ਟਰੰਪ ਵਾਲੀਆਂ ਪੈੜਾਂ ’ਤੇ ਤੁਰੇ PM ਮੋਦੀ, ਅਖੀਰੀ ਦਾਅ ਤਕ ਅੜਣ ਦੇ ਮੂੜ ’ਚ ਕੇਂਦਰ ਸਰਕਾਰ
Published : Jan 8, 2021, 4:15 pm IST
Updated : Jan 8, 2021, 4:36 pm IST
SHARE ARTICLE
Donald Trump, PM Narendra Modi
Donald Trump, PM Narendra Modi

ਕਿਸਾਨ ਅੰਦੋਲਨ ਨੂੰ ਲੰਮਾ ਖਿੱਚਣ ਲਈ ਬਜਿੱਦ ਕੇਂਦਰ ਸਰਕਾਰ, ਮੁੜ ਅਲਾਪਿਆ ਪੁਰਾਣਾ ਰਾਗ

ਨਵੀਂ ਦਿੱਲੀ : ਕਿਸਾਨ ਜਥੇਬੰਦੀਆਂ ਅਤੇ ਸਰਕਾਰ ਵਿਚਾਲੇ ਚੱਲ ਰਹੀ 8ਵੇਂ ਗੇੜ ਦੀ ਗੱਲਬਾਤ ਵੀ ਬੇਸਿੱਟਾ ਰਹਿਣ ਦੇ ਅਸਾਰ ਨਜ਼ਰ ਆ ਰਹੇ ਹਨ। ਸੱਤਾਧਾਰੀ ਧਿਰ ਵਲੋਂ ਪਿਛਲੇ ਦਿਨਾਂ ਦੌਰਾਨ ਵਿਖਾਏ ਜਾ ਰਹੇ ਤੇਵਰ ਵੀ ਇਸੇ ਵੱਲ ਹੀ ਇਸ਼ਾਰਾ ਕਰਦੇ ਹਨ। ਮੀਟਿੰਗ ਦੇ ਸ਼ੁਰੂਆਤ ਵਿਚ ਆ ਰਹੀਆਂ ਖ਼ਬਰਾਂ ਤੋਂ ਵੀ ਇਹੋ ਸੰਕੇਤ ਮਿਲ ਰਹੇ ਹਨ ਕਿ ਸਰਕਾਰ ਕਿਸਾਨਾਂ ਦੇ ਦਮ-ਖਮ ਨੂੰ ਆਖ਼ਰੀ ਦਾਅ ਤਕ ਪਰਖਣ ਦੇ ਰੌਂਅ ਵਿਚ ਹੈ। 

FARMER PROTESTFARMER PROTEST

ਸੱਤਾਧਾਰੀ ਧਿਰ ਸਾਰੇ ਦਾਅ ਪੁੱਠੇ ਪੈਣ ਦੇ ਬਾਵਜੂਦ ਗੱਲ ਵਿਚੋਂ ਗੱਲ ਕੱਢ ਕੇ ਸੰਘਰਸ਼ ਨੂੰ ਲੰਮੇਰਾ ਖਿੱਚਣ ਦਾ ਕੋਈ ਵੀ ਮੌਕਾ ਹੱਥੋਂ ਨਹੀਂ ਜਾਣ ਦੇ ਰਹੀ। ਨੌਬਤ ਇੱਥੋਂ ਤਕ ਪਹੁੰਚ ਚੁੱਕੀ ਹੈ ਕਿ ਭਾਜਪਾ ਆਗੂਆਂ ਦੇ ਜ਼ਿਆਦਾਤਰ ਬਿਆਨ ਆਪਾ-ਵਿਰੋਧੀ ਸਾਬਤ ਹੋਣ ਲੱਗੇ ਹਨ। ਇੰਨਾ ਕੁੱਝ ਹੋਣ ਦੇ ਬਾਵਜੂਦ ਵੀ ਭਾਜਪਾ ਆਗੂ ਕਾਨੂੰਨਾਂ ਨੂੰ ਸਹੀ ਸਾਬਤ ਕਰਨ ਦੀ ਕੋਸ਼ਿਸ਼ ਤੋਂ ਫ਼ਿਲਹਾਲ ਪਿੱਛੇ ਹੱਟਣ ਨੂੰ ਤਿਆਰ ਨਹੀਂ ਹਨ। 

delhi delhi

ਇਸੇ ਦੌਰਾਨ ਅਮਰੀਕਾ ਵਿਚ ਵਾਪਰੀ ਬੀਤੇ ਕੱਲ੍ਹ ਦੇ ਘਟਨਾ ਨੂੰ ਲੈ ਕੇ ਨਵੀਂ ਬਹਿਸ਼ ਛਿੜ ਗਈ ਹੈ। ਅਮਰੀਕਾ ਵਿਚ ਵਾਪਰੀ ਘਟਨਾ ’ਤੇ ਭਾਵੇਂ ਦੁਨੀਆਂ ਭਰ ਦੀਆਂ ਨਜ਼ਰਾਂ ਟਿੱਕੀਆਂ ਹੋਈਆਂ ਹਨ, ਪਰ ਕਿਸਾਨੀ ਸੰਘਰਸ਼ ਨਾਲ ਜੁੜੇ ਚਿੰਤਕ ਅਮਰੀਕਾ ਦੀਆਂ ਘਟਨਾਵਾਂ ਨੂੰ ਕਿਸਾਨੀ ਸੰਘਰਸ਼ ਦੇ ਸੰਦਰਭ ਵਿਚ ਵੀ ਵੇਖਣ ਲੱਗੇ ਹਨ। ਚੱਲ ਰਹੀਆਂ ਚਰਚਾਵਾਂ ’ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਸੁਭਾਅ ਅਤੇ ਕਾਰਜਵਿਧੀ ਵਿਚਲੀਆਂ ਸਮਾਨਤਾਵਾਂ ਦਾ ਵਿਸ਼ੇਸ਼ ਜ਼ਿਕਰ ਹੋ ਰਿਹਾ ਹੈ। 

Donald Trump, PM ModiDonald Trump, PM Modi

ਦੋਵਾਂ ਆਗੂਆਂ ਵਿਚਾਲੇ ਸਮਾਨਤਾਵਾਂ ਦਾ ਪ੍ਰਗਟਾਵਾ 20 ਸਤੰਬਰ 2019 ਨੂੰ ਪਹਿਲਾਂ ਅਮਰੀਕਾ ਦੇ ਸ਼ਹਿਰ ਹਾਊਸਟਨ ਵਿਖੇ ਹਾਓਡੀ ਮੋਡੀ ਨਾਮ ਹੇਠ ਕੀਤੀ ਗਈ ਰੈਲੀ ਦੌਰਾਨ ਵੀ ਹੋਇਆ ਸੀ। ਉਸ ਸਮੇਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਾਰੋਬਾਰੀ ਸੁਭਾਅ ਗੁਜਰਾਤੀਆਂ ਦਾ ਵਿਸ਼ੇਸ਼ ਗੁਣ ਦੱਸਿਆ ਸੀ। ਦੂਜੇ ਪਾਸੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਪਿਛੋਕੜ ਵੀ ਇਕ ਵੱਡੇ ਕਾਰੋਬਾਰੀ ਵਾਲਾ ਹੈ। ਇਹ ਆਮ ਧਾਰਨਾ ਹੈ ਕਿ ਕਾਰੋਬਾਰੀਆਂ ਦੇ ਸਿਆਸਤ ਵਿਚ ਆਉਣ ’ਤੇ ਆਮ ਲੋਕਾਈ ਦਾ ਕੋਈ ਬਹੁਤਾ ਭਲਾ ਨਹੀਂ ਹੁੰਦਾ।

pm modipm modi

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀਆਂ ਕਾਰਪੋਰੇਟ-ਪੱਖੀ ਨੀਤੀਆਂ ਅਤੇ ਆਪਣੀ ਗੱਲ ਹਰ ਹਾਲ ਪੁਗਾਉਣ ਦੀ ਬਿਰਤੀ ਨੂੰ ਡੋਰਾਲਡ ਟਰੰਪ ਦੇ ਸੁਭਾਅ ਨਾਲ ਜੋੜ ਕੇ ਵੇਖਣ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ਹੈ। ਅਮਰੀਕਾ ਵਿਚ ਹੋਈਆਂ ਚੋਣਾਂ ’ਚ ਭਾਵੇਂ ਡੋਨਾਲਡ ਟਰੰਪ ਵੋਟਾਂ ਪੱਖੋਂ ਹਾਰ ਗਏ ਸਨ, ਪਰ ਉੁਨ੍ਹਾਂ ਦੀ ਖੁਦ ਨੰੂ ਸਹੀ ਸਾਬਤ ਕਰਨ ਦੀ ਬਿਰਤੀ ਨੇ ਉਨ੍ਹਾਂ ਨੂੰ ਹਾਰ ਸਵੀਕਾਰਨ ਤੋਂ ਰੋਕੀ ਰੱਖਿਆ ਜਿਸ ਦੀ ਨਤੀਜਾ ਬੀਤੇ ਕੱਲ੍ਹ ਵਾਪਰੀ ਘਟਨਾ ਦੇ ਰੂਪ ਵਿਚ ਸਾਹਮਣੇ ਆਇਆ ਹੈ, ਜਿਸ ਨੇ ਅਮਰੀਕਾ ਦਾ ਪੂਰੀ ਦੁਨੀਆਂ ’ਚ ਸਿਰ ਨੀਵਾਂ ਕਰਵਾਇਆ ਹੈ।

Kisan UnionsKisan Unions

ਅਮਰੀਕਾ ਵਰਗੇ ਹੀ ਹਾਲਾਤ ਇਸ ਵੇਲੇ ਭਾਰਤ ਅੰਦਰ ਬਣੇ ਹੋਏ ਹਨ ਜਿੱਥੇ ਖੇਤੀ ਕਾਨੂੰਨਾਂ ਖਿਲਾਫ਼ ਵੱਡੀ ਪੱਧਰ ’ਤੇ ਰੋਸ ਮੁਜਾਹਰੇ ਹੋ ਰਹੇ ਹਨ ਜਦਕਿ ਸਰਕਾਰ ਖੇਤੀ ਕਾਨੂੰਨ ਸਹੀ ਹਨ, ਦੀ ਰੱਟ ਤਿਆਗਣ ਲਈ ਤਿਆਰ ਨਹੀਂ। ਇਸ ਪਿਛੇ ਵੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਹੱਠ ਧਰਮੀ ਨੂੰ ਮੰਨਿਆ ਜਾ ਰਿਹਾ ਹੈ, ਜੋ ਟਰੰਪ ਵਾਂਗ ਕਿਸਾਨਾਂ ਦੀ ਗੱਲ ਮੰਨਣ ਲਈ ਤਿਆਰ ਨਹੀਂ ਹਨ ਅਤੇ ਖੁਦ ਦੇ ਬਣਾਏ ਕਾਨੂੰਨਾਂ ਨੂੰ ਸਹੀ ਸਾਬਤ ਕਰਨ ਦੀ ਜਿੱਦ ’ਤੇ ਅੜੇ ਹੋਏ ਹਨ। ਸ਼ਾਇਦ ਉਹ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵਾਂਗ ਗੱਲ ਹਰ ਪੱਧਰ ’ਤੇ ਹੱਥੋਂ ਨਿਕਲਣ ਬਾਅਦ ਹੀ ਕਿਸਾਨਾਂ ਦੀ ਗੱਲ ਮੰਨਣ ਲਈ ਤਿਆਰ ਹੋਣਗੇ ਜਿਵੇਂ ਡੋਨਾਲਡ ਟਰੰਪ ਨੇ ਹੁਣ ਆਪਣੀ ਹਾਰ ਕਬੂਲ ਕਰ ਲਈ ਹੈ। ਖੇਤੀ ਸੰਘਰਸ਼ ਨਾਲ ਜੁੜੇ ਚਿੰਤਕ ਮਸਲੇ ਦੇ ਲਮਕਣ ਅਤੇ ਸਰਕਾਰ ਦੀਆਂ ਮਾਨਸ਼ਾਵਾਂ ਨੂੰ ਲੈ ਕੇ ਵੱਡੀ ਚਿੰਤਾ ਵਿਚ ਹਨ ਅਤੇ ਮਸਲੇ ਦੇ ਛੇਤੀ ਹੱਲ ਲਈ ਦੁਆਵਾਂ ਕਰ ਰਹੇ ਹਨ।
   

Location: India, Delhi, New Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Mukhtar Ansari ਦੀ ਹੋਈ ਮੌਤ, Jail 'ਚ ਪਿਆ ਦਿਲ ਦਾ ਦੌਰਾ, UP ਦੇ ਕਈ ਜ਼ਿਲ੍ਹਿਆਂ 'ਚ High Alert

29 Mar 2024 9:33 AM

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM
Advertisement