ਦਸੰਬਰ ਮਹੀਨੇ ਦੀ ਸ਼ੁਰੂਆਤ ਹੁੰਦੇ ਹੀ ਰਾਜਧਾਨੀ ਦਿੱਲੀ ਵਿਚ ਠੰਡ ਨੇ ਅਪਣਾ ਅਸਰ ਵਿਖਾਉਣਾ ਸ਼ੁਰੂ ਕਰ ਦਿਤਾ ਹੈ।ਦੱਸ ਦਈਏ ਕਿ ਤਾਪਮਾਨ ਲਗਾਤਾਰ ਡਿੱਗ ਰਿਹਾ ਹੈ ...
ਨਵੀਂ ਦਿੱਲੀ (ਭਾਸਾ): ਦਸੰਬਰ ਮਹੀਨੇ ਦੀ ਸ਼ੁਰੂਆਤ ਹੁੰਦੇ ਹੀ ਰਾਜਧਾਨੀ ਦਿੱਲੀ ਵਿਚ ਠੰਡ ਨੇ ਅਪਣਾ ਅਸਰ ਵਿਖਾਉਣਾ ਸ਼ੁਰੂ ਕਰ ਦਿਤਾ ਹੈ।ਦੱਸ ਦਈਏ ਕਿ ਤਾਪਮਾਨ ਲਗਾਤਾਰ ਡਿੱਗ ਰਿਹਾ ਹੈ ਅਤੇ ਦਿੱਲੀ ਸਵੇਰੇ, ਸ਼ਾਮ ਧੁੰਦ ਦੀ ਚਾਦਰ ਵਿਚ ਲਿਪਟੀ ਹੋਈ ਨਜ਼ਰ ਆ ਰਹੀ ਹੈ। ਸ਼ਨੀਵਾਰ ਸਵੇਰੇ ਸਫਦਰਗੰਜ ਇਲਾਕੇ ਵਿਚ ਤਾਪਮਾਨ 9 ਡਿਗਰੀ ਸੈਲਸਿਅਸ ਦਰਜ ਕੀਤਾ ਗਿਆ, ਜਦੋਂ ਕਿ ਵਿਜ਼ਿਬਿਲਿਟੀ 0.5 ਰਹੀ ਹੈ।
ਉਥੇ ਹੀ, ਪਾਲਮ ਇਲਾਕੇ ਵਿਚ ਤਾਪਮਾਨ 9 ਡਿਗਰੀ ਰਿਹਾ। ਦਿੱਲੀ ਦੀ ਹਵਾ ਗੁਣਵੱਤਾ ਸ਼ੁੱਕਰਵਾਰ ਨੂੰ ਵੀ ਬਹੁਤ ਖ਼ਰਾਬ ਸ਼੍ਰੇਣੀ ਵਿਚ ਰਹੀ। ਸ਼ੁੱਕਰਵਾਰ ਨੂੰ ਕੁਲ ਹਵਾ ਗੁਣਵੱਤਾ ਸੂਚਕ ਅੰਕ 346 ਦਰਜ ਕੀਤਾ ਗਿਆ। ਨਾਲ ਹੀ ਹਵਾ ਦੀ ਹੌਲੀ ਰਫ਼ਤਾਰ ਵਰਗੀ ਮੌਸਮੀ ਹਲਾਤ ਦੇ ਕਾਰਨ ਸ਼ਹਿਰ ਵਿਚ ਚਾਰ ਇਲਾਕੀਆਂ ਵਿਚ ਹਵਾ ਗੁਣਵੱਤਾ ''ਗੰਭੀਰ'' ਦਰਜ ਕੀਤੀ ਗਈ। ਮੁੰਡਕਾ, ਨੇਹਰੂ ਨਗਰ, ਰੋਹੀਣੀ ਅਤੇ ਵਜੀਰਪੁਰ ਵਿਚ ਹਵਾ ਗੁਣਵੱਤਾ 'ਗੰਭੀਰ' ਸ਼੍ਰੇਣੀ ਵਿਚ ਦਰਜ ਕੀਤੀ ਗਈ।
ਸੀਪੀਸੀਬੀ ਦੇ ਆਂਕੜੀਆਂ ਦੇ ਮੁਤਾਬਕ, ਐਨਸੀਆਰ ਵਿਚ ਗਾਜ਼ਿਆਬਾਦ, ਫਰੀਦਾਬਾਦ ਅਤੇ ਨੋਇਡਾ ਵਿਚ ਹਵਾ ਗੁਣਵੱਤਾ 'ਬਹੁਤ ਖ਼ਰਾਬ' ਸ਼੍ਰੇਣੀ ਵਿਚ ਦਰਜ ਕੀਤੀ ਗਈ।ਸੁਪ੍ਰੀਮ ਕੋਰਟ ਵਲੋਂ ਗਠਿਤ ਵਾਤਾਵਰਣ ਪ੍ਰਦੂਸ਼ਣ ਕੰਟਰੋਲ ਅਥਾਰਟੀ (ਈਪੀਸੀਏ) ਨੇ ਦਿੱਲੀ-ਐਨਸੀਆਰ ਵਿਚ ਰਾਜ ਅਤੇ ਕੇਂਦਰ ਸਰਕਾਰ ਦੇ ਅਧਿਕਾਰੀਆਂ ਵਲੋਂ ਟੈਕਸੀ ਦੇ ਰੂਪ ਵਿਚ ਕਿਰਾਏ ਉਤੇ ਲਈ ਗਈ ਨਿਜੀ ਡੀਜ਼ਲ ਗੱਡੀਆਂ ਦੀ ਵਰਤੋਂ ਉੱਤੇ ਚਿੰਤਾ ਜਾਗਰ ਕੀਤੀ।
ਈਪੀਸੀਏ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਕੇਂਦਰ ਅਤੇ ਰਾਜ ਸਰਕਾਰਾਂ ਦੇ ਕਈ ਅਧਿਕਾਰੀ ਦਿੱਲੀ ਅਤੇ ਐਨਸੀਆਰ ਦੇ ਅੰਦਰ ਆਉਣ- ਜਾਣ ਲਈ ਟੈਕਸੀ ਦੇ ਤੌਰ 'ਤੇ ਕਿਰਾਏ 'ਤੇ ਲਈ ਨਿਜੀ ਡੀਜ਼ਲ ਗੱਡੀਆਂ ਦੀ ਵਰਤੋਂ ਕਰ ਰਹੇ ਹਨ ਅਤੇ ਉਨ੍ਹਾਂ ਨੇ ਇਸ ਦੇ ਲਈ ਸਪਸ਼ਟੀਕਰਨ ਮੰਗਿਆ ਹੈ।