7 ਬੱਚਿਆਂ ਦੇ ਮਾਪਿਆਂ ਨੇ ਸ਼ਿਕਾਇਤ ਮਗਰੋਂ ਪੁਲਿਸ ਨੇ ਕੀਤੀ ਕਾਰਵਾਈ
ਕੋਚੀ : ਕੇਰਲ 'ਚ ਇਕ ਈਸਾਈ ਪਾਦਰੀ ਨੂੰ ਬੁਆਏ ਹੋਮ 'ਚ ਬੱਚਿਆਂ ਦਾ ਜਿਨਸੀ ਸ਼ੋਸ਼ਣ ਕਰਨ ਦੇ ਦੋਸ਼ 'ਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਮੁਲਜ਼ਮ ਦੀ ਪਛਾਣ ਫੈਂਸਿਸ ਜੋਰਜ ਵਜੋਂ ਹੋਈ ਹੈ ਅਤੇ ਉਹ ਕੋਚੀ 'ਚ ਸੈਕ੍ਰੇਡ ਹਾਰਟ ਬੁਆਏ ਹੋਮ ਦਾ ਡਾਇਰੈਕਟਰ ਹੈ। ਬੁਆਏ ਹੋਮ ਦੇ ਬੱਚਿਆਂ ਦੀ ਸ਼ਿਕਾਇਤ 'ਤੇ ਜੋਰਜ ਦੀ ਗ੍ਰਿਫ਼ਤਾਰੀ ਹੋਈ ਹੈ।
Child sexual abuse
ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਬੁਆਏ ਹੋਮ ਦੇ ਕੁਝ ਬੱਚੇ ਉੱਥੋਂ ਭੱਜ ਕੇ ਬਾਹਰ ਆਏ ਅਤੇ ਇਕ ਰਾਹਗੀਰ ਦੀ ਮਦਦ ਨਾਲ ਆਪਣੇ ਪਰਵਾਰ ਨੂੰ ਫ਼ੋਨ ਕੀਤਾ। ਬੱਚਿਆਂ ਨੇ ਫ਼ੋਨ 'ਤੇ ਆਪਣੀ ਆਪਬੀਤੀ ਸੁਣਾਈ। ਬਾਅਦ 'ਚ ਪਰਵਾਰ ਨੇ ਪੁਲਿਸ ਨਾਲ ਸੰਪਰਕ ਕੀਤਾ ਅਤੇ ਜੋਰਜ ਦੀ ਕਰਤੂਤ ਬਾਰੇ ਪ੍ਰਗਟਾਵਾ ਹੋਇਆ।
Child sexual abuse
ਪੱਲੁਰੂਥੀ ਪੁਲਿਸ ਥਾਣੇ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਪੇਰੂਪਡਮ ਬੁਆਏ ਹੋਮ ਦੇ ਡਾਇਰੈਕਟਰ ਫੈਂਸਿਸ ਜੋਰਜ ਉਰਫ਼ ਜੇਰੀ (40) ਨੂੰ ਬੱਚਿਆਂ ਦੇ ਮਾਪਿਆਂ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ 7 ਬੱਚਿਆਂ ਦੇ ਮਾਪਿਆਂ ਨੇ ਸ਼ਿਕਾਇਤ ਦਿੱਤੀ ਕਿ ਪਾਦਰੀ ਕਾਫ਼ੀ ਸਮੇਂ ਤੋਂ ਬੱਚਿਆਂ ਦਾ ਜਿਨਸੀ ਸ਼ੋਸ਼ਣ ਕਰ ਰਿਹਾ ਸੀ।
Child sexual abuse
ਬੁਆਏ ਹੋਮ 'ਚ ਰਹਿਣ ਵਾਲੇ ਬੱਚਿਆਂ ਮੁਤਾਬਕ ਜੋਰਜ ਦਸੰਬਰ 2018 ਤੋਂ ਬੱਚਿਆਂ ਦਾ ਜਿਨਸੀ ਸ਼ੋਸ਼ਣ ਕਰ ਰਿਹਾ ਸੀ। ਜੋਰਜ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਕੇ ਅਦਾਲਤ 'ਚ ਪੇਸ਼ ਕੀਤਾ, ਜਿੱਥੇ ਉਸ ਨੂੰ 14 ਦਿਨ ਦੀ ਨਿਆਂਇਕ ਹਿਰਾਸਤ 'ਚ ਭੇਜ ਦਿੱਤਾ ਗਿਆ ਹੈ।
