Jammu and Kashmir News : 26 ਕੌਮੀ ਰਾਈਫਲਜ਼ ’ਚ ਤਾਇਨਾਤ ਸਿਪਾਹੀ ਵਿਜੇ ਕੁਮਾਰ ਤੜਕੇ 3:40 ਵਜੇ ਧਰਮੁੰਡ ਮਿਲਟਰੀ ਹਸਪਤਾਲ ’ਚ ਸੈਂਟਰੀ ਡਿਊਟੀ ’ਤੇ ਸੀ

Jammu and Kashmir News in Punjabi :  ਜੰਮੂ-ਕਸ਼ਮੀਰ ਦੇ ਰਾਮਬਨ ਜ਼ਿਲ੍ਹੇ ’ਚ ਫੌਜ ਦੇ ਕੈਂਪ ਅੰਦਰ ਐਤਵਾਰ ਤੜਕੇ ਇਕ ਫੌਜੀ ਨੇ ਅਪਣੀ ਸਰਵਿਸ ਰਾਈਫਲ ਨਾਲ ਕਥਿਤ ਤੌਰ ’ਤੇ ਖੁਦ ਨੂੰ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਅਧਿਕਾਰੀਆਂ ਨੇ ਦਸਿਆ ਕਿ 26 ਕੌਮੀ ਰਾਈਫਲਜ਼ ’ਚ ਤਾਇਨਾਤ ਸਿਪਾਹੀ ਵਿਜੇ ਕੁਮਾਰ ਤੜਕੇ 3:40 ਵਜੇ ਧਰਮੁੰਡ ਮਿਲਟਰੀ ਹਸਪਤਾਲ ’ਚ ਸੈਂਟਰੀ ਡਿਊਟੀ ’ਤੇ ਸੀ।

ਉਸ ਦੇ ਇਸ ਕਦਮ ਦੇ ਪਿੱਛੇ ਦੇ ਕਾਰਨਾਂ ਦਾ ਤੁਰਤ ਪਤਾ ਨਹੀਂ ਲੱਗ ਸਕਿਆ। ਉਨ੍ਹਾਂ ਨੇ ਦਸਿਆ ਕਿ ਲਾਸ਼ ਨੂੰ ਪੋਸਟਮਾਰਟਮ ਲਈ ਰਾਮਬਨ ਜ਼ਿਲ੍ਹਾ ਹਸਪਤਾਲ ਭੇਜ ਦਿਤਾ ਗਿਆ ਹੈ। ਅਧਿਕਾਰੀਆਂ ਅਨੁਸਾਰ ਕੁਮਾਰ ਰਾਜਸਥਾਨ ਦਾ ਰਹਿਣ ਵਾਲਾ ਸੀ ਅਤੇ ਲਗਭਗ ਦੋ ਮਹੀਨਿਆਂ ਦੀ ਛੁੱਟੀ ਲੈਣ ਤੋਂ ਬਾਅਦ 28 ਮਾਰਚ ਨੂੰ ਅਪਣੀ ਡਿਊਟੀ ’ਤੇ ਵਾਪਸ ਆਇਆ ਸੀ। 

(For more news apart from Jammu and Kashmir: Jawab shoots himself dead in army camp News in Punjabi, stay tuned to Rozana Spokesman)