ਵਿਆਹ ਵਿਚ ਜਾਂਦੇ ਸਮੇਂ ਵਾਪਰਿਆ ਹਾਦਸਾ
ਰਾਜਸਥਾਨ : ਸਥਾਨਕ ਬਾੜਮੇਰ ਵਿੱਚ ਸੋਮਵਾਰ ਦੇਰ ਰਾਤ ਇੱਕ ਭਿਆਨਕ ਸੜਕ ਹਾਦਸੇ ਵਿੱਚ ਇੱਕੋ ਪਰਿਵਾਰ ਦੇ 8 ਜੀਆਂ ਦੀ ਮੌਤ ਹੋ ਗਈ ਹੈ। ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਇੱਕ ਵਿਆਹ ਸਮਾਗਮ ਵਿਚ ਜਾਂਦੇ ਸਮੇਂ ਵਾਪਰਿਆ ਹੈ। ਪੁਲਿਸ ਅਨੁਸਾਰ ਕਾਰ ਵਿੱਚ ਸੈਦੀਆ (ਜਲੋਰੇ) ਵਾਸੀ ਇੱਕ ਪਰਿਵਾਰ ਦੇ 9 ਮੈਂਬਰ ਸਵਾਰ ਸਨ, ਜਿਨ੍ਹਾਂ ਵਿੱਚੋਂ 8 ਦੀ ਮੌਤ ਹੋ ਗਈ। ਇਹ ਹਾਦਸਾ ਬਾੜਮੇਰ ਜ਼ਿਲ੍ਹੇ ਦੇ ਗੁਡਾਮਲਾਨੀ ਥਾਣੇ ਅਧੀਨ ਬਾਟਾ ਫਾਟੇ ਨੇੜੇ ਵਾਪਰਿਆ।
Accident
ਇਸ ਹਾਦਸੇ 'ਚ ਪੂਨਮਾਰਾਮ (45) ਪੁੱਤਰ ਧੀਮਾਰਾਮ, ਪ੍ਰਕਾਸ਼ (28) ਪੁੱਤਰ ਪੇਮਾਰਾਮ, ਮਨੀਸ਼ (12) ਪੁੱਤਰ ਪੂਨਮਾਰਾਮ, ਪ੍ਰਿੰਸ (5) ਪੁੱਤਰ ਮੰਗੀਲਾਲ, ਭਾਗੀਰਾਮ (38) ਪੁੱਤਰ ਪੋਕਰਾਮ ਅਤੇ ਪੂਨਮਾਰਾਮ (48) ਪੁੱਤਰ ਭਗਵਾਨਰਾਮ ਵਾਸੀ ਖਾਰਾ ਜਲੂਰ ਸਮੇਤ 6 ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦਕਿ ਮੰਗੀਲਾਲ (35) ਪੁੱਤਰ ਨੈਨਾਰਾਮ ਅਤੇ ਬੁਧਰਾਮ (40) ਪੁੱਤਰ ਕਾਨਾਰਾਮ ਦੀ ਇਲਾਜ ਦੌਰਾਨ ਮੌਤ ਹੋ ਗਈ।
Tragic accident
ਪ੍ਰਕਾਸ਼ (20) ਪੁੱਤਰ ਹਰਜੀਰਾਮ ਵਿਸ਼ਨੋਈ ਗੰਭੀਰ ਜ਼ਖਮੀ ਹੈ, ਜਿਸ ਦਾ ਸੰਚੌਰ ਦੇ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਹੈ। ਜਾਣਕਾਰੀ ਅਨੁਸਾਰ ਇਹ ਸਾਰੇ ਇੱਕ ਵਿਆਹ ਸਮਾਗਮ ਵਿਚ ਜਾ ਰਹੇ ਸਨ ਅਤੇ ਇਸ ਜਗ੍ਹਾ ਤੋਂ 8 ਕਿਲੋਮੀਟਰ ਪਹਿਲਾਂ ਸੜਕ ਹਾਦਸਾ ਹੋਇਆ ਸੀ।ਬਰਾਤ ਵਿਚ ਸ਼ਾਮਲ ਦੂਜੇ ਵਾਹਨ ਤੋਂ ਉਤਰ ਕੇ ਹੋਰਨਾਂ ਵਲੋਂ ਕਾਰ ਵਿਚ ਫਸੇ ਲੋਕਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਗਈ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਫਸੇ ਲੋਕਾਂ ਨੂੰ ਬੜੀ ਮੁਸ਼ਕਲ ਨਾਲ ਬਾਹਰ ਕੱਢਿਆ ਗਿਆ। ਵਿਆਹ ਦੀਆਂ ਖੁਸ਼ੀਆਂ ਸੋਗ ਵਿੱਚ ਬਦਲ ਗਈਆਂ।
