ਅਸਾਮ ਸਰਕਾਰ ਨੇ ਮੁੱਖ ਮੰਤਰੀ ਅਤੇ ਵਿਧਾਨ ਸਭਾ ਦੇ ਚੁਣੇ ਅਤੇ ਨਾਮਜ਼ਦ ਮੈਂਬਰਾਂ ਦੀ ਤਨਖ਼ਾਹ 50 ਫ਼ੀ ਸਦੀ ਵਧਾਉਣ ਦਾ ਪ੍ਰਸਤਾਵ ਰਖਿਆ ਹੈ।
ਗੁਹਾਟੀ : ਅਸਾਮ ਸਰਕਾਰ ਨੇ ਮੁੱਖ ਮੰਤਰੀ ਅਤੇ ਵਿਧਾਨ ਸਭਾ ਦੇ ਚੁਣੇ ਅਤੇ ਨਾਮਜ਼ਦ ਮੈਂਬਰਾਂ ਦੀ ਤਨਖ਼ਾਹ 50 ਫ਼ੀ ਸਦੀ ਵਧਾਉਣ ਦਾ ਪ੍ਰਸਤਾਵ ਰਖਿਆ ਹੈ। ਸੰਸਦੀ ਕਾਰਜ ਮੰਤਰੀ ਚੰਦਰ ਮੋਹਨ ਪਟਵਾਰੀ ਨੇ ਇਸ ਸਬੰਧੀ ਵਿਧਾਨ ਸਭਾ ਵਿਚ ਤਿੰਨ ਬਿਲ ਪੇਸ਼ ਕੀਤੇ ਹਨ।
Assam proposes raising lawmakers salaries
ਬਿਲ ਦੇ ਮੁਤਾਬਕ ਮੈਂਬਰਾਂ ਦੀ ਮੌਜੂਦਾ ਤਨਖ਼ਾਹ 80 ਹਜ਼ਾਰ ਅਤੇ 75 ਹਜ਼ਾਰ ਨੂੰ ਵਧਾ ਕੇ 1.2 ਲੱਖ ਰੁਪਏ ਅਤੇ ਇਕ ਲੱਖ ਰੁਪਏ ਕਰਨ ਦਾ ਪ੍ਰਸਤਾਵ ਦਿਤਾ ਹੈ। ਇਸ ਤਰ੍ਹਾਂ ਇਹ ਵਾਧਾ ਸਿੱਧੇ ਤੌਰ 'ਤੇ 33.33 ਫ਼ੀ ਸਦੀ ਬਣਦਾ ਹੈ ਪਰ ਇਸ ਵਿਚ 30 ਹਜ਼ਾਰ ਰੁਪਏ ਦਾ ਭੱਤਾ ਜੋੜ ਕੇ ਇਹ ਵਾਧਾ 50 ਫ਼ੀ ਸਦੀ ਹੋ ਜਾਵੇਗਾ।
Assam proposes raising lawmakers salaries
ਮੁੱਖ ਮੰਤਰੀ ਦੀ ਮੌਜੂਦਾ ਤਨਖ਼ਾਹ 90 ਹਜ਼ਾਰ ਰੁਪਏ ਹੈ। ਵਾਧੇ ਤੋਂ ਬਾਅਦ ਹੁਣ ਉਨ੍ਹਾਂ ਨੂੰ 1.30 ਲੱਖ ਰੁਪਏ ਮਿਲੇਗੀ ਅਤੇ ਭੱਤੇ ਸਮੇਤ ਇਹ ਤਨਖ਼ਾਹ 1.64 ਲੱਖ ਰੁਪਏ ਹੋ ਜਾਵੇਗੀ। ਕੈਬਨਿਟ ਮੰਤਰੀਆਂ ਅਤੇ ਵਿਰੋਧੀ ਧਿਰ ਦੇ ਨੇਤਾ ਨੂੰ ਹੁਣ 80 ਹਜ਼ਾਰ ਰੁਪਏ ਤਨਖ਼ਾਹ ਮਿਲ ਰਹੀ ਹੈ ਜੋ ਵਾਧੇ ਨਾਲ 1.1 ਲੱਖ ਰੁਪਏ ਕਰਨ ਦਾ ਫ਼ੈਸਲਾ ਹੋਇਆ ਹੈ।
Assam proposes raising lawmakers salaries
ਇਸ ਤੋਂ ਇਲਾਵਾ ਵਿਧਾਇਕਾਂ ਨੂੰ 60 ਹਜ਼ਾਰ ਰੁਪਏ ਤੋਂ ਵਧਾ ਕੇ 80 ਹਜ਼ਾਰ ਰੁਪਏ ਤਨਖ਼ਾਹ ਦੇਣ ਦਾ ਪ੍ਰਸਤਾਵ ਰਖਿਆ ਗਿਆ ਹੈ। ਇਸ ਦੇ ਨਾਲ ਹੀ ਬਿਲ ਵਿਚ ਸਾਬਕਾ ਵਿਧਾਇਕਾਂ ਦੀ ਪੈਨਸ਼ਨ ਵਧਾਉਣ ਦਾ ਪ੍ਰਸਤਾਵ ਵੀ ਪਾਇਆ ਗਿਆ ਹੈ।
