Aligarh Accident News: ਮੁਲਜ਼ਮ ਨੂੰ ਪੇਸ਼ੀ ਲਈ ਮੁਜ਼ੱਫਰਨਗਰ ਤੋਂ ਬੁਲੰਦਸ਼ਹਿਰ ਲੈ ਜਾ ਰਹੇ ਸਨ ਪੁਲਿਸ ਅਧਿਕਾਰੀ
Aligarh Accident News in punjabi: ਉੱਤਰ ਪ੍ਰਦੇਸ਼ ਦੇ ਅਲੀਗੜ੍ਹ ਵਿੱਚ, ਵੀਰਵਾਰ ਨੂੰ ਮੁਲਜ਼ਮਾਂ ਨੂੰ ਲੈ ਕੇ ਜਾ ਰਹੀ ਇੱਕ ਪੁਲਿਸ ਵੈਨ ਹਾਈਵੇਅ 'ਤੇ ਖੜ੍ਹੇ ਇੱਕ ਕੈਂਟਰ ਨਾਲ ਟਕਰਾ ਗਈ। ਲੋਢਾ ਥਾਣਾ ਖੇਤਰ ਵਿੱਚ ਹੋਏ ਇਸ ਹਾਦਸੇ ਵਿੱਚ ਵੈਨ ਵਿੱਚ ਸਵਾਰ ਚਾਰ ਪੁਲਿਸ ਮੁਲਾਜ਼ਮਾਂ ਅਤੇ ਇੱਕ ਮੁਲਜ਼ਮ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਇੰਸਪੈਕਟਰ ਰਾਮਸਾਜੀਵਨ, ਕਾਂਸਟੇਬਲ ਬਲਵੀਰ, ਡਰਾਈਵਰ ਚੰਦਰਪਾਲ, ਰਘੂਵੀਰ ਅਤੇ ਕੈਦੀ ਗੁਲਸ਼ਨਵਰ ਵਜੋਂ ਹੋਈ ਹੈ। ਜ਼ਖ਼ਮੀਆਂ ਵਿੱਚ ਸਿਪਾਹੀ ਰਘੂਵੀਰ ਅਤੇ ਸ਼ੇਰਪਾਲ ਸਿੰਘ ਸ਼ਾਮਲ ਹਨ।
ਲੋਢਾ ਥਾਣੇ ਦੇ ਚਿਕਾਵਤੀ ਪਿੰਡ ਨੇੜੇ ਸੜਕ ਕਿਨਾਰੇ ਇੱਕ ਕੈਂਟਰ ਖੜ੍ਹਾ ਸੀ, ਜਿਸ ਨੂੰ ਪਿੱਛੇ ਤੋਂ ਇੱਕ ਪੁਲਿਸ ਵੈਨ ਨੇ ਟੱਕਰ ਮਾਰ ਦਿੱਤੀ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਵੈਨ ਦਾ ਅਗਲਾ ਹਿੱਸਾ ਪੂਰੀ ਤਰ੍ਹਾਂ ਨੁਕਸਾਨਿਆ ਗਿਆ। ਸਥਾਨਕ ਪੁਲਿਸ ਅਤੇ ਪਿੰਡ ਵਾਸੀਆਂ ਦੀ ਮਦਦ ਨਾਲ ਲਾਸ਼ਾਂ ਨੂੰ ਬਾਹਰ ਕੱਢਿਆ ਗਿਆ। ਵਾਹਨਾਂ ਨੂੰ ਕਰੇਨ ਦੀ ਮਦਦ ਨਾਲ ਸੜਕ ਤੋਂ ਹਟਾਇਆ ਗਿਆ।
ਅਲੀਗੜ੍ਹ ਦੇ ਐਸਪੀ ਸਿਟੀ ਮ੍ਰਿਗਾਂਕ ਸ਼ੇਖਰ ਪਾਠਕ ਨੇ ਕਿਹਾ ਕਿ ਫਿਰੋਜ਼ਾਬਾਦ ਦੇ ਪੁਲਿਸ ਕਰਮਚਾਰੀ ਦੋਸ਼ੀ ਗੈਂਗਸਟਰ ਗੁਲਸ਼ਨਵਰ ਨੂੰ ਪੇਸ਼ੀ ਲਈ ਸਰਕਾਰੀ ਪੁਲਿਸ ਗੱਡੀ ਵਿੱਚ ਮੁਜ਼ੱਫਰਨਗਰ ਤੋਂ ਬੁਲੰਦਸ਼ਹਿਰ ਲੈ ਜਾ ਰਹੇ ਸਨ। ਪੁਲਿਸ ਵੈਨ ਚਿਕਾਵਤੀ ਮੋਡ 'ਤੇ ਖੜ੍ਹੇ ਇੱਕ ਕੈਂਟਰ ਨਾਲ ਟਕਰਾ ਗਈ।
ਇਸ ਵਿੱਚ ਐਸਆਈ ਰਾਮਸਾਜੀਵਨ, ਕਾਂਸਟੇਬਲ ਬਲਵੀਰ, ਰਘੂਵੀਰ, ਡਰਾਈਵਰ ਕਾਂਸਟੇਬਲ ਚੰਦਰਪਾਲ ਅਤੇ ਦੋਸ਼ੀ ਗੁਲਸ਼ਨਵਰ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਜ਼ਖਮੀ ਸਿਪਾਹੀ ਸ਼ੇਰਪਾਲ ਸਿੰਘ ਨੂੰ ਮੈਡੀਕਲ ਕਾਲਜ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਪੁਲਿਸ ਨੇ 5 ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।
(For more news apart from 'PSEB Class 10th and 12th Board Result 2025' , stay tuned to Rozana Spokesman)
