ਸਰ੍ਹੋਂ ਦਾ ਤੇਲ 135 ਰੁਪਏ ਤੋਂ ਘਟ ਕੇ 132 ਰੁਪਏ ਪ੍ਰਤੀ ਲਿਟਰ ’ਤੇ ਆ ਗਿਆ ਹੈ।
ਚੰਡੀਗੜ੍ਹ: ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿੱਚ ਲਗਾਤਾਰ ਧਰਨਾ ਜਾਰੀ ਹੈ। ਇਸ ਨਾਲ ਮਹਿੰਗਾਈ ਦੀ ਮਾਰ ਲਗਾਤਾਰ ਵਧਦੀ ਜਾ ਰਹੀ ਹੈ। ਆਵਾਜਾਈ ਬੰਦ ਹੋਣ ਨਾਲ ਸਬਜ਼ੀਆਂ ਤੇ ਦਾਲਾਂ ਤੋਂ ਬਾਅਦ ਹੁਣ ਖੰਡ, ਦੁੱਧ ਤੇ ਚਾਹ-ਪੱਤੀ ਜਿਹੇ ਜ਼ਰੂਰੀ ਪਦਾਰਥ ਵੀ ਮਹਿੰਗੇ ਹੋ ਗਏ ਹਨ।
ਜਾਣੋ ਕੀ ਹੈ ਕੀਮਤ
-ਖੰਡ ਦੀ ਔਸਤ ਕੀਮਤ 39 ਰੁਪਏ 58 ਪੈਸੇ ਪ੍ਰਤੀ ਕਿਲੋਗ੍ਰਾਮ ਸੀ; ਜੋ 7 ਦਸੰਬਰ ਨੂੰ ਵਧ ਕੇ 43 ਰੁਪਏ 38 ਪੈਸੇ ਹੋ ਗਈ।
- ਖੁੱਲ੍ਹੀ ਚਾਹ ਦੀਆਂ ਕੀਮਤਾਂ 238 ਰੁਪਏ 42 ਪੈਸੇ ਤੋਂ ਵਧ ਕੇ 266 ਰੁਪਏ ’ਤੇ ਪੁੱਜ ਗਈਆਂ ਹਨ।
-- ਦੁੱਧ ਦੇ ਭਾਅ ’ਚ ਵੀ ਲਗਭਗ 7 ਫ਼ੀ ਸਦੀ ਤੱਕ ਦਾ ਵਾਧਾ ਵੇਖਣ ਨੂੰ ਮਿਲ ਰਿਹਾ ਹੈ। ਦੁੱਧ ਦੀ ਕੀਮਤ 46 ਰੁਪਏ 74 ਪੈਸੇ ਤੋਂ ਵਧ ਕੇ 50 ਰੁਪਏ ਪ੍ਰਤੀ ਲਿਟਰ ’ਤੇ ਪੁੱਜ ਗਈ ਹੈ।
- ਟਮਾਟਰ 37.86 ਫ਼ੀਸਦੀ ਮਹਿੰਗਾ ਹੋ ਗਿਆ ਹੈ। ਟਮਾਟਰ ਦਾ ਭਾਅ ਲਗਪਗ 49 ਰੁਪਏ 88 ਪੈਸੇ ਪ੍ਰਤੀ ਕਿਲੋਗ੍ਰਾਮ ਤੱਕ ਪੁੱਜ ਗਿਆ ਹੈ, ਜਦਕਿ 30 ਨਵੰਬਰ ਨੂੰ ਇਹ ਭਾਅ 36 ਰੁਪਏ 18 ਪੈਸੇ ਪ੍ਰਤੀ ਕਿਲੋਗ੍ਰਾਮ ਸੀ।
-ਕਣਕ ਦੀ ਕੀਮਤ ਵਿੱਚ 19.45 ਫ਼ੀਸਦੀ ਕਮੀ ਦਰਜ ਕੀਤੀ ਗਈ ਹੈ। ਖ਼ੁਰਾਕੀ ਤੇਲਾਂ ਦੀ ਕੀਮਤ ਵਿੱਚ ਗਿਰਾਵਟ ਵੇਖਣ ਨੂੰ ਮਿਲੀ ਹੈ। ਖਜੂਰ ਦੇ ਤੇਲ (ਪਾਮ ਆਇਲ) ਦੀ ਕੀਮਤ 102 ਰੁਪਏ ਤੋਂ ਘਟ ਕੇ 92 ਰੁਪਏ ’ਤੇ ਆ ਗਈ ਹੈ।
-ਸੂਰਜਮੁਖੀ ਤੇਲ ਦਾ ਭਾਅ 124 ਰੁਪਏ ਤੋਂ ਘਟ ਕੇ 123 ਰੁਪਏ ’ਤੇ ਆ ਗਿਆ ਹੈ।
-ਸਰ੍ਹੋਂ ਦਾ ਤੇਲ 135 ਰੁਪਏ ਤੋਂ ਘਟ ਕੇ 132 ਰੁਪਏ ਪ੍ਰਤੀ ਲਿਟਰ ’ਤੇ ਆ ਗਿਆ ਹੈ।
