼ਵਰ ਨੇ ਦੱਸਿਆ ਕਿ ਲੌਕਡਾਊਨ ਦੇ ਕਾਰਨ ਉਸ ਤੋਂ ਰਾਂਚੀ ਨਹੀਂ ਜਾ ਹੋਇਆ ਅਤੇ ਇਸੇ ਵਿਚ ਹੋਲੀ-ਹੋਲੀ ਮਾਂ ਦੀਆਂ ਦਵਾਈਆਂ ਵੀ ਖਤਮ ਹੋ ਗਈਆਂ ਜਿਸ ਤੋਂ ਬਾਅਦ ਉਹ ਹੋਰ ਬਿਮਾਰ ਹੋ ਗਈ। ਅਜਿਹੇ ਵਿਚ ਉਸ ਤੋਂ ਆਪਣੀ ਮਾਂ ਦਾ ਦਰਦ ਨਹੀਂ ਦੇਖਿਆ ਗਿਆ ਜਿਸ ਕਾਰਨ ਉਸ ਨੇ ਸਾਈਕਲ ਤੇ ਹੀ ਜਾਣ ਦਾ ਫੈਸਲਾ ਕਰ ਲਿਆ।
Lockdown
ਦੱਸ ਦੱਈਏ ਕਿ ਬਾਲੇਸ਼ਵਰ ਦੀ ਮਾਂ ਸੁਗਤੀ ਦੇਵੀ 80 ਸਾਲ ਦੀ ਹੈ ਜਿਹੜੀ ਕਿ ਪਿਛਲੇ 15 ਸਾਲ ਤੋਂ ਛਾਤੀ ਅਤੇ ਪਿੱਠ ਦੇ ਦਰਦ ਤੋਂ ਪ੍ਰੇਸ਼ਾਨ ਹੈ। ਰਾਂਚੀ ਦੇ ਇਕ ਡਾਕਟਰ ਤੋਂ ਉਸ ਦਾ ਇਲਾਜ਼ ਚੱਲਦਾ ਹੈ। ਭਾਵੇਂ ਕਿ ਲੌਕਡਾਊਨ ਦੇ ਵਿਚ ਸਰਕਾਰ ਅਤੇ ਪ੍ਰਸ਼ਾਸਨ ਵੱਲੋਂ ਸਿਹਤ ਸੇਵਾਵਾਂ ਨੂੰ ਮਹੱਈਆ ਕਰਵਾਉਣ ਲਈ ਕਿਹਾ ਜਾਂਦਾ ਹੈ ਪਰ ਫਿਰ ਵੀ ਕਈ ਅਜਿਹੇ ਲੋਕ ਵੀ ਹਨ ਜਿਨ੍ਹਾਂ ਤੱਕ ਇਹ ਸੇਵਾਵਾਂ ਨਹੀਂ ਪਹੁੰਚ ਰਹੀਆਂ।
lockdown
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
