'ਹਰ ਛੋਟੇ ਝਗੜੇ ਨੂੰ ਤਸ਼ੱਦਦ ਨਹੀਂ ਕਿਹਾ ਜਾ ਸਕਦਾ'
ਨਵੀਂ ਦਿੱਲੀ: ਸਹੁਰਿਆਂ ਦਾ ਹਰ ਮੈਂਬਰ ਦਾਜ ਲਈ ਤੰਗ ਪ੍ਰੇਸ਼ਾਨ ਕਰਨ ਦਾ ਦੋਸ਼ੀ ਨਹੀਂ ਹੋ ਸਕਦਾ। ਜੇਕਰ ਸ਼ਿਕਾਇਤਕਰਤਾ ਦੋਸ਼ ਲਾਉਂਦਾ ਹੈ ਤਾਂ ਇਸ ਦੇ ਲਈ ਉਸ ਨੂੰ ਅਜਿਹੇ ਸਬੂਤ ਵੀ ਪੇਸ਼ ਕਰਨੇ ਪੈਣਗੇ, ਜੋ ਸਬੰਧਤ ਪਰਿਵਾਰਕ ਮੈਂਬਰ ਦੇ ਤਸ਼ੱਦਦ ਨੂੰ ਸਾਬਤ ਕਰਦੇ ਹਨ।
Dowry
ਹਰ ਛੋਟੇ ਝਗੜੇ ਨੂੰ ਤਸ਼ੱਦਦ ਨਹੀਂ ਕਿਹਾ ਜਾ ਸਕਦਾ। ਅਦਾਲਤ ਨੇ ਇੱਕ ਔਰਤ ਦੇ ਸਹੁਰੇ ਨੂੰ ਦਾਜ ਲਈ ਤੰਗ ਕਰਨ ਅਤੇ ਭਰੋਸੇ ਦੀ ਅਪਰਾਧਿਕ ਉਲੰਘਣਾ ਦੇ ਦੋਸ਼ਾਂ ਤੋਂ ਬਰੀ ਕਰਦਿਆਂ ਇਹ ਅਹਿਮ ਟਿੱਪਣੀ ਕੀਤੀ ਹੈ। ਤੀਸ ਹਜ਼ਾਰੀ ਵਿਖੇ ਐਡੀਸ਼ਨਲ ਸੈਸ਼ਨ ਜੱਜ ਸੰਜੀਵ ਕੁਮਾਰ ਦੀ ਅਦਾਲਤ ਨੇ ਆਪਣੇ ਫੈਸਲੇ ਵਿੱਚ ਕਿਹਾ ਕਿ ਦਾਜ ਉਤਪੀੜਨ ਕਾਨੂੰਨ ਇਸ ਲਈ ਬਣਾਇਆ ਗਿਆ ਸੀ ਤਾਂ ਜੋ ਔਰਤ ਨੂੰ ਸਹੁਰੇ ਘਰ ਵਿੱਚ ਹੋਣ ਵਾਲੇ ਪ੍ਰੇਸ਼ਾਨੀ ਤੋਂ ਬਚਾਇਆ ਜਾ ਸਕੇ।
COURT
ਪਰ ਪਿਛਲੇ ਕੁਝ ਸਾਲਾਂ ਤੋਂ ਇਸ ਕਾਨੂੰਨ ਦੀ ਦੁਰਵਰਤੋਂ ਦਾ ਹੜ੍ਹ ਆ ਗਿਆ ਹੈ। ਦੇਸ਼ ਦੀਆਂ ਸੀਨੀਅਰ ਅਦਾਲਤਾਂ ਨੇ ਖੁਦ ਸਮੇਂ-ਸਮੇਂ 'ਤੇ ਆਪਣੇ ਫੈਸਲਿਆਂ 'ਚ ਜ਼ਿਕਰ ਕੀਤਾ ਹੈ ਕਿ ਵਿਆਹ ਤੋਂ ਬਾਅਦ ਨਿੱਕੇ-ਨਿੱਕੇ ਝਗੜਿਆਂ 'ਚ ਨਾ ਸਿਰਫ ਸਹੁਰੇ ਪੱਖ ਦੇ ਹਰ ਮੈਂਬਰ, ਸਗੋਂ ਹੋਰ ਰਿਸ਼ਤੇਦਾਰਾਂ ਨੂੰ ਵੀ ਦਾਜ ਲਈ ਤੰਗ-ਪ੍ਰੇਸ਼ਾਨ ਕਰਨ ਦੇ ਝੂਠੇ ਕੇਸਾਂ 'ਚ ਫਸਾਇਆ ਜਾਂਦਾ ਸੀ। ਅਖ਼ੀਰ ਸਬੂਤਾਂ ਦੀ ਘਾਟ ਕਾਰਨ ਉਸ ਨੂੰ ਬਰੀ ਕਰ ਦਿੱਤਾ ਗਿਆ ਪਰ ਉਸ ਨੂੰ ਮਾਨਸਿਕ ਅਤੇ ਸਰੀਰਕ ਤਸੀਹੇ ਝੱਲਣੇ ਪਏ।
