NPPA ਦੇਸ਼ ਵਿਚ ਬਲਕ ਦਵਾਈਆਂ ਅਤੇ ਫਾਰਮੂਲੇ ਦੀਆਂ ਕੀਮਤਾਂ ਨੂੰ ਨਿਯੰਤ੍ਰਿਤ ਅਤੇ ਨਿਸ਼ਚਿਤ ਕਰਦਾ ਹੈ ਅਤੇ ਸੰਸ਼ੋਧਿਤ ਕਰਦਾ ਹੈ
ਨਵੀਂ ਦਿੱਲੀ : ਨੈਸ਼ਨਲ ਫਾਰਮਾਸਿਊਟੀਕਲ ਪ੍ਰਾਈਸਿੰਗ ਰੈਗੂਲੇਟਰ (ਐਨਪੀਪੀਏ) ਨੇ ਸ਼ੁੱਕਰਵਾਰ ਨੂੰ ਦਸਿਆ ਕਿ ਉਸ ਨੇ 23 ਦਵਾਈਆਂ ਦੀਆਂ ਪ੍ਰਚੂਨ ਕੀਮਤਾਂ ਤੈਅ ਕੀਤੀਆਂ ਹਨ। ਇਨ੍ਹਾਂ ਵਿਚ ਸ਼ੂਗਰ ਅਤੇ ਹਾਈ ਬਲੱਡ ਪ੍ਰੈਸ਼ਰ ਦੇ ਇਲਾਜ ਲਈ ਦਵਾਈਆਂ ਸ਼ਾਮਲ ਹਨ। NPPA ਨੇ 26 ਮਈ 2023 ਨੂੰ ਹੋਈ 113ਵੀਂ ਮੀਟਿੰਗ ਵਿਚ ਡਰੱਗਜ਼ ਆਰਡਰ 13 ਦੇ ਤਹਿਤ ਕੀਮਤਾਂ ਤੈਅ ਕੀਤੀਆਂ ਹਨ।
ਐਨ.ਪੀ.ਪੀ.ਏ. ਨੇ ਇਸ ਸਬੰਧੀ ਹੁਕਮ ਜਾਰੀ ਕਰ ਦਿੱਤੇ ਹਨ। ਹੁਕਮਾਂ ਅਨੁਸਾਰ ਸ਼ੂਗਰ ਵਿਚ ਲਾਭਦਾਇਕ ਗਲਾਈਕਲਾਜ਼ਾਈਡ ਈਆਰ ਅਤੇ ਮੈਟਫੋਰਮਿਨ ਹਾਈਡ੍ਰੋਕਲੋਰਾਈਡ ਦੀ ਇਕ ਗੋਲੀ ਦੀ ਕੀਮਤ 10.03 ਰੁਪਏ ਰੱਖੀ ਗਈ ਹੈ। ਇਸ ਤੋਂ ਇਲਾਵਾ ਵਿਭਾਗ ਨੇ ਟੈਲਮੀਸਾਰਟਨ, ਕਲੋਰਥੈਲੀਡੋਨ ਅਤੇ ਸਿਲਨੀਡੀਪੀਨ ਦੀ ਇਕ-ਇਕ ਗੋਲੀ ਦੀ ਕੀਮਤ 13.17 ਰੁਪਏ ਜਦਕਿ ਟ੍ਰਾਈਪਸਿਨ, ਬ੍ਰੋਮੇਲੇਨ, ਰੂਟੋਸਾਈਡ ਟ੍ਰਾਈਹਾਈਡ੍ਰੇਟ ਅਤੇ ਡਿਕਲੋਫੇਨੈਕ ਸੋਡੀਅਮ ਦੀ ਇਕ-ਇਕ ਗੋਲੀ ਦੀ ਕੀਮਤ 20.51 ਰੁਪਏ ਰੱਖੀ ਹੈ।NPPA ਨੇ 2013 ਦੇ ਆਦੇਸ਼ਾਂ ਦੇ ਤਹਿਤ 15 ਅਨੁਸੂਚਿਤ ਫਾਰਮੂਲੇ ਦੀ ਸੀਲਿੰਗ ਕੀਮਤ ਨੂੰ ਵੀ ਸੋਧਿਆ ਹੈ। ਹੁਕਮਾਂ ਦੇ ਅਨੁਸਾਰ, ਅਨੁਸੂਚਿਤ ਫਾਰਮੂਲੇ ਦੀ ਸੀਲਿੰਗ ਕੀਮਤ ਵੀ ਨਿਰਧਾਰਤ ਅਤੇ ਸੰਸ਼ੋਧਿਤ ਕੀਤੀ ਗਈ ਹੈ।
NPPA ਦੇਸ਼ ਵਿਚ ਬਲਕ ਦਵਾਈਆਂ ਅਤੇ ਫਾਰਮੂਲੇ ਦੀਆਂ ਕੀਮਤਾਂ ਨੂੰ ਨਿਯੰਤ੍ਰਿਤ ਅਤੇ ਨਿਸ਼ਚਿਤ ਕਰਦਾ ਹੈ ਅਤੇ ਸੰਸ਼ੋਧਿਤ ਕਰਦਾ ਹੈ। ਵਿਭਾਗ ਦੇਸ਼ ਵਿਚ ਦਵਾਈਆਂ ਦੀ ਉਪਲਬਧਤਾ ਨੂੰ ਵੀ ਯਕੀਨੀ ਬਣਾਉਂਦਾ ਹੈ। ਦਵਾਈਆਂ ਦੀਆਂ ਕੀਮਤਾਂ 'ਤੇ ਵੀ ਨਜ਼ਰ ਰੱਖਦੀ ਹੈ। ਇਸ ਦੇ ਨਾਲ ਹੀ ਇਹ ਗਾਹਕਾਂ ਤੋਂ ਵਸੂਲੇ ਜਾਣ ਵਾਲੇ ਵਾਧੂ ਭਾਅ ਦੀ ਵੀ ਵਸੂਲੀ ਕਰਦਾ ਹੈ।
ਕੇਂਦਰੀ ਸਿਹਤ ਮੰਤਰਾਲੇ ਨੇ ਪਿਛਲੇ ਸ਼ੁੱਕਰਵਾਰ ਨੂੰ 14 ਫਿਕਸਡ ਡੋਜ਼ ਕੰਬੀਨੇਸ਼ਨ ਦਵਾਈਆਂ 'ਤੇ ਪਾਬੰਦੀ ਲਗਾ ਦਿਤੀ ਸੀ। ਪਾਬੰਦੀਸ਼ੁਦਾ ਦਵਾਈਆਂ ਕਲੋਫੇਨਿਰਾਮਾਈਨ ਮੈਲੇਟ ਅਤੇ ਕੋਡੀਨ ਸੀਰਪ, ਫੋਲਕੋਡਾਈਨ ਅਤੇ ਪ੍ਰੋਮੇਥਾਜ਼ੀਨ, ਅਮੋਕਸੋਲੀਨ ਅਤੇ ਬ੍ਰੋਮਹੈਕਸੀਨ ਦੇ ਸੁਮੇਲ ਤੋਂ ਇਲਾਵਾ ਜ਼ੁਕਾਮ ਅਤੇ ਖੰਘ, ਬੁਖਾਰ ਘਟਾਉਣ ਵਾਲੀਆਂ ਨਾਈਮੇਸੁਲਾਇਡ ਅਤੇ ਪੈਰਾਸੀਟਾਮੋਲ ਗੋਲੀਆਂ ਵਰਗੀਆਂ ਆਮ ਲਾਗਾਂ ਤੋਂ ਇਲਾਵਾ ਸਨ।ਇਨ੍ਹਾਂ ਤੋਂ ਇਲਾਵਾ ਬ੍ਰੋਹੇਕਸਾਈਨ ਅਤੇ ਡੈਕਸਟ੍ਰੋਮੇਥੋਰਫਾਨ ਅਤੇ ਅਮੋਨੀਅਮ ਕਲੋਰਾਈਡ ਅਤੇ ਮੇਨਥੌਲ, ਪੈਰਾਸੀਟਾਮੋਲ ਅਤੇ ਬ੍ਰੋਹੇਕਸਾਈਨ ਅਤੇ ਫੀਨੀਲੇਫ੍ਰਾਈਨ ਅਤੇ ਕਲੋਰਫੇਨਿਰਾਮਾਈਨ ਅਤੇ ਗੁਆਈਫੇਨੇਸਿਨ ਅਤੇ ਸਲਬੂਟਾਮੋਲ ਅਤੇ ਬ੍ਰੋਹੇਕਸੀਨ ਦੇ ਸੁਮੇਲ ਵਾਲੀਆਂ ਦਵਾਈਆਂ ਸ਼ਾਮਲ ਸਨ।
