ਸੋਨਾ ਮਿਲੇਗਾ 999 ਸ਼ੁਧਤਾ ਨਾਲ ਪ੍ਰਮਾਣਤ ਟੈਂਪਰ ਪਰੂਫ਼ ਪੈਕ 'ਚ
ਨਵੀਂ ਦਿੱਲੀ: ਨਕਦੀ ਵਾਂਗ ਹੁਣ ਤੁਸੀਂ ਏ.ਟੀ.ਐਮ. ’ਚੋਂ ਸੋਨਾ ਵੀ ਕੱਢ ਸਕੋਗੇ| ਹੈਦਰਾਬਾਦ ’ਚ ਰੀਅਲ ਟਾਈਮ ਗੋਲਡ ਏ.ਟੀ.ਐਮ. ਲਾਇਆ ਗਿਆ ਹੈ| ਗੋਲਡ ਸਿੱਕਾ ਨੇ ਇਸ ਏ.ਟੀ.ਐਮ. ਨੂੰ ਹੈਦਰਾਬਾਦ ਸਥਿਤ ਫ਼ਰਮ ਓਪਨਕਿਊਬ ਤਕਨਾਲੋਜੀ ਦੀ ਮਦਦ ਨਾਲ ਲਾਇਆ ਹੈ| ਇਸ ਏ.ਟੀ.ਐਮ. ਤੋਂ ਲੋਕ ਅਪਣੇ ਡੈਬਿਟ ਅਤੇ ਕ੍ਰੈਡਿਟ ਕਾਰਡ ਦਾ ਇਸਤੇਮਾਲ ਕਰ ਕੇ ਸ਼ੁਧ ਸੋਨੇ ਦੇ ਸਿੱਕੇ ਕੱਢ ਸਕਦੇ ਹਨ|
ਗੋਲਡ ਸਿੱਕਾ ਦੇ ਸੀ.ਈ.ਓ. ਤਰੁਜ ਮੁਤਾਬਕ ਲੋਕ ਇਸ ਏ. ਟੀ. ਐੱਮ. ਦਾ ਇਸਤੇਮਾਲ ਕਰ ਕੇ 0.5 ਗ੍ਰਾਮ ਤੋਂ ਲੈ ਕੇ 100 ਗ੍ਰਾਮ ਤੱਕ ਸੋਨੇ ਦੇ ਸਿੱਕੇ ਖਰੀਦ ਸਕਦੇ ਹਨ| ਸਿੱਕਿਆਂ ਦੀ ਕੀਮਤ ਨੂੰ ਏ. ਟੀ. ਐੱਮ. ਦੀ ਸਕ੍ਰੀਨ ’ਤੇ ਲਾਈਵ ਦੇਖ ਵੀ ਸਕਦੇ ਹੋ| ਸਿੱਕੇ 999 ਸ਼ੁੱਧਤਾ ਨਾਲ ਪ੍ਰਮਾਣਿਤ ਟੈਂਪਰ ਪਰੂਫ਼ ਪੈਕ ’ਚ ਦਿਤੇ ਜਾਣਗੇ|
ਗੋਲਡਸਿੱਕਾ ਦੇ ਸੀਈਓ ਸੀ. ਤਰੁਜ ਅਨੁਸਾਰ ਕੰਪਨੀ ਪੇਡਾਪੱਲੀ ਵਾਰੰਗਲ ਅਤੇ ਕਰੀਮਨਗਰ ਵਿੱਚ ਵੀ ਸੋਨੇ ਦੇ ਏਟੀਐਮ ਖੋਲ੍ਹਣ ਦੀ ਤਿਆਰੀ ਕਰ ਰਹੀ ਹੈ| ਉਨ੍ਹਾਂ ਅਨੁਸਾਰ ਕੰਪਨੀ ਦੀ ਅਗਲੇ ਦੋ ਸਾਲਾਂ ਵਿੱਚ ਪੂਰੇ ਭਾਰਤ ਵਿੱਚ ਲਗਭਗ 3,000 ਗੋਲਡ ਏਟੀਐਮ ਖੋਲ੍ਹਣ ਦੀ ਯੋਜਨਾ ਹੈ| ਗੋਲਡ ਏਟੀਐਮ ਸੈਂਟਰ ਤੇਲੰਗਾਨਾ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਸੁਨੀਤਾ ਲਕਸ਼ਮਾਰੇਡੀ ਦੁਆਰਾ ਸਥਾਪਤ ਕੀਤਾ ਗਿਆ ਹੈ| ਕੰਪਨੀ ਮੁਤਾਬਕ ਇਸ ਏਟੀਐਮ ਨਾਲ ਗਾਹਕਾਂ ਨੂੰ 24 ਘੰਟੇ ਸੋਨਾ ਖ਼ਰੀਦਣ ਦੀ ਸਹੂਲਤ ਮਿਲੇਗੀ ਅਤੇ ਏਟੀਐਮ 24 ਘੰਟੇ ਉਪਲਬਧ ਰਹਿਣਗੇ| ਗੋਲਡ ਏ.ਟੀ.ਐਮ ਦੀ ਸ਼ੁਰੂਆਤ ਮੌਕੇ ਤੇਲੰਗਾਨਾ ਮਹਿਲਾ ਕਮਿਸ਼ਨ ਨਾਲ ਗੋਲਡਸਿੱਕਾ ਦੀ ਚੇਅਰਪਰਸਨ ਅੰਬਿਕਾ ਬਰਮਨ, ਓਪਨਕਿਊਬ ਟੈਕਨਾਲੋਜੀਜ਼ ਦੇ ਸੀ.ਈ.ਓ. ਪੀ. ਵਿਨੋਦ ਕੁਮਾਰ ਅਤੇ ਟੀ-ਹੱਬ ਦੇ ਸੀਈਓ ਐਮ. ਸ਼੍ਰੀਨਿਵਾਸ ਰਾਓ ਨੇ ਸ਼ਿਰਕਤ ਕੀਤੀ|
