2 ਅਰੋਪੀ ਗ੍ਰਿਫ਼ਤਾਰ
ਯੂਪੀ: ਅਲੀਗੜ੍ਹ ਵਿਚ ਟੱਪਲ ਇਲਾਕੇ ਵਿਚ ਬੱਚੀ ਦੀ ਹੱਤਿਆ ਦੇ ਮਾਮਲੇ ਵਿਚ ਪੁਲਿਸ ਨੇ ਕਿਹਾ ਕਿ ਉਹ ਇਸ ਮਾਮਲੇ ਦੀ ਜਾਂਚ ਰਾਸ਼ਟਰੀ ਸੁਰੱਖਿਆ ਕਾਨੂੰਨ ਤਹਿਤ ਕਰਨਗੇ ਅਤੇ ਇਸ ਕੇਸ ਨੂੰ ਫ਼ਾਸਟ ਟ੍ਰੈਕ ਕੋਰਟ ਵਿਚ ਭੇਜਣਗੇ। ਇੱਥੇ ਇਕ ਢਾਈ ਸਾਲ ਦੀ ਬੱਚੀ ਦੀ ਹੱਤਿਆ ਕਰ ਦਿੱਤੀ ਗਈ ਸੀ ਅਤੇ ਫਿਰ ਉਸ ਦੇ ਮ੍ਰਿਤਕ ਸ਼ਰੀਰ ਨੂੰ ਕੂੜੇ ਵਿਚ ਸੁੱਟ ਦਿੱਤਾ ਸੀ। ਇਸ ਘਟਨਾ ਪਿੱਛੇ ਦੀ ਵਜਹ 10000 ਰੁਪਏ ਹੈ। ਮ੍ਰਿਤਕ ਬੱਚੀ ਦੇ ਪਿਤਾ ਨੇ 10000 ਰੁਪਏ ਦਾ ਕਰਜ਼ਾ ਲਿਆ ਸੀ।
Police
ਜਦੋਂ ਉਸ ਨੂੰ ਨਾ ਮੋੜ ਸਕਿਆ ਤਾਂ ਅਰੋਪੀਆਂ ਨੇ ਬੱਚੀ ਨੂੰ ਅਗਵਾ ਕਰ ਲਿਆ। ਤਿੰਨ ਦਿਨ ਬਾਅਦ ਘਰ ਦੇ ਨੇੜੇ ਕੂੜੇਦਾਨ ਵਿਚ ਬੱਚੀ ਦਾ ਮ੍ਰਿਤਕ ਸ਼ਰੀਰ ਮਿਲਿਆ। ਪੋਸਟਮਾਰਟਮ ਰਿਪੋਰਟ ਮੁਤਾਬਕ ਬੱਚੀ ਦੀ ਹੱਤਿਆ ਗਲਾ ਘੁਟ ਕੇ ਕੀਤੀ ਗਈ ਹੈ। ਪੁਲਿਸ ਨੇ ਦੋ ਅਰੋਪੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਸ ਮਾਮਲੇ ਵਿਚ ਕਾਂਗਰਸ ਆਗੂ ਪ੍ਰਿਅੰਕਾ ਗਾਂਧੀ ਨੇ ਟਵਿਟਰ ਕਰਕੇ ਦੁੱਖ ਜਤਾਇਆ ਹੈ।
The brutal murder in Aligarh is yet another inhuman, unspeakable crime against an innocent child. I cannot even begin to imagine the pain her parents must feel. What has become of us?
— Priyanka Gandhi Vadra (@priyankagandhi) June 7, 2019
ਮਾਮਲਾ ਦੋ ਸਮੁਦਾਇ ਨਾਲ ਜੁੜਿਆ ਹੋਣ ਕਰਕੇ ਮੌਕੇ 'ਤੇ ਵੱਡੇ ਪੈਮਾਨੇ 'ਤੇ ਪੁਲਿਸ ਬਲਾਂ ਨੂੰ ਤੈਨਾਤ ਕਰ ਦਿੱਤਾ ਗਿਆ ਹੈ। ਸੀਨੀਅਰ ਪੁਲਿਸ ਅਧਿਕਾਰੀ ਆਕਾਸ਼ ਕੁਲਹਾਰੀ ਨੇ ਦਸਿਆ ਸੀ ਕਿ 31 ਮਈ ਨੂੰ ਟੱਪਲ ਤੋਂ ਲਾਪਤਾ ਹੋਈ ਤਿੰਨ ਸਾਲ ਦੀ ਬੱਚੀ ਦਾ ਮ੍ਰਿਤਕ ਸ਼ਰੀਰ ਘਰ ਦੇ ਨੇੜੇ ਕੂੜੇਦਾਨ ਵਿਚੋਂ ਮਿਲਿਆ ਹੈ। ਬੱਚੀ ਦੇ ਪਿਤਾ ਬਨਵਾਰੀ ਲਾਲ ਸ਼ਰਮਾ ਦੀ ਸ਼ਿਕਾਇਤ 'ਤੇ ਜਾਹਿਦ ਅਤੇ ਅਸਲਮ ਨਾਮਕ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।
ਉਹਨਾਂ ਨੂੰ ਪੁਛਣ ਤੋਂ ਪਤਾ ਚਲਿਆ ਹੈ ਕਿ ਦੋਵਾਂ ਅਰੋਪੀਆਂ ਨੂੰ ਬੱਚੀ ਦੇ ਪਿਤਾ ਨੇ ਧਨ ਲੈਣ ਦੇਣ ਨੂੰ ਲੈ ਕੇ ਝਗੜਾ ਹੋ ਗਿਆ ਸੀ। ਕੁਲਹਾਰੀ ਨੇ ਦਸਿਆ ਸੀ ਕਿ ਬੱਚੀ ਦੀ ਪੋਸਟਮਾਰਟਮ ਰਿਪੋਰਟ ਵਿਚ ਬੱਚੀ ਨਾਲ ਬਲਾਤਕਾਰ ਦੀ ਦਾ ਮਾਮਲਾ ਸਾਹਮਣੇ ਨਹੀਂ ਆਇਆ। ਇਸ ਪ੍ਰਕਾਰ ਉਹਨਾਂ ਨੇ ਕਿਹਾ ਕਿ ਵਾਰਦਾਤ ਨੂੰ ਗੰਭੀਰ ਰੂਪ ਤੋਂ ਦੇਖਦੇ ਹੋਏ ਦੋਵਾਂ ਵਿਅਕਤੀਆਂ ਵਿਰੁਧ ਰਾਸ਼ਟਰੀ ਸੁਰੱਖਿਆ ਕਾਨੂੰਨ ਲਗਾਉਣ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
