ਆਈਆਈਟੀ ਨੂੰ 21 ਤੋਂ 35 ਸਾਲ ਦਾ ਕੋਈ ਵਿਅਕਤੀ ਇਸ ਨੌਕਰੀ ਲਈ ਚਾਹੀਦਾ ਹੈ।
ਨਵੀਂ ਦਿੱਲੀ - ਕੋਰੋਨਾ ਵਾਇਰਸ ਮਹਾਂਮਾਰੀ ਕਾਰਨ ਦੁਨੀਆਂ ਵਿਚ ਨੌਕਰੀ ਦਾ ਸੰਕਟ ਜਾਰੀ ਹੈ। ਇਸ ਦੌਰਾਨ, ਦਿੱਲੀ ਸਥਿਤ ਇੰਡੀਅਨ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (ਆਈਆਈਟੀ ਦਿੱਲੀ) ਨੇ ਨੌਕਰੀ ਲਈ ਇਸ਼ਤਿਹਾਰ ਦਿੱਤਾ ਹੈ। ਇਹ ਇਸ਼ਤਿਹਾਰ ਜਾਰੀ ਕਰ ਦੇ ਹੀ ਵਾਇਰਲ ਹੋ ਗਿਆ। ਦਰਅਸਲ, ਇਸਦੇ ਵਾਇਰਲ ਹੋਣ ਦੇ ਪਿੱਛੇ ਦਾ ਕਾਰਨ ਇਸ ਦੀ ਪੋਸਟ, ਤਨਖਾਹ ਅਤੇ ਯੋਗਤਾ ਹੈ।
File Photo
ਹੁਣ ਲੋਕ ਇਸ ਇਸ਼ਤਿਹਾਰ ਨੂੰ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕਰਕੇ ਇਸ ਦਾ ਮਜ਼ਾ ਲੈ ਰਹੇ ਹਨ। ਆਈਆਈਟੀ ਦਿੱਲੀ ਨੇ ਹਾਲ ਹੀ ਵਿਚ ਇੱਕ ਇਸ਼ਤਿਹਾਰ ਜਾਰੀ ਕੀਤਾ ਹੈ। ਇਸ ਇਸ਼ਤਿਹਾਰ ਵਿਚ ਕੁੱਤੇ ਨੂੰ ਸੰਭਾਲਣ ਦੀ ਨੌਕਰੀ ਕੱਢੀ ਗਈ ਸੀ। ਆਈਆਈਟੀ ਵੱਲੋਂ ਦਿੱਤੇ ਗਏ ਇਸ਼ਿਤਿਹਾਰ ਵਿਚ ਦੱਸਿਆ ਗਿਆ ਹੈ ਕਿ Dog Handler ਦੀ ਇਹ ਨੌਕਰੀ ਸੁਰੱਖਿਆ ਦਫਤਰ ਦੇ ਅਧੀਨ ਹੈ। ਇਹ ਨੌਕਰੀ ਕਾਨਟਰੈਕ ਅਧਾਰਤ ਹੋਵੇਗੀ।
Needed #BTech for #Dog handler job
— LordSaveEarth (@rupal_iit) September 5, 2020
Should I laugh or pity?
Pl advise !!#IITian be ready!@iitdelhi @EduMinOfIndia @PMOIndia @nehaltyagi08 @vivekagnihotri @SonuSood @anandmahindra pic.twitter.com/eR3A7KydIS
ਇਸ ਇਸ਼ਿਤਿਹਾਰ ਵਿਚ ਨੌਕਰੀ ਲਈ ਦੱਸੀ ਗਈ ਸੈਲਰੀ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖੂਬ ਖਿੱਚਿਆ ਹੈ। ਇਸ਼ਤਿਹਾਰ ਵਿਚ ਕਿਹਾ ਗਿਆ ਹੈ ਕਿ ਕੁੱਤੇ ਨੂੰ ਸੰਭਾਲਣ ਵਾਲੇ ਨੂੰ 45 ਹਜ਼ਾਰ ਰੁਪਏ ਪ੍ਰਤੀ ਮਹੀਨਾ ਤਨਖਾਹ ਦਿੱਤੀ ਜਾਵੇਗੀ। ਇਸ ਦੇ ਨਾਲ ਹੀ ਜੇ ਅਸੀਂ ਕੁਝ ਰਿਪੋਰਟਾਂ ਦੀ ਗੱਲ ਕਰੀਏ ਤਾਂ ਦਿੱਲੀ ਪੁਲਿਸ ਵਿਚ ਇਸ ਨੌਕਰੀ ਲਈ 20000 ਰੁਪਏ ਦਿੱਤੇ ਜਾਂਦੇ ਹਨ।
File Photo
ਭਾਵ ਆਈਆਈਟੀ ਦਿੱਲੀ ਦੁੱਗਣੀ ਤਨਖ਼ਾਹ ਦੇ ਰਹੀ ਹੈ। ਇਸਦੇ ਨਾਲ, ਅਧਿਐਨ ਨਾਲ ਸਬੰਧਤ ਯੋਗਤਾਵਾਂ ਵਿਚ ਕਿਹਾ ਗਿਆ ਹੈ ਕਿ ਉਮੀਦਵਾਰ ਨੇ ਬੀ.ਏ., ਬੀ.ਐੱਸ.ਸੀ., ਬੀ.ਕਾੱਮ, ਬੀ.ਟੈਕ ਜਾਂ ਇਸ ਦੇ ਬਰਾਬਰ ਕੋਰਸ ਕੀਤੇ ਹੋਣ। ਇਸ ਦੇ ਨਾਲ, ਇਸ਼ਤਿਹਾਰ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਜਿਹੜਾ ਵੀ ਇਹ ਨੌਕਰੀ ਕਰਦਾ ਹੈ ਉਸ ਕੋਲ ਕਾਰ ਜ਼ਰੂਰ ਹੋਣੀ ਚਾਹੀਦੀ ਹੈ। ਆਈਆਈਟੀ ਦੇ ਅਨੁਸਾਰ ਕੁੱਤੇ ਨੂੰ ਡਾਕਟਰ ਕੋਲ ਲੈ ਕੇ ਜਾਣ ਅਤੇ ਲਿਆਉਣ ਲਈ ਡੌਗ ਹੈਂਲਡਰ ਕੋਲ ਕਾਰ ਹੋਣੀ ਜ਼ਰੂਰੀ ਹੈ। ਆਈਆਈਟੀ ਨੂੰ 21 ਤੋਂ 35 ਸਾਲ ਦਾ ਕੋਈ ਵਿਅਕਤੀ ਇਸ ਨੌਕਰੀ ਲਈ ਚਾਹੀਦਾ ਹੈ।
