ਔਰੰਗਾਬਾਦ ਵਿਚ ਮਨੁੱਖਤਾ ਨੂੰ ਸ਼ਰਮਿੰਦਾ ਕਰਨ ਵਾਲੀ ਇਕ ਘਟਨਾ ਵਿਚ ਬੇਟੇ ਨੇ ਅਪਣੀ 90 ਸਾਲਾ ਮਾਂ ਨੂੰ ਜੰਗਲ ਵਿਚ ਸੁੱਟ ਦਿਤਾ ਅਤੇ ਉਥੋਂ ਫ਼ਰਾਰ ਹੋ ਗਿਆ

ਔਰੰਗਾਬਾਦ, 8 ਅਗੱਸਤ : ਔਰੰਗਾਬਾਦ ਵਿਚ ਮਨੁੱਖਤਾ ਨੂੰ ਸ਼ਰਮਿੰਦਾ ਕਰਨ ਵਾਲੀ ਇਕ ਘਟਨਾ ਵਿਚ ਬੇਟੇ ਨੇ ਅਪਣੀ 90 ਸਾਲਾ ਮਾਂ ਨੂੰ ਜੰਗਲ ਵਿਚ ਸੁੱਟ ਦਿਤਾ ਅਤੇ ਉਥੋਂ ਫ਼ਰਾਰ ਹੋ ਗਿਆ। ਦਸਿਆ ਜਾ ਰਿਹਾ ਹੈ ਕਿ ਬਜ਼ੁਰਗ ਕੋਰੋਨਾ ਪਾਜ਼ੇਟਿਵ ਸੀ ਜਿਸ ਤੋਂ ਬਾਅਦ ਘਰ ਦੇ ਮੈਂਬਰ ਬਜ਼ੁਰਗ ਨੂੰ ਅਪਣੇ ਨਾਲ ਰੱਖਣ ਲਈ ਤਿਆਰ ਨਹੀਂ ਸਨ। ਬਾਅਦ ਵਿਚ ਪਰਵਾਰ ਨੇ ਬਜ਼ੁਰਗ ਨੂੰ ਰਾਤ ਦੇ ਹਨੇਰੇ ਵਿਚ ਔਰੰਗਾਬਾਦ ਦੇ ਕੱਚੀਘਾਟੀ ਖੇਤਰ ਦੇ ਜੰਗਲ ਵਿਚ ਸੁੱਟ ਦਿਤਾ ਅਤੇ ਘਰ ਆ ਗਏ।

ਪੁਲਿਸ ਨੇ ਮਾਮਲਾ ਦਰਜ ਕਰ ਕੇ ਪਰਿਵਾਰਕ ਮੈਂਬਰਾਂ ਦੀ ਭਾਲ ਸ਼ੁਰੂ ਕਰ ਦਿਤੀ ਹੈ। ਜਾਣਕਾਰੀ ਅਨੁਸਾਰ ਔਰੰਗਾਬਾਦ ਦੇ ਕੱਚੀਘਾਟੀ ਖੇਤਰ ਦੇ ਜੰਗਲ ਵਿਚ ਪੁਲਿਸ ਨੂੰ ਇਕ ਬਜ਼ੁਰਗ ਔਰਤ ਮਿਲੀ। 90 ਸਾਲਾ ਔਰਤ ਨੂੰ ਇਕ ਚਾਦਰ ਵਿਚ ਜੰਗਲ ਦੇ ਵਿਚਕਾਰ ਛੱਡ ਦਿਤਾ ਗਿਆ ਸੀ। ਘਟਨਾ ਦੀ ਜਾਣਕਾਰੀ ਮਿਲਣ 'ਤੇ ਜਦੋਂ ਪੁਲਿਸ ਮੌਕੇ 'ਤੇ ਪਹੁੰਚੀ ਤੇ ਬਜ਼ੁਰਗ ਨੂੰ ਜ਼ਿਲ੍ਹਾ ਹਸਪਤਾਲ ਦਾਖਲ ਕਰਵਾਇਆ ਗਿਆ।

ਪਤਾ ਲਗਿਆ ਕਿ ਬਜ਼ੁਰਗ ਕੋਰੋਨਾ ਸਕਾਰਾਤਮਕ ਹੈ। ਬਜ਼ੁਰਗ ਤੋਂ ਪੁਛਗਿੱਛ ਦੌਰਾਨ ਪਤਾ ਲਗਿਆ ਹੈ ਕਿ ਕੋਰੋਨਾ ਦੀ ਖ਼ਬਰ ਪਰਵਾਰਕ ਮੈਂਬਰਾਂ ਨੂੰ ਮਿਲੀ ਸੀ। ਇਸ ਤੋਂ ਬਾਅਦ ਪਰਵਾਰ ਨੇ ਬਜ਼ੁਰਗ ਨੂੰ ਜੰਗਲ ਵਿਚ ਸੁੱਟ ਦਿਤਾ ਅਤੇ ਉਥੋਂ ਫ਼ਰਾਰ ਹੋ ਗਏ।  ਪੁਲਿਸ ਅਨੁਸਾਰ ਬਜ਼ੁਰਗ ਲਗਭਗ ਇਕ ਘੰਟਾ ਜੰਗਲ ਵਿਚ ਤੜਫ਼ਦੀ ਰਹੀ। ਔਰਤ ਨੂੰ ਜ਼ਿਲ੍ਹਾ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ। ਬਜ਼ੁਰਗ ਔਰਤ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ। ਪੁਲਿਸ ਨੇ ਇਸ ਸਾਰੀ ਘਟਨਾ ਦੇ ਸਬੰਧ ਵਿਚ ਮਾਮਲਾ ਦਰਜ ਕਰ ਕੇ ਰਿਸ਼ਤੇਦਾਰਾਂ ਦੀ ਭਾਲ ਤੇਜ਼ ਕਰ ਦਿਤੀ ਹੈ। (ਏਜੰਸੀ)