''ਬਾਬੇ ਨਾਨਕ ਦੀ ਪੂਰੀ ਕਿਰਪਾ ਹੈ ਕਿਸੇ ਚੀਜ਼ ਦੀ ਕੋਈ ਕਮੀ ਨਹੀਂ ਹੈ''
ਨਵੀਂ ਦਿੱਲੀ( ਗੁਰਪ੍ਰੀਤ ਸਿੰਘ) ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ। ਕਿਸਾਨਾਂ ਨੂੰ ਹਰ ਵਰਗ ਦੇ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ।
Gurpreet Singh and Jaskirat kaur
ਕਲਾਕਾਰ ਤੋਂ ਲੈ ਕੇ ਖਿਡਾਰੀਆਂ ਦਾ ਸਹਿਯੋਗ ਮਿਲ ਰਿਹਾ ਹੈ। ਲੋਕ ਵੱਧ ਚੜ੍ਹ ਕੇ ਕਿਸਾਨੀ ਮੋਰਚੇ ਵਿਚ ਸੇਵਾ ਕਰ ਰਹੇ ਹਨ ਕੋਈ ਲੰਗਰ ਦੀ ਸੇਵਾ ਕਰ ਰਿਹਾ ਹੈ ਕੋਈ ਲੋੜੀਂਦੀਆਂ ਚੀਜ਼ਾਂ ਮੁਹਈਆਂ ਕਰਵਾ ਰਿਹਾ ਹੈ।
Gurpreet Singh and Jaskirat kaur
ਦਿੱਲੀ ਮੋਰਚੇ ਵਿਚ ਗਰੀਬ ਲੋਕਾਂ ਦੇ ਬੱਚਿਆਂ ਨੂੰ ਪੜ੍ਹਾਇਆ ਵੀ ਜਾ ਰਿਹਾ ਹੈ। ਸਪੋਕਸਮੈਨ ਦੇ ਪੱਤਰਕਾਰ ਵੱਲੋਂ ਜਸਕੀਰਤ ਕੌਰ ਜੋ ਕਿ ਸਾਂਝੀ ਸੱਥ ਵਿਚ ਬੱਚਿਆਂ ਨੂੰ ਫਰੀ ਪੜਾਈ ਕਰਵਾ ਰਹੇ ਨਾਲ ਗੱਲਬਾਤ ਕੀਤੀ ਗਈ। ਉਹਨਾਂ ਕਿਹਾ ਕਿ ਗੋਦੀ ਮੀਡੀਆ ਕਿਸਾਨਾਂ ਨੂੰ ਅੱਤਵਾਦੀ ਕਹਿ ਰਿਹਾ ਹੈ ਪਰ ਇੱਥੇ ਆ ਕੇ ਵੇਖੋ ਰੋਜ਼ ਨਵੇਂ ਰੂਪ ਵੇਖਣ ਨੂੰ ਮਿਲਦੇ ਹਨ।
Gurpreet Singh and Jaskirat kaur
ਉਹਨਾਂ ਕਿਹਾ ਕਿ ਮੈਨੂੰ ਤਾਂ ਇਥੇ ਕੋਈ ਵੀ ਅੱਤਵਾਦੀ ਨਹੀਂ ਲੱਭ ਰਿਹਾ,ਜੇ ਅੱਤਵਾਦੀ ਤੁਹਾਡੇ ਦੇਸ਼ ਦੇ ਬੱਚਿਆਂ ਨੂੰ ਪੜ੍ਹਾ ਰਿਹਾ ਹੈ ਤਾਂ ਚੰਗੀ ਗੱਲ ਹੈ ਫਿਰ ਹਰ ਦੇਸ਼ ਵਿਚ ਅੱਤਵਾਦੀ ਹੋਣੇ ਚਾਹੀਦੇ ਹਨ। ਉਹਨਾਂ ਕਿਹਾ ਕਿ ਇਥੇ ਤਾਂ ਝੁੱਗੀਆਂ ਵਿਚ ਲੋਕ ਰਹਿੰਦੇ ਹਨ ਇਹਨਾਂ ਦੀ ਆਰਥਿਕ ਸਥਿਤੀ ਵੀ ਇੰਨੀ ਵਧੀਆਂ ਨਹੀਂ ਹੈ ਇਹ ਆਨਲਾਈਨ ਕਲਾਸਾਂ ਲਾ ਸਕਣ ਕਿਉਂਕਿ ਇੰਨੀ ਆਪਣੀ ਸਰਕਾਰ ਮਜ਼ਬੂਤ ਨਹੀਂ ਹੈ ਕਿ ਉਹ ਸਾਰਿਆਂ ਨੂੰ ਮੋਬਾਇਲ ਫੋਨ ਮੁਹਈਆਂ ਕਰਵਾ ਦੇਵੇ।
Gurpreet Singh and Jaskirat kaur
ਉਹਨਾਂ ਕਿਹਾ ਕਿ ਬੱਚੇ ਖੁਦ ਪੜਨਾ ਚਾਹੁੰਦੇ ਹਨ ਪਰ ਸਰਕਾਰ ਇਹਨਾਂ ਦੀ ਆਰਥਿਕ ਮਦਦ ਨਹੀਂ ਕਰਦੀ। ਉਹਨਾਂ ਕਿਹਾ ਕਿ ਸਰਕਾਰ ਦੇ ਹੁਣ ਮਾੜੇ ਦਿਨ ਆਏ ਹੋਏ ਹਨ ਪਰ ਇਹਨਾਂ ਬੱਚਿਆਂ ਲਈ ਅੱਛੇ ਦਿਨ ਆਏ ਹੋਏ ਹਨ।
Gurpreet Singh and children
ਬੱਚੀ ਗੁੰਝਣ ਨਾਲ ਗੱਲਬਾਤ ਕੀਤੀ ਗਈ ਉਹਨਾਂ ਕਿਹਾ ਕਿ ਉਹ 7 ਦਿਨਾਂ ਤੋਂ ਇਥੇ ਆ ਰਹੇ ਹਨ ਉਹਨਾਂ ਨੇ ਇਥੇ ਡਰਾਇੰਗ ਕਰਨੀ ਸਿੱਖੀ। ਕਿਸਾਨ ਨੇ ਕਿਹਾ ਕਿ ਸੰਘਰਸ਼ ਚੜ੍ਹਦੀਕਲਾ ਵਿਚ ਜਾ ਰਿਹਾ ਹੈ ਸਾਰੇ ਲੋਕੀ ਆਪਣਾ ਹਿੱਸਾ ਪਾ ਰਹੇ ਹਨ।
Gurpreet Singh and Farmer
ਬਾਬੇ ਨਾਨਕ ਦੀ ਪੂਰੀ ਕਿਰਪਾ ਹੈ ਕਿਸੇ ਚੀਜ਼ ਦੀ ਕੋਈ ਕਮੀ ਨਹੀਂ ਹੈ। ਉਹਨਾਂ ਕਿਹਾ ਕਿ ਫੰਡਿਗ ਬਾਬੇ ਨਾਨਕ ਦੀ ਫੰਡਿਗ ਹੈ ਹੋਰ ਕਿਸੇ ਦੀ ਵੀ ਫੰਡਿਗ ਨਹੀਂ ਹੈ। ਉਹਨਾਂ ਕਿਹਾ ਕਿ ਬੱਚਿਆਂ ਨੂੰ ਪੜ੍ਹਦਿਆਂ 24 ਦਿਨ ਹੋ ਗਏ ਬੱਚਿਆਂ ਨੂੰ ਉਹਨਾਂ ਦੇ ਮਾਪੇ ਆਪ ਛੱਡ ਕੇ ਜਾਂਦੇ ਹਨ।
